2Samiɛl 16:21 - BII BILA

²¹ Fɔ́ɔ́fɔ̀, mí Ahitofɛl mulul ndu aa: «Kɔ mà kɔ hini a sámáá fuɲa nɔm mɛi haa le cɛi lemasaa mandaa-a. Tuma Israɛlla kpow a tuɛinin sɔɛi ken-ndo, ɲɔɔ co nda pala mì fuɲa nɔm kelun nɔm vɛlɛ yii. O kon, vanaa yeema nɔm-nda kpow a sɔla niko yoomuan.»

2Samiɛl 16:21 Referans Kwoze

2Samiɛl 20:3

Masaa tiiyaa dɔ́ɔ́ o cɛi ndɔ lemasaa nin, mó veelu sámáá ndɔa tɔ́a ndóò mɛi o cɛi lemasa kon nin le ndu mandaa-a, mó luei nda o cɛiyo pum nin, mó handu kpalilla le nda mandaa, mó va kpekula ndalan toosiaa. Kɛ o sɔɔnguu lɛ o kɛ́-kɛ̀ ikɛi le ndu sinaa vanalanɔ le. Lende nda lo a mandaa ni háá má vu, a va nin ndon vanáà ca ko aa vanlaandua piaandaa ndaa vi-a ni.

2Samiɛl 15:16

O kon mí masaa can le kɔlan a yungu ndɔɔ kpow. Kɛ mó mɛi sámáá ndɔa tɔ́ le cɛi lemasaa mandaa.

Sakari 8:13

Niaa cuavaa Israɛlla a niaa polale Yuda len, La paandu maa vanaa danga vanaa-mangalaa-isɔaa tɛɛn yɛ. Kɛ o laan, i co niaa ciindiaa, mì la siŋnun vanaa duaa. Lelan, siòòŋii bíì niaa le. La lueí yoomuan.

2Samiɛl 2:7

Lelan sisa la sim yili, la luei yoomuan, kani Saul vana niaa bɛndoo vinnun. Kɛ ya yungu Yuda-o pɔla ni mì va masaa nda coo.»

Tɔŋ lasálàá 18:8

A bɛnda ma tosa kpelemɔɔsaa a lanɔɔ fuɲa nɔm te. A tosa pɛ kon, mɛɛ a cii fuɲa nɔm labɛɛ.

1Korɛntea 5:1

Vannda co ya dimullo lɔ́ɔ́-lɔ́ɔ̀ maa vanaa pum a co dɛnnda nɔɔlɛilan tosaa niaa tɛɛn, dɛnnda nɔɔlɛila co bɛɛ tosan hali vanaa sínà Hala le-a tɛɛn-ndan pɛɛn, maa vana pum co nda lanɔɔ fuɲa ndɔ.

1Masaa 2:22

Salomɔn tueyɔɔ sɔɛi ken, mó mulul kala ndɔ aa: «Abisak fula Sumɛn-ndo kínɛí n yeema le Adoniya yɔngoo ni? Nɔm óò downùn niko ndu masale tɔ̀len, kani ndu cuu ya o kɔɔ ni. Downun ndu masalen nda vanaa co ndu kɔɔli-a, Abiatar vana-solia-lasálàá nda Yoab po Seruya-o pɛɛn!»

1Masaa 2:17

Mí Adoniya dimi aa: «I laalan maa masaa Salomɔn kɛɛnin nɔm diom tueyɔɔ le. Lelan yandi, kɔ dimul-la ndu mò ke ya Abisak fula Sunɛm-ndo, mò siŋnun laa nuu.»

2Samiɛl 12:11

Yaŋ nilan mà tuei ɲɛ ya co nɔm dimul-lo: I tuisinin dɛnɛ palaa nɔm pila a yungu nɔmndo kpow coo. I cuanin laandaa nɔmnda mì yɔngu nda vana celen, mà hini a nda nɔm pila o hɔl ipala déŋ.

1Samiɛl 27:12

Le hee Akis ndóò laalan David taw ni, kani o va dimio o kɔl ndɔɔ nin aa: «Daama David cuu Israɛlaa ndɔa cunulɔn nuaa ni. Lelan o vanin buɛi nuu le lɔ́ɔ́-lɔ́ɔ̀.»

