2Samiɛl 15:21 - BII BILA

²¹ Kɛ mí Itai mulul masaa, mó dimi aa: «Te Mɛlɛka co yoomu, te nɔm masa, nɔm vana ni bɛndoo bɛɛ co yoomu, nɛɛ-nɛɛ n kɔɛ pɛ, i co nɔm kɔɔli! Taa vi pɛ, n vi latulu, taa cinda yɛ pɛ, mɛɛ n cinda latulu naa ŋiɔn.»

2Samiɛl 15:21 Referans Kwoze

Talelan 17:17

Caan kpeekpeiyo cɔm kaolaa o dɛnndan kpow nin ni. Pɔmbɔɔ, te kon te bɛndoo ndu co vana vana ikɛi le sangalan piɔvan.

2Masaa 4:30

Kɛ mí kalaa poombɔɔ dimi aa: «Te Mɛlɛka co yoomu, mí nɔm bɛɛ va yoomu, i mɛinin nɔm nanu le few.» Le hee, mí Elise can, mó kɔa nda ndu.

2Korɛntea 7:3

O co le niaa yaala le ya co niaa sɔɔn mun dimul te. I dimúl nin niaa paandu maa n kaola niaa taw, n va yoomu, n vu.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

Talelan 18:24

Vanndo nɔ pɛ canyan sɛ́lɛ́, canyan mun tiwba mì n tuisi dɛnɛ palaa ndu coo. Kɛ caan kpeekpeiyo pum hiow lo lediom coo a bɛndoo, te kon te pɔmbɔɔ.

2Masaa 2:6

Mí Elii dimul vɛlɛ Elise aa: «Lo nanu, kani Mɛlɛka vem ya Yurdɛn o peelo.» Mó mulul ndu aa: «Te Mɛlɛka co yoomu, mí nɔm bɛɛ va yoomu, i faŋannin nɔm kɔɔli le few!» O kon má hiaw laci a kɔlan nda ndu.

2Masaa 2:4

Mí Elii dimul vɛlɛ Elise aa: «Elise, lo nanu, kani Mɛlɛka vem ya Yeriko.» Kɛ mí Elise mulul ndu aa: «Te Mɛlɛka co yoomu, mí nɔm bɛɛ va yoomu, i faŋannin nɔm kɔɔli le few!» Má kɔa Yeriko nda ndu latulu.

2Masaa 2:2

mí Elii dimul Elise aa: «Lo nanu, kani Mɛlɛka vem ya háá Betɛl.» Kɛ mí Elise mulul ndu aa: «Te Mɛlɛka co yoomu, mí nɔm bɛɛ va yoomu, i faŋannin nɔm kɔɔli le.» Má kɔa Betɛl nda ndu latulu.

1Samiɛl 25:26

I laalan maa Mɛlɛka pila kuuna nɔm le koovan solio ni, ndu kuuna nɔm le cɔlɔbaa le nɔm pila ni. Lelan te Mɛlɛka co yoomu, mí nɔm pila bɛɛ va yoomu, yaamɔaa nɔmnda a vanaa yeema dɛnɛ nɔm kɛndɔɔ le-a kpede a siŋnunnin maa Nabal.

1Samiɛl 20:3

Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

2Samiɛl 15:22

O kon mí David cɛl Itai diom, mó dimul ndu aa: «Ava, mɛɛ hiow n kɔnnun.» Mí Itai hiaw laci nda vanaa ndɔa cɔwva a yungula ndalan kpede.