2Samiɛl 14:12 - BII BILA

¹² Mí cuaa dimi vɛlɛ aa: «Masaa, cɛl-la mì dimul nɔm sɔɛi pum.» Mí masaa David dimul ndu aa: «Soo.»

2Samiɛl 14:12 Referans Kwoze

Dɛnnda kiilaa 26:1

Mí Akripa dimul Pol aa: «A tiwba mà soo, mà kɔɔsa le nɔm pila.» O kon mí Pol heelu baa, mó kɔɔsa aa:

Yeremi 12:1

Mɛlɛka, nɔm a sandu bɔɔ, o bɛnda mì sɛɛngian a nɔm te. Kɛ o va bɛɛ lende, i yeema mì n suukan naa ŋiɔn o sandei coo: Le kɔlɔ yɛɛ nɛ vanaa vɔɔnda co yɛ fulaa lenin o dɛnɛ nda vɔɔndo nin, mì vanaa vo nɔm te-a connun o kɔlɲuloo nin?

1Samiɛl 25:24

mó dimi aa: «Ya pɔw ni, Pua! Kɛ o va bɛɛ lende, cɛl mì soo o nɔm ndo, mà yaŋ ya nilan, mà tuei sɔɔn ya co nɔm dimul-lon.

O Kandɔɔ 44:18

O kon mí Yuda sɔɔnguu, mó dimi aa: «A yandi vana bɛndoo. Cɛl-lɔ mì dimul nɔm sɔɛi pum, tuulu kɔl a ya le sɔɛi ya co nɔm dimul-le le, kani kpen-kpen niaa co niaa Faraɔnnɔɔ ni.

O Kandɔɔ 18:32

Mí Abraham dimi vɛlɛ aa: «A yandi, tuulu kɔl te Maalii. Mɛi-yɔ mì ɲuna nihau ɲuna mɛɛlaa. Bɔɔle vanaa sandaa tɔ́ kínɛí co lon ni.» Mí Mɛlɛka mulul ndu aa: «Te i saalun pɛ vanaa sandaa tɔ́ lon, i tɛɛmbuunin Sodɔm te.»

O Kandɔɔ 18:27

Mí Abraham dimi aa: «Ya co hoo maa cundu a lapul-lo, i suukan a Maalii nuu.

2Samiɛl 14:11

Mí cua kon dimi vɛlɛ aa: «Masaa, a yandi, yiilu ya kpemaa o diola Mɛlɛka Hala nɔmndo maa vana bɛnda le màá mingio-o handu lɛ kpundɛ celen o kpundɛ tosan-ndo coo mò diilul-la po nuu le.» Mí David mɛnan aa: «Te Mɛlɛka co yoomu, hali yiinnde po nɔmndo ten pilɛ bɛɛ le delnin lɛŋ te!»

2Samiɛl 14:13

Mí cuaa ɲuna ndu aa: «Kɛ le yɛɛ nɛ n co yɛ niko dɛnɛ súú vaa lende tosaa a vanaa Hala-a? Mɛɛ nɔm pila langa soo nuaa yɛ, vɛ̀ɛ̀ o co yaalanndo le nɔm pila yaalan nuaa le? Kani a kɛɛ le po nɔm co o lekáá-o mingio nanu.

2Samiɛl 20:17

Mí Yoab sɔɔnguu ndu ikɛi. Mí cua kon ɲuna ndu aa: «Vɛ̀ɛ̀ nɔm co Yoab ni?» Mó muli aa: «Oi, ya ni.» Mí cuaa dimi aa: «Mɛɛ fallo, yaŋ ya buɛi nɔmndo nilan, mà tuei ɲɛ ya nɔ le nɔm dimullo-o.» Mí Yoab muli aa: «Soo, i co nɔm lani.»

1Masaa 2:14

Mó dimi aa: «I yeema mì dimul nɔm isɔɔ.» Mí Bat-Seba mulul ndu aa: «Ava, mɛɛ soo.»