2Samiɛl 14:32 - BII BILA

³² Mí Absalɔm mulul Yoab aa: «Le tùú yáà veelu nɔm le ya kuello o masaa lo ma kɛɛ-o. Yáà yeema mì nɔm óò kɔ ɲuna ndu kɔlɔ ya mal niko Kesur mí hun-ndo, ndóò ve fisa mì yáà lonnun ndon te? O laan ndu, mɛɛ mí tiiya o masaa lo! Te diyɔɔ o co ya ni, o dii ya.»

2Samiɛl 14:32 Referans Kwoze

Talelan 28:13

Vana co tɛɛmbuula ndɔlan vionɔɔ-o, tìw dɛnɛ ba le, kɛ vana sɔlɔlan pɛ tɛɛmbuula ndɔlan mò mal tan, ndu sɔla ɲííye tuinɔnndo.

1Samiɛl 20:8

Lelan, lo niko o lediom coo niaa buɛi nɔmndo tɛɛn, kani nɔm luei ya o kpemaa nin naa nɔm pila Mɛlɛka o hɔl ni. Te i tɛɛmbuu yɛ pɛ isɔɔ, mɛɛ o co fisa mì nɔm pila dii ya, kɛ kɔa a ya o fuɲa nɔm ndo le.»

Fulaa 14:12

Le hee naa n dimul nɔm telen naa n va vɔ lon-ndo ni aa mal naa mì n vannun cɛa Esiptea. Kani Esiptea vaa o ba o cɛlen nin co fisa le naa a piɔ́mndo sɔlaa o lɛŋnde veselɛilen nin.»

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Matie 25:44

O kon nda bɛɛ a ɲunanin aa: ‹Maalii, lɔ́ɔ́ kuɛɛ naa n ce yɛ nɔm a yiaan te kon te mí kolɔɔ bii nɔm, ma va miallo te kon te a fɛ́lio te kon te a nàá, te kon te o kaasoo, mí n kɛɛ nɔm malaa?›

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Condii lisai 36:2

Le vana kɔlvesɛiyo, sɔɔn tɛɛmbua tɔŋndon co ndu o kɔl tuŋ. Siòòŋii Hala-e co ndu o hɔl te.

1Samiɛl 15:13

Mɛɛ Samiɛl tiiya Saul ikɛi, mí Saul dimul ndu aa: «Màá Mɛlɛka dɔw nɔm duaa! I cii sɔɛi Mɛlɛka dimi-e tosa.»

Fulaa 17:3

Mɛɛ kolɔɔ bii nda tei, má koŋul a Moise o sondo, má dimi aa: «Le kɔlɔ yɛɛ nɛ n faŋa yɛ naa o lɛŋnde Esipte len nin? Bàà a yeema mì n cuu vu nanu a bolola vesɛilan naa cuavaa naa a cɔlua naa kpow?»

Fulaa 16:3

Má dimul nda aa: «Àá! Ndóò naŋ mì Mɛlɛka ndóò diw naa o lɛŋnde Esipte len nin, telen naa n vannun icali o kpɛɛnɛn naan va n'piaa a vision-ndon ikɛi-yo, telen kon ɲɛdiaa vannun naa o ba taw. Kɛ mí la kɔ faŋa naa lon le hunɔɔ a naa o lɛŋnde veselɛilen nden nin, haliko mi n hun cuu vu kpow a yiaan.»

O Kandɔɔ 3:12

Mí vanapɔnɔɔ mulul ndu aa: «Vanalanɔ n yɔngu ya le vaa vana ni malaa-o, ndu yɔngu ya kɔmnde yɔm kon ni, mí dia.»

2Samiɛl 3:3

Kileab va po ndɔ diinndɔɔ ni, nda Abikail lanɔɔ fɔ̀nɔ̀ Nabal Karmɛlnɔ velu kon ni. Po ndɔ yàándɔɔ va Absalɔm ni, nda Maaka, cua Talmai va masaa Kesur-o velu kon ni.

2Samiɛl 13:37

Mɛɛ Absalɔm ɲaanun, mó kɔannun o Talmai po Amihud va masaa Kesur-o lo, mó kɔ lo lon háá vɔsilan tan yáá. O telen kon bɛngu kpede, masaa David va o mɔnɛi piɔ́m po ndɔɔ nin tuŋ.

2Samiɛl 14:31

Fɔ́ɔ́fɔ̀, mí Yoab komal Absalɔm o ndu lo bɛɛ, mó ɲuna ndu aa: «Le yɛɛ nɛ buɛyaa nɔmnda kɔ mal-lɛ ciɛi nii yin?»