2Samiɛl 15:24 - BII BILA

²⁴ Sadɔk vana-solia-lasálàá, a leviia kpow va nda tɛɛn, a va kɔlan a kesu kpema Hala-o o lebol. Vannda cuu fula lende o kobi kon nin, Abiatar va sálàlan solio tuŋ.

2Samiɛl 15:24 Referans Kwoze

2Samiɛl 8:17

Sadɔk, po Ahitub-o a Ahimelɛk, po Abiatar-o va vanaa-solia-lasálàá ni. Seraya va vana sɛvaa ni,

Kundalan 4:15

Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni.

2Samiɛl 20:25

Seba va vana sɛvaa ni, Sadɔk nda Abiatar va vanaa-solia-lasálàá ni.

1Samiɛl 22:20

Fɔ Abiatar, po Ahimelɛk-o, po imama Ahitub-o, ndu pilɛ kpé hɛlun ni, mó ɲaanun nɛɛ David va-a.

Esekiɛl 48:11

Vanaa-solia-lasálàá sɔlanin pɔlaa o polale Sadɔk len coo-a nɔnin bungɛi ken ni. Kani nda va baala nuu tosaa ni, (ya Mɛlɛka), nda nda laasian mɛɛ leviia laasian telen cuavaa Israɛlla luɛi o pɔwlan nin-ndo le.

1Dɛnnda lemasalan 15:2

O kon mó dimi aa: «Leviia daama bɛnda le kesu Hala-o cuaa ni, kani nda Mɛlɛka hɛli le ndu cuaa a le baala ndɔɔ tosaa le lɔ́ɔ́-lɔ́ɔ̀ ni.»

1Masaa 2:35

O kon kɔɔli, mí masaa Salomɔn handu Benaya po Yehoyada-o simlacinɔ vanaa cɔwva o fonda Yoab-o, mó mingi vɛlɛ Sadɔk vana-solia-lasálàá o fonda Abiatar-o.

1Masaa 1:8

Kɛ nduyɛ, Sadɔk vana-solia-lasálàá, Benaya po Yehoyada-o, Natan vana-tɛɛngaa-diom Hala-o, Simei nda Rei a kuubaa cɔvaa David-a kpede, vana-vana sim Adoniya kɔɔli o tuu ndɔ kon coo le.

2Samiɛl 15:35

Handɔɔ o kon coo, Sadɔk nda Abiatar, vanaa-solia-lasálàá vanin nɔm ikɛi lon. Sɔɛi-sɔɛi n kɔ tuei pɛ o cɛi lemasaa nin, a dimul nda.

2Samiɛl 15:27

Mí masaa dimul vɛlɛ Sadɔk, vana-solia-lasálàá aa: «Muungun ciee a kɔlɲuloo niaa Ahimaas po nɔm, Yonatan po Abiatar-o. La kɔ a poaa niaa ŋiɔnda o ba.

2Samiɛl 6:13

Mɛɛ vanaa va kɔlan a kesu kpema Mɛlɛka-o-a nɛi dɔ́ɔ́ bɛngoo leŋɔmpum o kɔlan, mí David soli sálàá a naw tovaa o pilɛ a á naw téndé celulaa o pilɛ.

1Samiɛl 4:11

Mí Filistia poonda kesu kpema Hala-o, mí poaa ŋiɔŋaa Helii-a, Hɔfni nda Pineas bɛɛ a sɔla piɔ́mndo.

Yosue 6:6

Mí Yosue, po Nun-ndo veelu vanaa-solia-lasálàá, mó dimul nda aa: «La siilun kesu kpemaa, mì vanaa ŋɔmmɛw o niaa tɛɛn cua bulula hɔŋaalan tan ŋɔmmɛw, leela saa kóndólan pɛɛn, mà sim kesu Mɛlɛka-o laci.»

Yosue 6:4

Vanaa-solia-lasálàá nda ŋɔmmɛw a cuanin bulula hɔŋaalan tan ŋɔmmɛw o laba, mà va kɔlan kesu kpemaa laci. O paale ŋɔmmɛwndɔlen coo, la balu kobio bɛmbɛ leŋɔmmɛw, mì vanaa-solia-lasálàá nda nda va bululan hɔŋndo.

Yosue 3:6

O kon kɔɔli, mó dimul vanaa-solia-lasálàá aa: «La cua kesu kpemaa, mì la sim vannda laci.» Má cua ndu, má hiaw vannda laci le kɔlan.

Yosue 3:3

le vannda dimullo aa: «Lɔ́ɔ́ niaa canin leviaa-solia-lasálàá kɔlan a kesu kpema Mɛlɛka Hala niaa o lacongú-o, la faŋan o fonda niaa co hoo-o, la kɔɛ nda kɔɔli.

Kundalan 7:9

O yɔngu cuavaa-imamaa Kehat-a ɲɛ-ɲɛ o ɲɛla lan nin te, kani nda va le hɔlla landɔɔ o ɲɛm valin diandan coo a le mun vilio o lacongú ni.

1Masaa 2:26

O kon kɔɔli, mí masaa Salomɔn dimul Abiatar vana-solia-lasálàá aa: «Kɔnnun Anatɔt o nɔm ndo, kani nɔm óò bɛnda mì nɔm óò sɔla hau piɔ́mndo. Kɛ i co nɔm diyɔɔ le, bau telen David fuɲa ni va masaa-o, má kɔa a kesu kpema Maalii-o, o co Mɛlɛka-o ndu o hɔl, má sanga vɛlɛ fuɲa nuu kɔɔli o sangala kei ndu coo lan kpow nin.»