2Samiɛl 14:25 - BII BILA

²⁵ O Lɛŋnde Israɛl-ten nin kpow, vana-vana ndóò tiiya hɔlla naŋɔɔ maa Absalɔm te. Kandɔɔ o bɛngu kɔllo helɔɔ háá o lebol, ndóò nɔ isɔw le.

2Samiɛl 14:25 Referans Kwoze

Esai 1:6

Kandɔɔ a bɛngu kɔllo háá o lebol, ɲɛ-ɲɛ co o kɛndɛ le: boolɔnndan, fungbulan a pawve kposon! Pavii ken sɔla pulɔɔ le, i sɔla holɔɔ le, vana cɛ́w ndi a makòó le, vana cɛ́w ndi a macuɛi le.

SƐBƐ YƆB-O 2:7

Mí Setana faŋan Mɛlɛka o hɔl. Mó kɔ cuiŋi Yɔb nàà vɔɔndo pum coo, mí kɔɔlen le luaaluaa ndu kpede, kandɔɔ o bɛngula kɔltan kɔlan biyɔɔ háá ndu o lebol.

Tɔŋ miingua 28:35

Mɛlɛka tuisinin piɔŋnda cɛ̀wnun te lan niaa coo, mì la fula niaa o vulan a o lɔlulan, la siŋnunnin a piɔŋnda lan te. La tìwnin niaa lekɔɔ kpow: kandɔɔ o bɛngu ninndo háá o lebol.

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

Matie 23:27

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la maa sɛila nda kɛɛmiaa mì la naŋ taw o kɔɔ lan niaa co ni, kɛ nduyɛ leninndo co o piaa cá a paala vanvílɛ́iya a á ɲɛm siovɛi súú-súù ka.

Talelan 31:30

Dialun kɛndɔn hui vana, naŋɔɔ a hɔllo lo le. Kɛ vanalanɔ tuisin pɛ Mɛlɛka o labɛngunin, ndu sɔla candɔɔ.

1Samiɛl 16:7

Kɛ mí Mɛlɛka dimul Samiɛl aa: «Ɛ-ɛ, tofa ndu le tùú o naŋ hɔlla mó caa simndan-ndo le, o co ndu le ya hɛli le. Kani ya-ya, yiyan nuu co maa yiyan vanaciee le. Diallon kínɛí vanacieo ndu tofa ni, kɛ ya ya, ɲɛ co o kɔllo nin di-o ya ca ni.»

1Samiɛl 9:2

Kis ndóò nɔ poo pum diolan Saul, langbanɔ felengi naŋ hɔlla taw-vo o va ni. Vanáà hiw ndu naŋɔɔ o Israɛlla tɛɛn te, ndóò sim pɛ, ndóò hiow vannda kpow bollen bandei.

Daniɛl 1:4

Felengia kan ndáà bɛnda mì ndáà va n'namta le, mì ndáà naŋ hɔlla, mì ndáà nɔ taasio, mì ndáà pɛ a kɔlkaloo, a dɛnɛ sinaa a á sinapɛngoo, haliko mi ndáà nɔla baalaa tosaa o cɛi lemasaa nin. Ndáà bɛnda mi ndáà pɛɛku nda sɛva Kaldea a sɔɛi ndɛi mangalɛi.

1Masaa 1:6

Adoniya ndóò naŋ hɔlla taw, Absalɔm malɔɔ mɛɛlen mí ndu cua. Lɔ́ɔ́ David fuɲa ndɔ va vɔ yoomu-o, lepilɛ bɛɛ o kpee ndu mò ɲuna ndu kɔlɔ o va tosaa lende-o le.

Esekiɛl 23:15

a yáwve nda ikandan o caŋ, a mɔsilta ivanabɛnduyala nɔ yinɔɔlan súúlan taw lan o lebol, ndáà nɔ hɔlla maa n'simlaci, vanáà ca ko nda aa poaa Babilɔn-nda ni, poaa Kaldee, lɛŋnde ndalen pɛɛn.