2Samiɛl 15:36 - BII BILA

³⁶ Ahimaas, po Sadɔk-o nda Yonatan po Abiatar-o co nda ikɛi lon nda ŋiɔn kpow. Nda niaa vanin vomɔɔ o ya lo le sɔɔn niaa tuɛinin-ndon ya tɛɛngullo ni.»

2Samiɛl 15:36 Referans Kwoze

2Samiɛl 17:17

Yonatan po Abiatar-o, nda Ahimaas po Sadɔk-o va isisi Ɛin-Rokɛl, buɛi laandoo pum ndóò bɛnda le nda congɔnndo dimullo, mì nda pila ndáà kɔ dimul masaa David congɔn kon. Kani ndáà bɛnda mì ndáà fula ciee mì vannda ndáà ce nda le.

2Samiɛl 15:27

Mí masaa dimul vɛlɛ Sadɔk, vana-solia-lasálàá aa: «Muungun ciee a kɔlɲuloo niaa Ahimaas po nɔm, Yonatan po Abiatar-o. La kɔ a poaa niaa ŋiɔnda o ba.

2Samiɛl 17:15

Mí Husai kɔ cɔm vanaa-solia-lasálàá, Sadɔk nda Abiatar tuula Ahitofɛl ndóò cɔm Absalɔm nda kaasoŋaa kɔlkalua Israɛlla lan, a tuula ndu pila Husai tuu lan.

1Masaa 1:42

O mei bɛɛ sɔɛi le, mó ca Yonatan po Abiatar vana-solia-lasálàá hunɔɔ. Mí Adoniya dimul ndu aa: «Poo hun-ndɔ mà dimul naa lavàà ciee, kani langbanɔ kálàá n co ni. I ce maa a yoongu kɛndɔɔ pum n hin ni.»