2Samiɛl 13:28 - BII BILA

²⁸ Mí Absalɔm dimul buɛyaa ndɔa aa: «La mɛɛndan Amnɔn ɲɛkɛndɛi, telen mɔiyan ma biinin ndu mò naŋ kɔl taw-vo, i dimulnin niaa le ndu biyɔɔ, mì la dii ndu. La yɔŋ isiòòn te dɛ! Sɔɛi fula pɛ i muli. Lelan la vesa hɔlla, mì la tosa vanapɔnɔyɛi.»

2Samiɛl 13:28 Referans Kwoze

Masaa kialaa n'yamaa 19:6

O kon mí poaa ŋiɔŋaa kan cal latulu, má dia, má kol. Mí lefoo dimul leviinɔɔ aa: «Cɛl mì n lɔlnun vɛlɛ hau nanu, mà dɔwnun ɲaale.»

Masaa kialaa n'yamaa 19:22

A lo ɲɛdiaa dioo, mí vanaa fondoa pum o kobi kon nin a hun sɛ́lɔ́ɔ́ fili-fili, má balu cɛiyo sɔ́, má va dioo lɔɔ. Má dimul vana cɛiyo aa: «Solul naa langbanɔ n yiya o nɔm ndo-o. N yeema mì n va a ndu.»

Masaa kialaa n'yamaa 19:9

Tumaa tiiyaa, mí langbanɔɔ can le kɔnndan nda balufaa ndɔ a buɛi ndɔɔ. Kɛ mí lefu ndɔ dimul ndu aa: «La piw nihau, ɲumndan ma co nin le tolɔɔ, la lɔl nanu, mì la dɔwnun ɲaale. Siɔdii púŋ, la pena cɔnɔn le kɔlan. O kon, la muungu o niaa lo.»

Ruti 3:7

Mí Boas dia, mó kol, mí ɲɔɔ hɛnan ndu. Mó kɔ hini o bémbé n'mallo kɔɔli. Mí Ruti kɔa duɛɛn-duɛɛn, mó kpeeŋa ndu kolaa o pelon, mó hini.

Dɛnnda kiilaa 5:29

Mí Piɛr nda kiilaa tɔ̀a a muli aa: «Diom Hala-o biyɔɔ co fisa a diom vanndacieea biyɔɔ.

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

Nahum 1:10

Yaamɔaa niaa vueinun bɛɛ maa bɔɔla n'yɔ, mɛ̀ɛ́-mɛ̀ɛ́ nda pum mɔiyan, a co ŋɔ mà cuulu mungén mɛɛ bil vesɛiyo ŋɔa nuaa yɛ.

Daniɛl 5:30

Icɔl kon, má dii Baltasar masaa Babilɔn.

Vana Kɔlkaloo 10:19

Le ɲaaloo dɔwnɔnndo vana tuisi kafo ɲɛdiaa ni, mɔiyan ma nɛŋi vana kɔllo ni, volion tosa ni mì vana sɔla ɲɔɔn kpow.

Vana Kɔlkaloo 9:7

Lelan, dɔwnun balo mà dɔwnun ɲaale, mà kol mɔima nɔmndan a kɔlkɛndɔɔ. Kani Hala cii nin dɛnnda nɔmndan cɛlɔɔ.

Condii lisai 104:15

mɔiyan ma co nda ɲaaloo yɔngoo, cuɛiyan ma co nda hɔlla mingio ŋɛlɛngi-ŋɛlɛngi, baloo co nda kɛndia yɔngoo o n'dial.

Ɛstɛr 1:10

Paale ŋɔmmɛwndɔlen o kafo kon coo, masaa va a ɲaaloo taw a mɔiyan o hɔl, mó viam vanpiaandua ŋɔmmɛvaa ndu masaa ndóò kɛsi kɔllo coo-a: Mehuman, Bista, Harbona, Bikta, Abakta, Setar a Karkas,

1Masaa 20:16

Bɛn-Hadad nda masaa beleyaa a à ŋiɔŋaa hin ndu malaa-a vannun ndɔ mɔima nda kolɔɔ o cɛila-kolala-toandaalan bɛngu, mí Israɛlla kɔ del nda coo a cɔwvo a paale kalalen.

2Samiɛl 11:15

Mó sɛva o sɛbɛ kon nin aa: «Simi Uri nɛɛ cɔwvo kendu taw-taw-va, mì niaa niaa muungun a makɔɔ, mì la mal ndu ndu pilɛ kpé, haliko mo sɔla piɔ́mndo.»

2Samiɛl 11:13

Diimandɔɔ, mí David veelu ndu le dioo a kolɔɔ nda ndu latulu, mó pimi ndu mɔiyan. Kɛ icɔl kon vɛlɛ, mí Uri fula, mó kɔ lɔlnun nda buɛyaa va bɛ́ɛ̀ lemasaa cumullo-a latulu, o kue o ndu lo cɛinin te.

1Samiɛl 28:13

Mí masaa dimul cua kon aa: «Buulan te! Dimul-la ɲɛ n ce-o.» Mí cuaa dimul ndu aa: «Halaa pum ya co cɔu fulaa o lɛŋnden bɛngu ni.»

1Samiɛl 28:10

Mí Saul mɛnalan ndu o diola Mɛlɛka lan aa: «Te Mɛlɛka co yoomu, a sɔlanin dɛnɛ vɔɔn kɛ́-kɛ̀ o sɔɛi he nin te!»

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

O Kandɔɔ 9:21

Paale pilɛ, mó kol mɔiyan, mɛɛ má bii ndu, mó yungan pulee, mó hinin tum fondo o cɛi-kola-toandaa ndɔɔ nin.

2Samiɛl 12:10

Lelan, kandɔɔ sisa, mɔɛi cɔwve feŋan ndɛnin lɔ́ɔ́-lɔ́ɔ̀ o nɔm ndo cɛinin te, kani a pɛɛsa ya, má mulin vɛlɛ má cua lanɔɔ Uri Hitiinɔ, má siinguu ndu laa nɔm.

2Samiɛl 13:27

Kɛ le mɛɛ Absalɔm baŋnun ndu kɔɔli yɛ, mí masaa cɛl, mó mal Amnɔn nda poaa ndɔa tɔ̀a kɔlan nda ndaa latulu.

Fulaa 1:18

Le hee, mí masaa Esipte veelu nda, mó ɲuna nda aa: «Le yɛɛ niaa co yɛ tosaa lende? Le yɛɛ mì la va cɛlɛkpɛa piaandua mɛiyo yoomu?»

1Samiɛl 18:22

Mí Saul dimul vanaa bɛndua va ndu o ba bɛngu-a aa: «La kɔ tundu vɔ a ndu, mì la dimul ndu aa: ‹David, a hɛnan masaa taw, naa n co vanaa bɛndua ndu o ba bɛngu-a bɛɛ, n kaolaa nɔm taw. Lelan cɛl ma siŋnun lefoo masaa.›»

2Samiɛl 14:6

Poaa nda ŋiɔn yáà nɔ ni. Poaa ŋiɔŋaa kan lo cɔlɔbaa yondoo nin, mí o pilɛ dii o pilɔɔ, kani vana ve lon le nda kpaaliaa le.