2Samiɛl 16:4 - BII BILA

⁴ O kon mí masaa dimul Siba aa: «I yɔngu nɔm ɲɛm Mefibosɛt-on kpow.» Mí Siba dimul ndu aa: «Mɛɛ balika masaa le ya dɛnɛ kɛndɔɔ ho tosallo.»

2Samiɛl 16:4 Referans Kwoze

Talelan 18:17

Vana ca ko aa vana bii seiyo tase-o nɔ di ni, kɛ fɔ mì vana nda sɛɛngian-ndo hun kɔɔsa, mò sɛɛngiaa ndu.

Talelan 18:13

Te vanndo yeŋnun fɔlɔn te, mò yɔngu mulio, o dimi diɔmndon, siɛmbulan la bii ndu.

Talelan 19:2

Te vana nɔ taasi le dɛnɔɔ keleŋaa tosaa niŋ te, kani vana hiw pɛ lawvo a dɛnɔɔ a bendun.

Tɔŋ miingua 19:15

«Seile seiyo ndu pilɛ timbi len le tiw le vanndo yaalaa le tɛɛmbuu oo tɛɛmbuu, te kon te le haki oo haki le. Fɔ mi seiya a ŋiɔn, te kon te a yaa a timbi seilen malan yamɛi kialun.

Fulaa 23:8

La cɛl ɲɛm nda vanin niaa yɔngoo le niaa luɛyɔɔ nin-ndon te, kani ɲɛm vaa lende n suumiaa vanaa co cɔu-va, mì n laasiaa sɔɔn vanaa sandaa.

2Samiɛl 14:22

Mí Yoab cal masaa o labɛngunin, mó tundun, mó tiiya bollen lɛŋ dí, mó mel ndu balika, mó dimi aa: «Masaa, i sina maa a ce ya hau ɲia, kani nɔm vana ni bɛndoo cɛl le ɲɛ ya tuu-o tosaa.»

2Samiɛl 14:4

Mí cua fula kon Tekoa-o kɔa o masaa lo, mó del lɛŋ ndu o labɛngunin, mó dimi aa: «Éé masaa, baŋa ya fɔ́!»

2Samiɛl 9:6

Mefibosɛt, po Yonatan-ndo, po imama Saul-lo tiiyaa o David lo, mó del lɛŋ o kuumbuan o kɔl coo masaa o hɔl. Mí David ɲuna ndu aa: «Nɔm co Mefibosɛt ni?» Mó muli aa: «Ya co vana nɔm baala kon ni.»

2Samiɛl 9:9

O kon mí masaa veelu Siba buɛi Saul-lo, mó dimul ndu aa: «Ɲɛm va le Saul a yungu ndɔɔ kpow-von, i yɔngu Mefibosɛt, po imama vana nɔm bɛndoo mun.

2Samiɛl 16:3

Mí masaa ɲuna Siba aa: «Kuɛɛ nɛ Mefibosɛt, po imama vana nɔm bɛndoo co yɛ?» Mó mulul ndu aa: «O lo Yerusalɛm ciee. Kani o co yiyanndo maa Israɛlla co ndu hau masale fuɲa ndɔlen mingi o ba.»

2Samiɛl 16:5

Masaa David tiiyaa Bahurim ciee, mí Simei, po Kera fula o polale Saul-ten nin-ndo cenelan ndu, mó va ndu yeowlan.

2Samiɛl 19:27

Mó muli aa: «Àá masaa! Buɛi nuu pala ya ni. I va yiyanndo le sofɛlɛ nuu toosiaa, mì yáà kɔɛ lecoo nɔm kɔɔli, kani vana bɛvɛiyo ya co ni.

2Samiɛl 14:8

O kon mí masaa dimul ndu aa: «Muungun o nɔm ndo cɛinin, i co diomndo yɔngu a sɔɛi nɔmnde o kɔɔ.»