2Samiɛl 15:27 - BII BILA

²⁷ Mí masaa dimul vɛlɛ Sadɔk, vana-solia-lasálàá aa: «Muungun ciee a kɔlɲuloo niaa Ahimaas po nɔm, Yonatan po Abiatar-o. La kɔ a poaa niaa ŋiɔnda o ba.

2Samiɛl 15:27 Referans Kwoze

2Samiɛl 17:17

Yonatan po Abiatar-o, nda Ahimaas po Sadɔk-o va isisi Ɛin-Rokɛl, buɛi laandoo pum ndóò bɛnda le nda congɔnndo dimullo, mì nda pila ndáà kɔ dimul masaa David congɔn kon. Kani ndáà bɛnda mì ndáà fula ciee mì vannda ndáà ce nda le.

1Samiɛl 9:9

Paandu, o lɛŋnde Israɛl-ten nin, te vannda ndáà yeema pɛ le Hala isɔɔ ɲuna, nuaa ndáà dimi ni aa: «N kɔnnun o vana sina sɔɔn viannanndon-ndo lo.» Vana-tɛɛngaa-diom Hala-o paalen nden hau ndáà veelu lɔ́ɔ́ kon ni aa vana sina sɔɔn viannanndon-ndo.

1Dɛnnda lemasalan 25:5

Haa kpow a yɔŋnun poaa Heman-nda ni, Heman va kon masaa David sɔɔn Hala-on tɛɛngullo le kpaaya ndɔɔ sangalaa-o pɛɛn. Mí Hala yɔngu ndu hɔ́aa piaandua tɔ́ a à hiɔɔlu a hɔ́aa laandua nda yáá.

2Samiɛl 24:11

David cɔnɔnndo dɔ́ɔ́ diimandɔɔ, Mɛlɛka ndóò dimúl nin Kad vana-tɛɛngaa-diom Hala-o, ó va vana silaa David-o-o aa:

2Samiɛl 15:36

Ahimaas, po Sadɔk-o nda Yonatan po Abiatar-o co nda ikɛi lon nda ŋiɔn kpow. Nda niaa vanin vomɔɔ o ya lo le sɔɔn niaa tuɛinin-ndon ya tɛɛngullo ni.»

2Samiɛl 15:34

Lelan, muungu ciee mà kɔ dimul Absalɔm aa: ‹Masaa, i yeema mì va buɛi nɔmndo. Buɛi fuɲa nɔm-ndo ya va paandu ni. Kɛ nihau, i yeema mi siŋnun buɛi nɔmndo.› A tosa pɛ kon, mɛɛ a mala ya le silala Ahitofɛl-tan laasiaa.

1Samiɛl 9:6

Mí buɛi kon mulul ndu aa: «Vana-tɛɛngaa-diom Hala-o pum co o kobio ho nin, o fula tɔ́ɔ́ taw. Ɲɛ-ɲɛ o dimi pɛ, mɛɛ mo tosan lekɛ́ndɛi. N kɔ vɔ hau o ndu lo, bɔɔle mo cɔm naa nɛi naa n bɛnda mì n kɔɛ coo-o.»

1Masaa 1:42

O mei bɛɛ sɔɛi le, mó ca Yonatan po Abiatar vana-solia-lasálàá hunɔɔ. Mí Adoniya dimul ndu aa: «Poo hun-ndɔ mà dimul naa lavàà ciee, kani langbanɔ kálàá n co ni. I ce maa a yoongu kɛndɔɔ pum n hin ni.»

1Masaa 4:15

Ahimaas va o tàndá Nɛftali-o nin ni. Basmat, cua Salomɔn-ndo Ahimaas kon bɛɛ ndóò yil o nɔ̀u nin ni.

1Dɛnnda lemasalan 6:8

Ɛlkana, Abiasaf, Asir,

2Samiɛl 18:19

Mí Ahimaas, po Sadɔk-o dimul Yoab aa: «Cɛl mì ɲaanun, mì kɔ cɔm masaa mɛɛ Mɛlɛka baŋa ndu yaamɔaa ndɔa o ba yɛ.»