2Samiɛl 14:17 - BII BILA

¹⁷ Kani mí ya vana nɔm baalaa dimi aa: ‹Sɔɛi nɔm vana ni bɛndoo co hunɔɔ dimi-e, nɔm masaa pɛɛn, i ɲululnin vannda kɔltan. Bau nɔm masaa, maa mɛlɛkanɔ Hala-o n co ni le dɛnɛ kɛndɔɔ a dɛnɛ vɔɔndo tueyɔɔ. Màá Mɛlɛka Hala nɔmndo lo nɔm ikɛi!›»

2Samiɛl 14:17 Referans Kwoze

2Samiɛl 19:27

Mó muli aa: «Àá masaa! Buɛi nuu pala ya ni. I va yiyanndo le sofɛlɛ nuu toosiaa, mì yáà kɔɛ lecoo nɔm kɔɔli, kani vana bɛvɛiyo ya co ni.

1Samiɛl 29:9

Mí Akis mulul David aa: «I co sinaa tɛ́ɛ́ maa a tɛɛmbuu isɔɔ le, a hɛnan ya maa mɛlɛkanɔ Hala. Kɛ simlacia vanaa cɔvaa Filistia dimi aa nɔm kɔa naa kɔɔli le cɔwvo tosaa le.

2Samiɛl 14:20

Le dɛnɔɔ ho mulio hɔlaa celen daama Yoab buɛi nɔm tosa nuaa ni. Kɛ nɔm masaa, maa mɛlɛkanɔ Hala-o n nɔ kɔlkaloo ni, a sina ɲɛ-ɲɛ co tosanndo o lɛŋnden coo.»

1Masaa 3:9

Lelan, i tɛɛlun nɔm, yandi, ke ya vana baala nɔmndo kɔl taasio le masalen caa tosaa vanaa nɔmnda coo, mì handu pɛɛngulan dɛnɛ kɛndɔɔ a dɛnɛ vɔɔndo tɛɛn. Kani te o co lende le, nɛ̀ɛ́-nɛ̀ nɔlà yɛ masalen tosaa vanaa nɔmaa co haa sɛ́lɛ́ bɛndoo-a coo?»

Hebreea 5:14

Kɛ nduyɛ, le kaasonnda ɲɛdiaa kàlà-kálàá co ni. Nda sínà hiyan co dɛnɛ kɛndɔɔ a o vɔɔndo tɛɛn-ndo, kani a dɛli nin.

Talelan 29:5

Vanndo hiw pɛ caan ndɔ sangalaa, mɛɛ o hendul ndu yaŋɔɔlen.

Talelan 27:21

Yinnden le cɔm súú volin humbon a sianion co-o ni. Vanacieo ndu, ɲɛ vannda dimi a ndu-o cɔm vana súú o co-o ni.

SƐBƐ YƆB-O 6:30

Vɛ̀ɛ̀ còòlan la co ya o lediɛɛmu ni? Mò va maa sondo nuu sina lɛ dɛnɛ palaa le?»

1Masaa 3:28

Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.

2Samiɛl 14:18

O kon, mí masaa cuaa sɔɛi mó mulul cua kon aa: «I co nɔm isɔɔ ɲuna, mà mulul-la vakpa, vin ya ɲɛ-ɲɛ le.» Mí cuaa dimi aa: «Soo masaa, i co nɔm lani.»

Yosue 1:17

Mɛɛ naa n bii diom Moise-o o dɛnndan kpow nin yɛ, lende koni naa n biinin diom nɔmndo ni. Lelan, màá Mɛlɛka Hala nɔmndo va nɔm ikɛi mɛɛ o va Moise ikɛi yɛ!

2Samiɛl 19:28

Kɛ mí buɛi nuu kɔ ɲiinduu ya còòlan coo, mó lɔalu ya o nɔm ndo. Kɛ o va bɛɛ lende, nɔm, maa mɛlɛkanɔ Hala-o n co ni. Lelan, tosa mɛɛ ɲɔɔ hɛnan nɔm yɛ.