2Samiɛl 14:14 - BII BILA

¹⁴ Naa kpow n hun vunin, mì n siŋnun maa mɛmma coŋ lɛŋ-ndan, vana tiw lɛ ba man kɔndɔɔ le. Kɛ o co vɔ telen Hala tuu le Absalɔm vuo le co hoo le. Lelan, o toosiaa nɛilan haliko vana co kon o lekáá-o lo o malnanndo ndu levil te.

2Samiɛl 14:14 Referans Kwoze

SƐBƐ YƆB-O 30:23

I sina maa ciee-piɔ́m n co ya yɔ̀ɔ́ ni, nɛɛ ɲaa yoomaa kpede kɔa bɔɔŋianndo-a pɛɛn.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

Kundalan 35:28

Kani vana dii vanacieo-vo bɛnda mò lo o kobi o vennun nin-ndo nin háá mì bolle vanaa-solia-lasálàá vi. O kon kɔɔli, o nɔla niko mò muungu o lɛŋii ndɔɛi coo, o calta ndɔlan.

SƐBƐ YƆB-O 34:15

vanndacieea kpede va cuvɔɔ o lepilɔɔ, mì vanacieo ndóò muungu o cundoo nin.

Kundalan 35:25

A bɛnda mà baŋa ndu vana cɛn le màá mingio-o o ba, mà mingi ndu o kobi vana viannun nin-ndo nin, nɛɛ ndóò kɔ vionnun nin-nda. Vana sulalle fula kon o ba mó dii vanacieo-vo lonin o viannanndo o kobi vana viannun kon nin-ndo nin háá mì bolle vanaa-solia-lasálàà nda pɔla a cuɛima diandan-ndo vi.

Kundalan 35:15

Kobila ŋɔmpumnda lan la vanin nɛɛ viannannda le Israɛlaa kpeekpeiya, le vanaa co icali nda tɛɛn-nda a le mialaa vanin icali nda o bɛngu coo-a ni. Vana-vana sulalle fula pɛ o ba, mò dii vanacieo, o nɔla mo kɔ vionnun ndon.

Vana Kɔlkaloo 9:5

Vanaa co yoomu-a a sina maa a co hunɔɔ vu, kɛ vanaa vi-a nda sina lɛ ɲɛ-ɲɛ le, a co lɛ ɲɛ-ɲɛ tueyɔɔ le, vannda pɔɛɛnun nin bɛɛ a nda o kɔɔ.

Condii lisai 22:14

A kumbil-la sondolan kpangaɲan, maa yàlàá co kuuliaa a sɛɛsiaa-a.

SƐBƐ YƆB-O 14:14

Vɛ̀ɛ̀ vanaciee vi nin-ndo nɔla pá mó muungu vɛlɛ yoomu? Te lende ni, yáà nɔlanin biuvɔnndo o palɛi baalɛi nii nin kpow, háá tuma ndáà hun tindinin ya-o.

Rɔmnda 2:11

Kani Hala hiyan vannda le.

Matie 22:16

Má vim ndu kaandeŋaa ndaa a vanaa va Herɔde kɔɔli-a a pum. Má kɔ dimul ndu aa: «Kɔɔfa, n sina maa vana toɲaa n co ni, a co vannda nɛila Hala lan pɛɛkoo a toɲaa, a nɔ sika a vana-vana le, kani a tofa vanndacieea le mɛɛ nda co yɛ le.

Condii lisai 90:10

N viow pɛ yoomu tei, vɔsilan belaŋɔmmɛw, te kon te vɔsilan belaŋɔmaa le vanaa kendu diallon-nda. Kɛ o sangaa nin a o mɔnɛi nin naa n co lan hivio lende ni. Vɔsilan la co bɔɔ keleŋaa hiovɔɔ, n co cɔnɔnndo coo le kɔlan ciee-piɔ́m.

Condii lisai 90:3

Nɔm mingì vanacieo o puuloo nin ni, bau a dimi aa: «Niaa poaa vanndacieea, la muungu o puuloo nin.»

Condii lisai 79:3

Má cuuŋuu kooma ndan lɛŋ maa mamɛn o kobio Yerusalɛm balɔɔ sɔ́, vana sɔlan le nda kumbɔɔ le.

Condii lisai 58:7

Éé Hala! Yimi nda ciŋndon o lasondo. Pesi yàlàá ha yaalelan, Mɛlɛka!

SƐBƐ YƆB-O 34:19

Hala bii vanaa bɛndua le mɛɛ nda co vanaa bɛndua yɛ le. O hendu hiyan vana bolofaa a vana bala fondoo tɛɛn te. Kani nda kpow, ndu cɔw nda a ba ni.

2Samiɛl 11:25

O kon mí David mulul kiilanɔ kon aa: «Kɔ mà kɛsi Yoab kɔllo, mà dimul ndu maa o vu n'dial le sɔɛi he le. Kani cɔwvo cuu vanvílɛ́iya kɔɔli kpengeí a kpengeí le. Lelan, o veesiaa hɔlla, mò del kobi kon coo, mò pɛl ndu vɔ́-vɔ́.»

Tɔŋ miingua 10:17

Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.

Tɔŋ lasálàá 26:40

«O kon, a sɔlɔlannin tɛɛmbuula ndalan a tɛɛmbuula fuɲaa ndaa mamaa, mà sɔlɔlan kasila nda del a ya lan a nila kalula nda tosa a ya lan.

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

Dɛnnda kiilaa 10:34

O kon mí Piɛr cua sɔɛi, mó dimi aa: «I sina nihau lekɛ́ndɛi maa Hala hiyan vanndacieea le,

Fulaa 21:13

Kɛ te o ve mɛngɛla le o mɛngɛla ndu mó dii ndu le, o va pɛ maa Hala tosa ni mí sulalle fula vana kon o ba, Hala toosiaanin fondaa mì vana kon kɔ vionnun.

2Samiɛl 14:15

Lelan, taa ce pɛ ya hau tiiya o nɔm ndo le nɔm masaa sɔɛi he dimullo, nɔm co vana ni bɛndoo-o, siòònde vannda luei ya ni. O kon ya dimi ni aa i kɔa vɔ mì kɔ cɔm masaa sɔɔn mun lenin, bɔɔle mò tuei ya vana baala ndɔɔ diom, mò tosa o ya co ndu dimul-lo!

1Masaa 11:39

Lende ya tuisinin polale David len siɛmbulan ni, kɛ o venin le lɔ́ɔ́-lɔ́ɔ̀ le.›»

Condii lisai 22:15

I co saŋnɔnndo maa mamɛn, paalan la faŋan ya o boondon. Kɔllo siŋnun ya maa dukpa, o co ya tengaa nin.

Condii lisai 77:8

‹Vɛ̀ɛ̀ le fɛɛn a fɛɛn Maalii kɛɛ naa nuaa ni? Vɛ̀ɛ̀ o ci lɛnin naa ɲia le?

Cɛɛŋɔnnda Yeremi lan 3:31

Kani Mɛlɛka kɛɛ vana le lɔ́ɔ́-lɔ́ɔ̀ le.

Esekiɛl 18:23

Vɛ̀ɛ̀ yeemɛi nii co le vana kɔlvesɛiyo vuo ni? Ɛ-ɛ, o co kon te ya yeema le, kɛ i yeema mò mulul nɛi yɔŋ ndɔ vɔɔndo kɔɔ haliko mo va yoomu. Sɔɛi fula Maalii, o co Mɛlɛka-o o sondo-e co ken ni.