2Samiɛl 17:10 - BII BILA

¹⁰ O kon, hali vana cɔw mayoomu fula kɔllo maa yàlà-o vunin diallon. Kani Israɛlla kpow sina maa kuubanɔ cɔwvo fuɲa nɔm co ni. A langbaa kalla kpeekpei o co balɔɔ ni.

2Samiɛl 17:10 Referans Kwoze

Hebreea 11:34

Má ɲumi kpaaya leyinndo, má hialun mɔɛi cɔwve, má deli a nààlan, má siangu. Telen lacɔwvo, má yɔŋnun vanaa dialun kalaa, má toaw vanaa cɔvaa va nda hinullo-a.

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Esai 13:7

Le hee, bala vannda kpow la fula yoomuan, kɔllo hiilun vanaciee oo vanaciee nin.

Condii kɛndɛ-kɛndɛi 3:7

Mbòòma Salomɔn-ndo co hunɔɔ ho ni. Langbaa kalla belaŋɔmpum a balu mbòòma kalaa ni, kuubaa cɔvaa bɛndua Israɛl kposon!

Talelan 28:1

Vana dɛnɛ vɔɔndo nɔlà mò sungu kiltan hali mì vana ve ndu tovɔɔ le. Kɛ vana sandaa ndu laalan ndu pila maa yàlà téndé.

2Samiɛl 23:20

Benaya, po Yehoyada-o, kuubanɔɔ a vana dialun kalaa o va ni, Kabseɛl ndóò fula ni. Ndu dii kuubaa cɔvaa ŋiɔnda Moab ni. Ndu koni tol vɛlɛ paale pum o soon mandaa mamɛnndo nin ni, mó kɔ dii yàlàá. Paale len, mɛmma n'kpungban ma va delio.

2Samiɛl 1:23

O ceen ndaa kpow nin, kaolianndo pila Saul nda Yonatan ndáà kaolian ni. Hali o piɔ́m ndaa nin, a cɛl le sɛyanndo le. Ndáà hiow kovɛa keleŋaa, ndáà hiow yàlàá yoomuan.

1Samiɛl 18:17

Saul va dimio o kɔl nin aa: «Màá Filistia díí David, kɛ màá o vá ya pila le díí ndu le!» Le hee, mó dimul David aa: «Má cè Merab cua ni tasoo! Ndu ya co nɔm yɔngu mo va laa nɔm ni. Kɛ fɔ ma tosal-la fɔlɔn baalaa a dialun fulan o cɔwla Mɛlɛka lan tosaa nin.»

Tɔŋ miingua 1:28

Te o co yɛ pɛ lende, le yɛɛ naa n co yɛ heelu? Puapilɛa naa soli naa yoomuan má dimi aa vanaa kan a hiow naa vaa sɛ́lɛ́, a hiow naa vɛlɛ kpaayaa, aa kobila ndalan la co bɔɔ kobila bɛndu, la co lakungaalan a kpakilan háá o halataala. Mí n ca bɛɛ polale Anak len ndon.›

Fulaa 15:15

Simlacia Edɔm bɛɛ a yɔŋnun yulan-yulan a siòònde. Kɔltan la hiilun cuavaa lemasaa Moab nin voku-voku. Vanaa co icali Kanaan-nda bɛɛ fula mayoomu.

O Kandɔɔ 49:9

A toɲa, Yuda, yàlà téndóó n co ni. Po nuu, a fula pɛlɛlen má hun biɔmnun maa yàlà. Vana ca nɔm ko o biamnanndo a yàlàá kpeekpei ni. Nɛ̀ɛ́-nɛ̀ nɔla yɛ mò cua nɔm isisi lon?

2Samiɛl 17:9

I ce maa o co nihau o viannanndo o buululan nin, te kon te nɛɛ celen. Te n kandu dɔ́ɔ́ pɛ cɔwvo ma diw vanaa naa, vannda kpow co sɔɛi ken tueyɔɔ, mà dimi aa a nɔla vanaa sim Absalɔm kɔɔli-a.

Condii lisai 89:19

Kani vana nɔ naa hɔlten coo-o co nɔm o ba bɛngu. Nɔm o ba bɛngu masa naa co ni, nɔm O-Diandaa Israɛlla pɛɛn.

Esekiɛl 21:15

Le (vannda) diwvo i cɛɛŋan ni, i co volio ŋuandi-ŋuandi i yikpɛi tɛm-tɛm. Vɛ̀ɛ̀ vana dɔawnun ɲaale a tinda lemasa po nuu? Tinda lemasaa co ɲɛ-ɲɛ mɔɛi cɔwve o hɔl te.

1Samiɛl 16:18

Mí buɛiyo pilɛ cua sɔɛi, mó dimi aa: «I sina langbanɔɔ pum, po Yisai Bɛtlɛhɛmnɔ-o, vana ɲɛ-caa kɛndɛ-kɛndɛ o co ni, vana dialun kalaa a kuubanɔ cɔwvo o co vɛlɛ ni. O caa sɔɛi, o naŋ hɔlla, hiovɔɔ o kon coo, Mɛlɛka co ndu ikɛi.»