2Samiɛl 14:11 - BII BILA

¹¹ Mí cua kon dimi vɛlɛ aa: «Masaa, a yandi, yiilu ya kpemaa o diola Mɛlɛka Hala nɔmndo maa vana bɛnda le màá mingio-o handu lɛ kpundɛ celen o kpundɛ tosan-ndo coo mò diilul-la po nuu le.» Mí David mɛnan aa: «Te Mɛlɛka co yoomu, hali yiinnde po nɔmndo ten pilɛ bɛɛ le delnin lɛŋ te!»

2Samiɛl 14:11 Referans Kwoze

1Samiɛl 14:45

Kɛ mí vannda kpow dimul ndu Saul aa: «Yéè mì Yonatan vi? Kámáá ndu le baŋa naa hau baŋa bɛndoo ho le? Te Mɛlɛka co yoomu, hali yiinnde ndɔlen ten pilɛ bɛɛ le delnin lɛŋ te! Kani Hala va ndu ikɛi o dɛnɛ bɛndu o tosa hoo hau-vo nin.» Nuaa vannda baŋa Yonatan ni, o sɔla lɛ ɲinkon piɔ́mndo le.

Matie 10:30

Hali yiiŋii co niaa o lebol-le i co icɔmɛi kpede.

Kundalan 35:19

Lelan, te vana cɛn le màá kon mingio-o saalun dɔ́ɔ́ pɛ vana kon, o bɛnda mò dii ndu.

Dɛnnda kiilaa 27:34

Lelan, la hun dio baloo, kani o bɛnda mì yoomula niaalan la sɔla baŋaa. Hali yiinden ten lepilɛ le faŋanin vana pilɛ o lebol niaa tɛɛn te.»

1Masaa 1:52

Mí Salomɔn dimi aa: «Te o yɔŋnun pɛ vana sɔvɛ, mɛɛ hali yiinnde ndɔlen lepilɛ bɛɛ le delnin lɛŋ te. Kɛ te vana saalun pɛ dɛnɛ vɔɔndo o kelaa ndɔɔ nin, mɛɛ o co piɔ́mndo sɔla.»

Kundalan 35:21

te kon te, te o kposoŋa ndu pɛ a ba mo dii ndu, mɛɛ vana diyaa n'vanndo co kon ni. O bɛnda mò sɔla piɔ́mndo kangalan. Lelan, te vana cɛn le màá vana o dii-o mingio-o saalun dɔ́ɔ́ pɛ vana kon, o dii ndu.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

1Samiɛl 28:10

Mí Saul mɛnalan ndu o diola Mɛlɛka lan aa: «Te Mɛlɛka co yoomu, a sɔlanin dɛnɛ vɔɔn kɛ́-kɛ̀ o sɔɛi he nin te!»

1Samiɛl 20:42

O kon kɔɔli, mí Yonatan dimul David aa: «Kɔnnun a kɔlɲulu fɛɛ. Loonun a kpemaa icanya naa yii naa ŋiɔn-ndo, mí n dimi aa ‹Màá Mɛlɛka mala naa mi n lo o diomnden coo naa ŋiɔn, mì kpema kalaa koma lo vɛlɛ poaa naa imamaa tɛɛn le lɔ́ɔ́-lɔ́ɔ̀!›»

Kundalan 35:27

te vana co le màá mingio-o komal pɛ ndu lon mo dii ndu, vana kon sɔlanin isɔɔ-sɔɔ le diyɔɔ o dii ndu kon-ndo le.

O Kandɔɔ 31:50

Taa luei pɛ cuavaa niaa laandua mɔnɛi, mà cua laandua celen o nda kɔɔli, o co vanaciee le kialunin naa yamɛi tɛɛn te, kɛ Hala pila vanin seiyo naa tɛɛn naa nɔm ni. Le hee, mandan dɛ!

O Kandɔɔ 14:22

Mí Abram mulul ndu aa: «I heelu baa mí mɛnan o Mɛlɛka lo, Hala-Hiow-Ɲɔɔn-Kpow-vo, o cɔw halataalaa a lɛŋnden-ndo,

2Samiɛl 14:10

Mí masaa dimi aa: «Vana-vana kɔngɔlan nɔm pɛ a cuu ya ndu nanu. Vana kon pala lɛnin nɔm te.»

2Samiɛl 14:12

Mí cuaa dimi vɛlɛ aa: «Masaa, cɛl-la mì dimul nɔm sɔɛi pum.» Mí masaa David dimul ndu aa: «Soo.»

2Samiɛl 14:21

O kon mí masaa kɔ dimul Yoab aa: «I tuei ɲɛ n dimul-la-o. I cɛl le Absalɔm mingio nanu. Lelan, kɔ nuwviaa ndu, mà hin a ndu.»