2Samiɛl 15:23 - BII BILA

²³ Tuma sɛ́lɔ́ɔ́ va hiovɔɔ David laci-o, mí vannda kpow va caŋndo fúkpàà-fùkpàà. Mí masaa pila taŋ pee pɔmbɔɔ Sedrɔn, mó bii nɛi kɔɛ a kpengii lɛŋnde veselɛilen-ndo a vanaa va ndu kɔɔli-a kpow.

2Samiɛl 15:23 Referans Kwoze

2Samiɛl 16:2

Mí masaa ɲuna ndu aa: «Siba, yɛɛ nɛ n yeema yɛ tosaa a ɲɛlan ndan?» Mí Siba mulul ndu aa: «Àá masaa! O sofɛlɛa ha coo yungu nɔmndo helnin ni, buloo hoo a kullon mun, le balo vanaa nɔmaa cɔwva ni, mɔiyan man yɛ, le vanaa sanganin o lɛŋnde veselɛilen nin-nda bololan pɔɔlaa ni.»

Nsaŋ 18:1

Yeesu ciiyo sɔɛi lende, mó fula latulu nda kaandeŋaa ndɔa le kɔlan o bóllo Sedrɔn leeloo, nɛɛ nakɔɔ pum va-a. Má kɔ luɛi lenin nda ndaa.

1Masaa 2:37

Sina pɛngu maa paale n faŋannin ciee nanu mà taŋ pee pɔmbɔɔ Sedrɔn-nden, a co vu ɲinkon. A vi yɛ pɛ mɛɛ nɔm pila nuwviaa piɔ́m kon ni.

Rɔmnda 12:15

La dɔwnun ɲaale a vanaa co o ɲaaloo nin-nda latulu, mì la caŋ a vanaa co caŋndo-a latulu.

Luke 1:80

Poombɔɔ va hindɔɔ, o va vɛlɛ hiovɔɔ laci a kɔlkaloo sɔlaa. Mo lo o lɛŋnde veselɛilen nin háá telen o kandu Israɛlla sɔɛi o hɔl-lo.

Matie 3:3

A ndu Nsaŋ o kɔɔ Esai vana-tɛɛngaa-diom Hala-o ndóò soo ni aa: «Diomndo co sɔɛi o lɛŋnde veselɛilen nin aa: ‹La bɛɛndiaa nɛi Mɛlɛka-o, la siɛɛnduu nɛila ndɔla pɔmbɔlan.›»

Matie 3:1

O telen kon, mí Nsaŋ Vana-yinaa can, mó va kaannden tosaa o lɛŋnde veselɛilen nin o tàndá Yuda-o nin,

2Dɛnnda lemasalan 29:16

Mí vanaa-solia-lasálàá luɛi o Cɛi-Mɛlɛka-o nin le ndu dindio lenin. Má soli ɲɛm nɔɔlɛin nda komal lenin-ndon kpow o bɛ́ɛ̀, mí leviia hun cɔwviaa mun, má soli mun o kobio kɔɔli, o bóllo Sedrɔn nin.

1Masaa 15:13

Mó faŋa hali Maaka kala ndɔ bolle vanlaandua le tùú Maaka ndóò sɛl piɔmndo le hala laandoo Asera-o. Mí Asa pesipesi sungbule len, mó loam-nden o pee pɔmbɔɔ Sedrɔn kɔngɔ.

2Samiɛl 15:22

O kon mí David cɛl Itai diom, mó dimul ndu aa: «Ava, mɛɛ hiow n kɔnnun.» Mí Itai hiaw laci nda vanaa ndɔa cɔwva a yungula ndalan kpede.

2Samiɛl 15:28

Ya yɛ, i vanin cumndo o dɛngbɛla co o lɛŋnde veselɛilen nin-ndan nin háá telen ya sɔlanin yoongula niaalan-ndo.»

Yeremi 31:40

Ból vanvílɛ́iya a ból lapullo kpede, keiyo a fondala helaalan kɔlan fulaa a bóllo Sedrɔn, kɔlan tiiyaa háá o sɔngilen o Dio-soa a ba paalen le can-ndo kpow vanin le Mɛlɛka ni. Ɲɛ-ɲɛ faŋan ndɛnin lecoo le, ɲɛ-ɲɛ sungun ndɛnin le fɛɛn a fɛɛn te.»