2Samiɛl 14:7 - BII BILA

⁷ O kon mí yungu nuu kpow toal-la kɔɔli aa mɛɛ mì ya mal vɛlɛ po ni dii kon po nuu pilɔɔ-o nda o ba mà dii ndu le diyɔɔ o dii ndu kon-ndo, aa a yeema vɛlɛ mà dii vana bɛnda le kɛ́ɔ cuaa-o. Te o tosan yɛ pɛ lende, mɛɛ kili bingi ya cal tiindanndo-o le cuulunin vɛlɛ kon mungén te? O kon, diola pɔnɔ nuu la ɲum, kani hɔ́ɔ́ ndɔ lo lɛnin yoomu o lɛŋnden nden coo le.»

2Samiɛl 14:7 Referans Kwoze

Kundalan 35:19

Lelan, te vana cɛn le màá kon mingio-o saalun dɔ́ɔ́ pɛ vana kon, o bɛnda mò dii ndu.

Matie 21:38

Kɛ vanaa tósà baalaa o nakɔ n'rɛsɛnndo nin-nda cɔu po ndɔɔ, má dimulan aa: ‹Vana nɔ kɛ́ɔ-vo co hoo ni. La hun n diinun ndu, mí n loo kɛ́ ndɔɔ.›

2Samiɛl 12:17

Mí kaasoŋaa va ndu o ba bɛngu-a sɔɔnguu, má dɛɛniaa ndu le cɔnɔnndo ihini lɛŋ. Kɛ o cɛl te, mó kɛɛ vɛlɛ ɲɛdiaa nda o ba.

Tɔŋ miingua 25:6

Po tase cua kon vialunin-ndo bɛnda mò cua diola vana vi-o, mò va maa po ndɔ, yɔŋii diola vana vi kon-ndo la ɲum Israɛlla tɛɛn.

O Kandɔɔ 27:45

Te o koma ɲulul pɛ kɔl, mò pɔɛɛnun a ɲɛ n tosal ndu-o, i vem vanndo nɔm kɔɔli, la kɔ hun. I yeema mì la hɛlun ya niaa ŋiɔn kpow o paale pilɛlen coo le.»

O Kandɔɔ 4:14

Mɛɛ n cii ya hau tovɔɔ ma faŋa ya o lɛŋnde ya va vàá len coo yɛ, i co faŋan nɔm o hɔl mì kɔ vionnun levil lándán. Kani i nɔ lɛ pumbú calaa le, i siŋnun vana kelanndo o lɛŋnden coo. Le hee, vana-vana saalun ya pɛ, o dii ya.»

2Samiɛl 14:6

Poaa nda ŋiɔn yáà nɔ ni. Poaa ŋiɔŋaa kan lo cɔlɔbaa yondoo nin, mí o pilɛ dii o pilɔɔ, kani vana ve lon le nda kpaaliaa le.

2Samiɛl 14:8

O kon mí masaa dimul ndu aa: «Muungun o nɔm ndo cɛinin, i co diomndo yɔngu a sɔɛi nɔmnde o kɔɔ.»