2Samiɛl 15:32 - BII BILA

³² Tuma David va tiiyaa o pembei tullo nɛɛ vannda ndáà dema paandu Hala piɛiyo-a-o, mó ca Husai Arkiinɔ hunɔɔ ndu laci. Domaa va ndu o sɛɛsiɛiyo lekɔɔ a loolio o suinanndo o lebol.

2Samiɛl 15:32 Referans Kwoze

Yosue 16:2

Cɔnɔnndo lon, mí la kɔa Lus, mí la kei Atarɔt o lɛŋnde Arkiia,

2Samiɛl 1:2

O paale yàándɔlen, mí langbanɔɔ pum fula o dɔ́ɔ́ngɔ́ Saul-lo nin, mó hun. Volɔɔla sɛɛsiɛilan la va ndu lekɔɔ, loolio va ndu o suiyan o lebol kpow. Ndóò sɔɔnguuo David ikɛi, mó del lɛŋ, mó baŋ vulan.

Luke 19:29

Tuma nda kandu tiiyaa Bɛtfasee a Betani ciee-lekɔɔ-o, o Pembii oliviei, mí Yeesu viam kaandeŋaa ndɔa nda ŋiɔn,

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Condii lisai 3:7

Mɛ̀ɛ́-mɛ̀ɛ́ sɛ́lɔ́ɔ́ balu ya le ya delɔɔ coo, siòòŋii bíì ya a nda le.

1Masaa 11:7

Tuma kon, mí ndu Salomɔn toosiaa fonda-loamaa-lasálàá o pembii co Yerusalɛm o hɔl-ndɔ-e coo le Kɛmɔs, piɔm lamàà Moabua, a le Molɛk, hala lamàà Amɔnnda.

2Samiɛl 15:30

David va Pembii oliviei helɔɔ pelun fondo a caŋndo, kolaa va o kumbuaa ndu o lebol. Vanaa va kɔlan ndu kɔɔli-a bɛɛ a va kɔlan a kolalan lakumbuan o lebol, a va kɔlan a caŋndo.

2Samiɛl 13:19

Mí Tamar vownun pultan o lebol, mó sɛɛsiaa doma ndɔɔ, mó handun balan o lebol, mó va kɔlan a yeelan.

1Samiɛl 4:12

Paale len, mí vanndo pum, fulaa o polale Bɛnyamɛn-nden nin o hialun o yondo cɔwvo nin, mó tiiya háá Silo a kiltan paale pilɛle len. Volɔɔla sɛɛsiɛilan la va ndu lekɔɔ, loolio va ndu o lebol.

2Samiɛl 16:1

Tuma David hiow pembei bollen ɲɛ-pɔmbɔ-o, mó ca Siba, buɛi Is-Bosɛt-o hunɔɔ ndu laci a sofɛlɛa nda ŋiɔn a ɲɛla calaalan nda o lakɔɔ, bululan kɛmɛ lediin, dɛɛla n'rɛsɛnnda toaŋaalan kɛmɛ, voosun vesɛiyon kɛmɛ a mɔiyan hemndo pilɛ va nda o kɔɔ.

2Samiɛl 17:5

Kɛ mí Absalɔm dimul ndu aa: «Veelu Husai Arkiinɔ, mí ndu bɛɛ dimul naa yiyan ndɔɔ.»

1Masaa 4:16

Baana po Husai-yo va o tàndá Asɛr a Bealɔt-o nin ni.

1Dɛnnda lemasalan 27:33

Ahitofɛl va vana silaa masaa ni, Husai Arkiinɔ va caaŋoo masaa ni.

2Samiɛl 16:15

O kon kɔɔli, mí Absalɔm a Israɛlla kpow a tiiya Yerusalɛm. Ahitofɛl bɛɛ va ndu Absalɔm ikɛi.