2Samiɛl 14:6 - BII BILA

⁶ Poaa nda ŋiɔn yáà nɔ ni. Poaa ŋiɔŋaa kan lo cɔlɔbaa yondoo nin, mí o pilɛ dii o pilɔɔ, kani vana ve lon le nda kpaaliaa le.

2Samiɛl 14:6 Referans Kwoze

Fulaa 2:13

Diimandɔɔ pilɔɔ vɛlɛ, mó muungu o fonda kon, mó komal Hebreea nda ŋiɔn cɔlɔbaa. Mó ɲuna vana nɔ dí loo aa: «Le yɛɛ n co yɛ puapilɛ nɔmndo lɔɔ?»

O Kandɔɔ 4:8

Mí Kain dimul Abɛl pɔmbɔ ndɔ aa: «N fula mì n kɔɛ yondoo nin.» Mɛɛ nda fula má kɔa yondoo nin, mí Kain del Abɛl pɔmbɔ ndɔ coo, mó dii ndu.

2Samiɛl 14:5

Mí masaa ɲuna ndu aa: «Yɛɛ yɔŋnun yɛ nɔm?» Mí cuaa muli aa: «Àá masaa, i nɔ lɛ pɔnɔ le, pɔnɔ nuu vi.

2Samiɛl 14:7

O kon mí yungu nuu kpow toal-la kɔɔli aa mɛɛ mì ya mal vɛlɛ po ni dii kon po nuu pilɔɔ-o nda o ba mà dii ndu le diyɔɔ o dii ndu kon-ndo, aa a yeema vɛlɛ mà dii vana bɛnda le kɛ́ɔ cuaa-o. Te o tosan yɛ pɛ lende, mɛɛ kili bingi ya cal tiindanndo-o le cuulunin vɛlɛ kon mungén te? O kon, diola pɔnɔ nuu la ɲum, kani hɔ́ɔ́ ndɔ lo lɛnin yoomu o lɛŋnden nden coo le.»

2Samiɛl 13:28

Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

2Samiɛl 13:29

Mí buɛyaa Absalɔm-nda tosa mɛɛ o dimul nda yɛ, má dii Amnɔn. Fɔ́ɔ́fɔ̀, mí poaa tɔ̀a masaa can, mí vana-vana hel o milɛɛ ndɔɔ coo, má sɔɔndian.