2Samiɛl 15:18 - BII BILA

¹⁸ Mí vanaa baalaa ndɔa kpow a kei ndu o hɔl: Keretiia kpow, Peletiia, a n'van kɛmɛ leŋɔmpumaa fula Kat má hun ndu kɔɔli-a kpow hiaw, má va kɔlan ndu masaa laci.

2Samiɛl 15:18 Referans Kwoze

2Samiɛl 8:18

Benaya, po Yoyada-o va simlacinɔɔ le Keretiia a Peletiaa va o kunda kpalilaa bɛ́ɛ̀ lemasaa tɛɛn-nda ni. Poaa David-a bɛɛ vanaa-solia-lasálàá nda va ni.

1Dɛnnda lemasalan 18:17

Benaya po Yehoyada-o va simlacinɔɔ Keretiia a Peletiia coo n. Poaa David-a a va vanaa tase-a le vaa masaa ikɛi ni.

1Masaa 1:38

O kon mí Sadɔk vana-solia-lasálàá, Natan vana-tɛɛngaa-diom Hala-o, Benaya po Yehoyada-o nda vanaa cɔvaa va cɛi lemasaa kandaa-a kpow a heelu Salomɔn o sofɛlɛ lemasa David-o coo, má toal a ndu Kihon.

2Samiɛl 20:23

Yoab va simlacinɔ vanaa cɔwva Israɛl kpow ni, Benaya po Yehoyada-o va Keretiia nda Peletiia bollen ni,

2Samiɛl 20:7

O kon mí Abisai can Yerusalɛm nda vanaa cɔvaa Yoab-a, Keretiia, Peletiia a kuubaa cɔwva kpow, má kuel Seba, po Bikri-o.

1Samiɛl 30:14

Naa n del tàndá Keretiaa co a ba too-o coo a cɔwvo ni, naa n del cieon co o tàndá Yuda-o nin-ndon coo a tàndá Kalɛb co a ba too-o coo a cɔwvo ni. Naa n mal kobio Siklak yin ni.»

2Samiɛl 18:2

mó piɔw nda kundulan tan yáá, mó handu Yoab, po Seruya-o kundaa pilɛ bollen, mó handu Abisai, pɔmbɔɔ Yoab kundaa pilɛ bollen, mó handu Itai fula Kat-o kunda yàándɔɔ bollen. O kon kɔɔli, mó dimul vanaa ndɔa cɔwva maa ndu bɛɛ yeema mà kɔɛ latulu nda ndaa o cɔwvo.

2Samiɛl 6:10

O cɛl le kesu kpema Mɛlɛka-o mandaa o ndu lo cɛinin te, o Kobi David-o nin pɛɛn. Kɛ mó kɔ kɛsi ndu o Obɛd-Edɔm fula Kat-o lo cɛinin.

1Samiɛl 27:3

Mí nda kpow a kɔ cal Kat, o Akis lo, vana-vana a yungu ndɔɔ. Mí David kɔa a laandaa ndɔa ŋiɔnda lon, Ahinoam Yisrɛeliinɔ a Abikail, lanɔɔ fɔ̀nɔ̀ Nabal Karmɛlnɔ.

1Samiɛl 23:13

Fɔ́ɔ́fɔ̀, mí David nda langbaa ndɔa faŋan Keila, má kɔannun nɛɛ celen, a va le n'van kɛmɛ leŋɔmpum. Má kɔ dimul Saul aa David faŋan Keila mó kɔannun nɛɛ celen. O kon, Saul hin ndɛ a cɔwvo le.

1Samiɛl 25:13

O kon mí David dimul nda aa: «Niaa kpow, vana-vana cuá mɔɛi ndɔɛi cɔwve mò baanun o caŋ.» Mí nda kpow vana-vana baanun mɔɛi ndɔɛi cɔwve o caŋ, mí David bɛɛ baanun mɔɛi ndɔɛi cɔwve o caŋ. Vanaa kɔɛ paale len David kɔɔli-a va le n'van kɛmɛ lehiɔɔlu, mí n'van kɛmɛ lediin lo o volɔɔlan ikɛi.

1Samiɛl 30:1

O paale yàándɔlen, mí David tiiya Siklak a langbaa ndɔa. A komal Amalɛkea ndáà cii nin vanaa va a ba too-a delɔɔ coo a cɔwvo, má del vɛlɛ kobio Siklak coo, má tɛɛmbuu ndu, má mal ndu yin.

1Samiɛl 30:9

Mí David nda langbaa kɛmɛ leŋɔmpumaa va ndu kɔɔli-a bii nɛiyo. Mɛɛ nda tiiya o pee pɔmbɔɔ Besɔr, mí n'van kɛmɛ lediiŋaa lo kɔɔli-a nda simnun.

2Samiɛl 15:17

Mɛɛ masaa cɛn kɔlan, mí vannda kpow bii kɔlan ndu kɔɔli, má kɔ sim o cɛi va o kobio mɛɛlulanndo ikɛi.

1Samiɛl 27:4

Saul tueyɔɔ nin David tɔ́ɔ́ Kat, o kuel lɛ ndu le.