2Samiɛl 13:3 - BII BILA

³ Kɛ Amnɔn ndóò nɔ caan ndɔ piaandoo pum diolan Yonadab, po Simea, puapilɛ David-o o va ni. Nduyɛ vana kɔlkaloo pila Yonadab kon va ni.

2Samiɛl 13:3 Referans Kwoze

1Samiɛl 16:9

Mí Yisai cɔm vɛlɛ Samiɛl Samma, mí Samiɛl dimi aa: «O co hoo le Mɛlɛka hɛli le few!»

1Korɛntea 3:19

Kani kɔlkalu ceendo ho, diɔmnde o co Hala o hɔl ni, mɛɛ o co sɛvaa yɛ aa: «Mɛlɛka bii vanaa kɔlkalua a kɔlkalu nda vɔɔndo.»

Nsaki 3:15

Kɔlkalu vaa lende co kɔlkalu fula coocoo le, kɛ kɔlkalu ceendo, kɔlkalu n'faloo a kɔlkalu ɲinaa co kon ni.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Talelan 19:6

Vannda taw a lisà vanaa bolofaa ni le mò ce nda ɲia. Vana-vana ko co caaŋoo vana ke vannda ɲɔɔn-ndo.

Ɛstɛr 6:13

Mó kɔ downun Serɛs laa ndɔ a caaŋaa ndɔa kpow kona a ɲɛ yɔŋnun ndu-o. Mí vanaa ndɔa silaa kan a Serɛs laa ndɔ a dimul ndu aa: «Te Yuifinɔɔ Mardosee n kandu kon siɛmbulan tolɔɔ o hɔl-lo co ni, mɛɛ a nɔlanin ndu ɲɛ-ɲɛ tosa le. Sínà maa siɛmbulan la cɔɔlunin nɔm tolɔɔ ndu o hɔl.»

Ɛstɛr 5:14

O kon, mí Serɛs laa ndɔ a caaŋaa ndɔa kpow a dimul ndu aa: «Mɛɛ baŋ yɔmndo bandei dunndo beleŋuɛɛnu, o kon siɔdii púŋ, a dimul masaa, vana pena ndu Mardosee kalaa landɔɔ lon. À landu pɛ ndu, nɔm kɔɛnnun niko a ɲaaloo fɛkɛi le ɲɛdiaa sɔvɛɔ dio niaa masaa.» Mí tuula lan la hɛnan Haman, mó cɛl mì yɔmndo baŋnun.

Ɛstɛr 5:10

Kɛ mí Haman kalaa bii kɔl ndɔɔ, mó muungu o ndu lo. Mó kɔ veelu caaŋaa ndɔa a Serɛs laa ndɔ.

2Samiɛl 14:2

Mí Yoab viam vanndo vanalanɔ kɔlkaloo pum kɔɔli Tekoa, mó dimul ndu aa: «Vownun volɔɔla biisilan, suínùn cuɛima cun kɛndɛ le, ma tosa maa vana biisi komal, maa vanalanɔɔ cii palɛi taw o vana ndɔ vi-o caŋndo nin-ndo n co ni.

2Samiɛl 13:32

Kɛ mí Yonadab, po Simea puapilɛ David-o muli, mó dimi aa: «Vana ni bɛndoo, dímì nuaa aa poaa masaa kpow le a vi le. Amnɔn ndu pilɛ kpé nda dii ni. Kani lɔ́ɔ́ Amnɔn kpuva Tamar yemaa Absalɔm mó hini a ndu-o, Absalɔm kelu o kɔl ndɔɔ nin le ndu diyɔɔ ni.

Masaa kialaa n'yamaa 14:20

Má cua lanɔɔ Samsɔn, má yɔngu langbanɔ felengi va ndu Samsɔn ikɛi-yo ndu.

O Kandɔɔ 38:20

Mí Yuda viam caan ndɔ fula kon Adulam-ndo le kɔlan cua kon cuin téndóó yɔngoo a le ɲɛm o yɔngu ndu o landei nin-ndon baŋaa. Kɛ o seelun cua kalaa le.

O Kandɔɔ 38:1

O telen pilɛ kon bɛngu, mí Yuda faŋan puapilɛa ndɔa ikɛi, mó kɔ calnun Adulam langbanɔɔ pum o bɛngu coo, diolan Hira.

O Kandɔɔ 3:1

Kɛwvo ndóò hiow visia yondoa Mɛlɛka Hala cɔw-va kpow kɔlkalu vɔɔndo ni. Mó ɲuna vanalanɔɔ aa: «Bàà nuaa Hala dimul niaa ni aa niaa dia kɔmnde yɔmii co o nakɔɔ ho nin-nde le?»

1Samiɛl 16:11

O mɛɛlulan, mí Samiɛl ɲuna Yisai aa: «Vɛ̀ɛ̀ o celen co lɛ kɔɔli o poaa nɔmnda tɛɛn te?» Mí Yisai mulul ndu aa: «O pilɛ co yondo, ndu co lumndo ni. O yɛɛ cɔlua diólan.» Mí Samiɛl dimul Yisai aa: «Viom vanndo mo kɔ veelu ndu, kani mɛɛ mo va nanu malan naa n dia ɲɛdiaa sálàá ho.»

2Samiɛl 13:2

Amnɔn lo Tamar yema ndɔ yeemaa háá mo del a nàá. Kani cuaambɔ kon ndóò sina vɔ dɛnɛ vanapɔnɔ le. Le hee Amnɔn ndóò tiw vɔ ba mi ndóò tɔɔndan le ndu delɔɔ kɔɔli le.

2Samiɛl 13:4

Mí Yonadab ɲuna Amnɔn aa: «Le kɔlɔ yɛɛ n co yɛ hiovɔɔ ho laci a ɲawvo idii oo idii nuaa, nɔm po masaa? A dimùl-la le?» Mí Amnɔn mulul ndu aa: «Yeemɛi Tamar-e co ya ni, yemaa Absalɔm puapilɛ ni pɛɛn.»

2Samiɛl 21:21

Mó va Israɛlla yeowlan. Kɛ mí Yonatan po Simea, puapilɛ David-o dii ndu.

1Dɛnnda lemasalan 2:13

Mí Yisai ndu vialu poaa nda ŋɔmmɛw: po ndɔ tasoo diolan Eliab, o diinndɔɔ Abinadab, o yàándɔɔ Simea,

1Dɛnnda lemasalan 27:32

Yonatan, vanayɛi David-e va ndu David silaa ni, ndóò nɔ dɛnɛ sinaa a kɔlkaloo. Mí Yehiɛl po Hakmoni-o va poaa masaa ikɛi le nda pɛɛkoo.