2Samiɛl 14:19 - BII BILA

¹⁹ Mí masaa ɲuna ndu aa: «Vɛ̀ɛ̀ o co Yoab le cɔm nɔm dɛnndan ndan kpow le?» Mí cuaa muli aa: «Masaa, màá viow yoomu naa coo! Sɔɛi n dimi-e vana nɔla mì vana sɛɛngiaa ndi o nɛi oo nɛi coo le! Yoab buɛi nɔm vem ya ni, ndu sɔɔ ya sɔɔn mun kpow o sondo le nɔm dimullo ni.

2Samiɛl 14:19 Referans Kwoze

2Samiɛl 14:3

A tosa pɛ lende, a kɔɛ o masaa lo, a kɔ dimul ndu mɛɛ ya co nɔm congɔn yɛ.» Mí Yoab cɔm ndu ɲɛ ndóò bɛnda le kɔlan dimio-o.

1Samiɛl 1:26

Mí Anɛɛ ɲuna Helii aa: «Vɛ̀ɛ̀ a loonun pá a cuaa pum o kɔɔ, ó va ɲin pilɛ isisi nanu nɔm ikɛi le Mɛlɛka piɛiyo-o? Ya kpeekpei va piɛile len ni.

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Talelan 4:27

Sei o ba kɛndɛ coo le, sei o ba mɛl coo le. Sɔɔnguu dɛnɛ vɔɔndo macɛlu le.»

2Masaa 2:2

mí Elii dimul Elise aa: «Lo nanu, kani Mɛlɛka vem ya háá Betɛl.» Kɛ mí Elise mulul ndu aa: «Te Mɛlɛka co yoomu, mí nɔm bɛɛ va yoomu, i faŋannin nɔm kɔɔli le.» Má kɔa Betɛl nda ndu latulu.

2Samiɛl 11:11

Mí Uri mulul David aa: «Masaa, kesu kpema Mɛlɛka-o, vanaa cɔvaa Israɛlla a haa Yuda a co o cɛila-kolala-toandaalan bɛngu, handɔɔ o kon coo, Yoab simlacinɔ vanaa cɔwva a vanaa nɔmaa baalaa kpow a co lɔan yondoo nin, vɛɛ nɛ ya-ya tiw yɛnin ba, mì kɔɛ o ya lo cɛinin le dioo, le kolɔɔ a le lɔan naa laa nuu? Kɛì-kɛì bɛɛ! Te nɔm masaa co yoomu, màá i tosa sɔɛi vaa lende le!»

2Samiɛl 3:34

Bala ve nɔm layiyaa le, pelun ve nɔm o yɔlɔn n'daɲa le. Kɛ nduyɛ mà sɔla piɔ́mndo vana ca ko aa vanaa diw vannda-a del nɔm coo ni.» O kon mí vanaa va lon-nda kpow a del vɛlɛ a caŋndan.

2Samiɛl 3:29

Màá sɔɛi piɔ́m ndɔɔ i va Yoab pila a yungu ndɔɔ kpow o lebol! Màá nààla kɔɔsinalan, te kon te nàà siaŋaa va vannda biyɔɔ lɔ́ɔ́-lɔ́ɔ̀ o yungu Yoab-o nin! Màá vanpiaandua o yungu kon nin a siŋnun vanaa vomulaa! Màá a va piɔ́mndo sɔlaa o mɔɔn cɔwvon bɛngu! Màá yima fofolan ma cúù nda kuee le!»

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

1Samiɛl 25:26

I laalan maa Mɛlɛka pila kuuna nɔm le koovan solio ni, ndu kuuna nɔm le cɔlɔbaa le nɔm pila ni. Lelan te Mɛlɛka co yoomu, mí nɔm pila bɛɛ va yoomu, yaamɔaa nɔmnda a vanaa yeema dɛnɛ nɔm kɛndɔɔ le-a kpede a siŋnunnin maa Nabal.

1Samiɛl 20:3

Mí David mɛnalan Yonatan aa: «Le Mɛlɛka yoomaa ho a le yoomu nɔmndo, nɔm Yonatan, piɔ́m nuu bendu lɛ le. Fuɲa nɔm sina maa caan nɔm ya co ni, lelan o dimi ni aa te nɔm Yonatan sina sɔɛi he pɛ, mɔnɛi bii nɔm.»

1Samiɛl 17:55

Tuma Saul ndóò ce David Koliat kuello-o, mó ɲuna Abnɛr va simlacinɔ vanaa cɔwva-o aa: «Abnɛr sei! Nɛ̀ɛ́-nɛ̀ kpeekpei velu yɛ poombɔ felengoo ho?» Mí Abnɛr mulul ndu aa: «Masaa a toɲa, i sínà le.»

Yosue 1:7

Kɛ nduyɛ, lueinun yoomuan ma sim yili, ma kela o tɔŋnda Moise vana ni baalaa tɛɛngul nɔm-ndan coo. Sei o ba kɛndɔɔ coo le, sei o ba mɛllo coo le, haliko mi tuula nɔmndan kpow la bɛnda nɔm o ba.

Tɔŋ miingua 28:14

La mal tɔŋnda ya co niaa hau yɔngoo lan mì la sei o ba kɛndɛ coo, te kon o ba mɛl coo le. La holnun halaa celen le nda sooloo le.»

Tɔŋ miingua 5:32

Le hee, la kindin mi la tosa ɲɛ Mɛlɛka Hala niaa dimul niaa-o, la sei o ba kɛndɛ coo le, la sei o ba mɛl coo le.

Kundalan 20:17

Lelan, cɛl yandi mì n kei o lɛŋnde nɔmnden nin. N keinin o ciɛɔn niaan nin te, n keinin o nakɔla niaala n'rɛsɛnndan nin te. Hali mɛmma co o soonnda kólaala niaalan nin-ndan, n kolnin man te. O nɛi bɛndoo coo sanaa naa n co lakɔ ni, háá mì n cii lɛŋnde nɔmnden taŋɔɔ, n seinin o ba kɛndɛ coo le, n seinin o ba mɛl coo le.»

Fulaa 4:15

O kon, a soo o ndu lo, a cɔm ndu sɔɛi-sɔɛi o bɛnda le dimio. Telen niaa vanin kon sɔɛi-yo, ya pila vanin niaa ikɛi, mì cɔm niaa ɲɛ niaa bɛnda le tosaa-o.

2Samiɛl 14:18

O kon, mí masaa cuaa sɔɛi mó mulul cua kon aa: «I co nɔm isɔɔ ɲuna, mà mulul-la vakpa, vin ya ɲɛ-ɲɛ le.» Mí cuaa dimi aa: «Soo masaa, i co nɔm lani.»

2Samiɛl 18:13

Te yáà kindi pɛ nilan, mì yáà dii ndu mɛɛ vana dimi aa i tui ɲɛ-ɲɛ le, masaa ndóò tuei pɛ, o va còòla nilan soli ceen. Kani o sina dɛnndan kpow. Nduyɛ, nɔm bɛɛ nɔm óò cɛwnin ya le.»

Talelan 25:2

Le tùú Hala vian dɛnndan lapum-ndo o sɔlà biiloo ni. Le tùú masaa yaasiaa dɛnndan-ndo o sɔlà biiloo ni.