2Samiɛl 13:9 - BII BILA

⁹ O kon kɔɔli, mí Tamar cua kpɛɛnɛi, mó yɔngu Amnɔn. Kɛ mí Amnɔn kɛɛ le dɛɛla toaŋaala lan dioo. Mó dimi aa: «La soli vannda kpow o ya lo cɛinin nanu.» O kon mí vannda kpow a fula.

2Samiɛl 13:9 Referans Kwoze

O Kandɔɔ 45:1

Mɛɛ Yosɛf ndóò nɔla lɛ kɔl ndɔɔ saa le kɛɔ caŋndo vanaa va lon-nda o hɔl te yɛ, mó dimi aa: «La soli vannda kpow.» Vana-vana celen lo ndu ikɛi cɛinin ndon te. O kon, mó cɔmnun bɛndaa ndɔa maa ndu co Yosɛf ni.

Nsaŋ 3:20

Kani vana-vana va pɛ dɛnɛ vɔɔndo tosaa, nɛyɔn ɲɛ-tengaa va ndu ni, o fula o ɲɛ-tengaa le, yɔŋii dɛnnda vɔɔnnda o co coo lan la fula ceen.

Masaa kialaa n'yamaa 3:19

Mɛɛ nda tiiya o piɔmaa lapovaa co Kilkal ciee-lekɔɔ-a, mí Ehud muungu pila o masaa lo, mó kɔ dimul ndu aa: «Fallo, i nɔ congɔn nɔmndo, kɛ fɔ mì n sim naa ŋiɔn kpé.» Mí masaa dimul vanaa ndɔa baalaa le ndu fondaa mello. O kon, mí nda kpow a fula.

2Samiɛl 13:8

Mí Tamar kɔa o Amnɔn yema ndɔ lo cɛinin, o komal ndu ihini o kpele. Mí Tamar linda kpeyanndo, mó vɔɔca ndu, mó toaŋ ndu.

2Samiɛl 13:10

Mí Amnɔn dimul niko Tamar aa: «Cuu ya ɲɛdiaa kalaa o cɛi ni lɔlaa nin nanu, mà yɔngu ya, mì de.» Mí Tamar cua dɛɛla ndóò toŋ lan-ndan, mó kɔa a lan háá o Amnɔn yema ndɔ lo cɛinin o kpele.