2Samiɛl 15:31 - BII BILA

³¹ Mí vannda dimul David aa: «Ahitofɛl co vana pilɛ o vanaa yii dúmbóó nda Absalɔm-aa latulu-a tɛɛn.» O kon mí David piɛi aa: «Éé Mɛlɛka! Tɛɛmbuu silala Ahitofɛl-tan yandi.»

2Samiɛl 15:31 Referans Kwoze

2Samiɛl 17:23

Tuma Ahitofɛl ce maa vannda bii sila ndɔɔ loo, mó dovi sofɛlɛ ndɔɔ, mó muungun o ndu lo ciee. Mɛɛ o tiiya, mó congun yungu ndɔɔ, mó kɔ landun, mó vu. Má kumbu ndu o sɛi fuɲa ndɔ-o nin.

2Samiɛl 17:14

Mí Absalɔm nda Israɛlla kpow a dimi aa: «Sila Husai Arkiinɔ-o hiow bɛnda a sila Ahitofɛl-lo!» Kani Mɛlɛka ndóò yeema le tuu Ahitofɛl-lo tɛɛmbuuo haliko mi ndóò tuisi Absalɔm dɛnɛ palaa coo.

Nsaki 3:15

Kɔlkalu vaa lende co kɔlkalu fula coocoo le, kɛ kɔlkalu ceendo, kɔlkalu n'faloo a kɔlkalu ɲinaa co kon ni.

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

2Samiɛl 16:23

O telen kon yɛ, vannda va silala Ahitofɛl-tan biyɔɔ maa sɔɛi Hala. Hali David nda Absalɔm va silala ndɔlan biyɔɔ.

1Korɛntea 1:20

Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?

Condii lisai 3:1

Condii David soli telen o va Absalɔm po ndɔ ɲaanɔnndo-e.

SƐBƐ YƆB-O 5:12

Ndu tɛɛmbuu tuula vanaa kɔlkalu vɔɔnda ni, mì kɛɛsuula ndalan la laasian nda o ba.

2Samiɛl 15:12

Tuma Absalɔm va sálàlan solio-o, mó viam kiilaa Kilo le Ahitofɛl, vana silaa David-o veeloo. Mɛɛ vannda va hiovɔɔ laci a handɔɔ o kunda Absalɔm-ndo coo yɛ, lende koni dúmbóó va kɔlan a yiinɔnndo ni.

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Esai 19:3

Yiyan Esiptea laasiannin nda tɛɛn. I laasiaanin sɔɔn lelɛŋun ndan. A kɔanin ma kɔ sooluu piɔmnda, ma kɔ viom yavalan o mandea lo, o vanaa suukan a vanvílɛ́iya-a lo a o vanaa dimi siɔdii lacio-a lo.

Condii lisai 109:3

A balu ya a sɔɔn nɛi vana kɔllo-on, a co ya delɔɔ coo fondo fúú.

Condii lisai 55:12

Diuvanndo tuŋ co lenin ni, delɔɔcoo a kafalan la co cuvɔɔ lenin te.

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

2Samiɛl 17:5

Kɛ mí Absalɔm dimul ndu aa: «Veelu Husai Arkiinɔ, mí ndu bɛɛ dimul naa yiyan ndɔɔ.»

2Samiɛl 17:7

Mí Husai mulul Absalɔm aa: «O laan, tuu Ahitofɛl tuu hoo-o bɛnda le.»

Condii lisai 55:10

Éé Maalii, puusiaa tuula vanaa kɔlvesɛiya ha, ma luei nda diomnda hiŋanndan tɛɛn. Kani dɛnnda kpoku-kpokulan a sɔngɔlan kínɛí ya co cɔu o kobio ho nin ni.