1Samiɛl 13:4

Mí Israɛlla tuɛi maa Saul cii masa ibunga Filistia diyɔɔ. Mí Israɛlla siŋnun vanaa vɔɔŋaa bɛndua Filistia o hɔl le dɛnɛ kon. O kon, mí vanaa cɔvaa Israɛlla kpow a cuungian Kilkal o Saul lo.

Tɔŋ lasálàá 20:11

Te vanndo suunda pɛ a laandaa fuɲa ndɔa o pilɛ, mɛɛ o tɛɛmbuu fuɲa ndɔ labɛɛ. Lelan, vana kon a vanalanɔ nda suunda kon-ndo, a bɛnda mà sɔla piɔ́mndo nda ŋiɔn kpow. Nda pila nuwviaa piɔ́m ndaa ni.

O Kandɔɔ 38:16

Mó sɔɔnguu ndu ikɛi o nɛiyo dangalaa, mó dimul ndu aa: «I yeema mì n va naa ŋiɔn.» Kani ndóò sina maa lanɔɔ po ndɔɔ le. Mí cuaa ɲuna ndu aa: «Taa va pɛ a ya, yɛɛ nɛ n co yɛ ya ke?»

O Kandɔɔ 35:22

Tuma o va icali o tàndà kon nin-ndo, mí Rubɛn po ndɔ suunda a buɛi laandu Rasɛl-lo, Bilha pɛɛn, ó va nin hinilan fuɲa ndɔ kɔɔli-o. Mí Israɛl fuɲa ndɔ tuɛi sɔɛi ken. Yakɔb ndóò velu poaa tɔ́ a à ŋiɔn.

O Kandɔɔ 34:30

Mí Yakɔb dimul Simeɔn nda Levii aa: «La pìndul-la cɔwvo fɔ́! La siinguu ya vana vɔɔn bɛndoo pilacieaa lelɛŋnda o hɔl, Kanannda a Perisiia pɛɛn. Nduyɛ, vanpiaandua bɔɔ co ya o ba le. Te vannda ha mɔsɔŋan pɛ le ya tolɔɔ coo, a co ya nɔla, mà dii ya a yungu nuu kpede.»

O Kandɔɔ 6:4

Boondii ken vanaa vilɛi-vilɛiya va o lɛŋnden coo ni. Mí ndáà va vɔ vɛlɛ o kon kɔɔli. Nda yɔŋnun kuubaa cɔvaa masindɛa ni, tɔ́ɔ́ pila ndáà nɔ ni. Tuma poaa Hala-a hun cua cuavaa laandua vanndacieea o nɔ̀lan-ndo nda velu vanaa vilɛyaa kan ni.

2Samiɛl 16:20

Mí Absalɔm dimul Ahitofɛl aa: «La suukan le sinaa mɛɛ naa n bɛnda le tosaa yɛ.»

2Samiɛl 17:7

Mí Husai mulul Absalɔm aa: «O laan, tuu Ahitofɛl tuu hoo-o bɛnda le.»

2Samiɛl 10:6

Mí Amɔnnda sina maa a nɛinun David le dɛnɛ nda tosa kon-ndo. Le hee, má cua vanaa cɔwva vaalan bidiin o Aramiia Bɛt-Rehɔb a o Aramiia Soba tɛɛn, má cua vɛlɛ vanaa cɔwva vàá pilɛ masaa Maaka o ba, má cua vɛlɛ vannda vaalan tɔ́ a latiɔn o vannda Tob tɛɛn.

2Samiɛl 13:5

O kon mí Yonadab dimul ndu aa: «Hini o kpele nɔmndo coo mà tosa maa a nàá n co ni. Tuma fuɲa nɔm hunnin nɔm yilɔɔ-o, a dimul ndu aa o cuu nɔm Tamar yema nɔm mó hun tosal nɔm ɲɛdiaa nɔm pila o hɔl, mò yɔngu nɔm, mà de.»

1Masaa 11:25

Salomɔn vi lende, Resɔn fula o yaamɔɔle ndɔlen nin te. Dɛnɛ Hadad tosa-o yɔŋnun hoo ni: ndóò nɔ nɛyɔnndo taw a Israɛlla, o va vɛlɛ masalen tosaa Aram.