2Samiɛl 13:20 - BII BILA

²⁰ Mí Absalɔm, yema ndɔ ɲuna ndu aa: «Mò va maa Amnɔn yema nɔm kpuva nɔm ni? Mɛɛ meenun, dimi ɲɛ-ɲɛ le, kani yema nɔm o co ni. Biinun ndi o kɔl te.» Mí Tamar kɔ va o malnanndo o Absalɔm yema ndɔ lo bɛɛ.

2Samiɛl 13:20 Referans Kwoze

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Talelan 26:24

Vana pɛɛsa vannda-o, sɔɔn kɛndɔn tuŋ o dimul nda ni. Kɛ o kɔl ndɔɔ nin ɲɛ celen pɔ́ co lon ni.

O Kandɔɔ 46:15

Poaa Yakɔb sɔla o polale Lea len coo Padan-Aram-nda yɔŋnun kan ni. Cua nda laandoo va vɛlɛ, diolan Dina. Hɔ́aa piaandua a hɔ́aa laandua va beleyaa a à yaa.

O Kandɔɔ 34:2

Mí Sikɛm, po Hamɔr Heviinɔ va masalen tosaa o tàndà kon coo-o ca ndu. Mó kpuva ndu, mó hini a ndu, mó tɛɛmbuu ndu labɛɛ.

2Samiɛl 13:19

Mí Tamar vownun pultan o lebol, mó sɛɛsiaa doma ndɔɔ, mó handun balan o lebol, mó va kɔlan a yeelan.

2Samiɛl 13:21

Mɛɛ masaa David tuei sɔɛi ken, mó tambu kɔllo taw.

2Samiɛl 14:24

Kɛ mí masaa dimi aa: «O kɔ sanaa o ndu lo bɛɛ, o fúlà ya o hɔl te!» O kon mí Absalɔm kɔa o ndu lo bɛɛ, o ci masaa a lehɔl te.