2Samiɛl 16:22 - BII BILA

²² Má tondul Absalɔm cɛi-kola-toandaa o bɛ́ɛ̀ lemasaa. Mó kɔ hini a sámáá fuɲa ndɔa lon Israɛlla kpow o hɔl.

2Samiɛl 16:22 Referans Kwoze

2Samiɛl 15:16

O kon mí masaa can le kɔlan a yungu ndɔɔ kpow. Kɛ mó mɛi sámáá ndɔa tɔ́ le cɛi lemasaa mandaa.

2Samiɛl 20:3

Masaa tiiyaa dɔ́ɔ́ o cɛi ndɔ lemasaa nin, mó veelu sámáá ndɔa tɔ́a ndóò mɛi o cɛi lemasa kon nin le ndu mandaa-a, mó luei nda o cɛiyo pum nin, mó handu kpalilla le nda mandaa, mó va kpekula ndalan toosiaa. Kɛ o sɔɔnguu lɛ o kɛ́-kɛ̀ ikɛi le ndu sinaa vanalanɔ le. Lende nda lo a mandaa ni háá má vu, a va nin ndon vanáà ca ko aa vanlaandua piaandaa ndaa vi-a ni.

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Esekiɛl 24:7

Kani kooma vanaa o diw-va ma co vɔ ceen déŋ, o pow bandíláà coo kpendekele o taaliaa man ni, o sɛŋi man o lɛŋnde muungu coo mì maa mɔɲamɔɲa o cundoo nin te.

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 3:3

Le ken, mí tuŋ nɔm piɔɔ, tue bɛɛ piɔɔ del a sialten te, kɛ a kon kpede, a mel suundaa le, siɛmbula bii nɔm te few.

Esai 3:9

Hɔlaa ndaa co nda seilen tɛndallo kpendekele. A co hakila ndalan solio ceen vakpa. Mɛ̀ɛ́-mɛ̀ɛ́ sodɔmnda va tosaa yɛ, a co lan tɔ́ɔ́ keeliaa o co bɛɛ o vionnɔn nin te! Lelan, dɛnɛ palaa co nda cum! Kani a cii dɛnɛ palaa toosiaa le nda pila.

2Samiɛl 11:2

Paale pum, a paale yɔngannden, David cɔnɔnndo o lɔma ipalan, mó kɔa kelaa o fonda yesa va o cɛi ndɔ lemasaa coo-o. O lo coocoo lon, mó ca vanalanɔɔ pum pulɔnndo, ndóò naŋ hɔlla taw.

Kundalan 25:6

A telen kon kpafii, mí langbanɔ Israɛlnɔɔ pum va hunɔɔ a cuaambɔ laandu Madiannɔɔ pum. Moise nda Israɛlaa tɔ̀a kpow a va icali caŋndo a mɔnɛi o cɛi-kola-toandaa-labɔɔŋianndo sondoo, má ca nda.

O Kandɔɔ 35:22

Tuma o va icali o tàndà kon nin-ndo, mí Rubɛn po ndɔ suunda a buɛi laandu Rasɛl-lo, Bilha pɛɛn, ó va nin hinilan fuɲa ndɔ kɔɔli-o. Mí Israɛl fuɲa ndɔ tuɛi sɔɛi ken. Yakɔb ndóò velu poaa tɔ́ a à ŋiɔn.