2Samiɛl 13:19 - BII BILA

¹⁹ Mí Tamar vownun pultan o lebol, mó sɛɛsiaa doma ndɔɔ, mó handun balan o lebol, mó va kɔlan a yeelan.

2Samiɛl 13:19 Referans Kwoze

Yeremi 2:37

Lon bɛɛ, a balan o lebol niaa fulanin ni, kani Mɛlɛka kɛɛ vanaa niaa tiindan-nda, la sɔlanin vɛlɛ mala nda o ba le.»

Yosue 7:6

O kon mí Yosue sɛɛsian volɔɔlan lekɔɔ, mó del o kuumbuan lɛŋ kesu kpemaa o hɔl, mó lo lende háá icɔllo, má vownun cundoo o lebol nda kaasoŋaa kɔlkalua Israɛlla kpow.

2Samiɛl 1:11

Mí David sɛɛsian volɔɔlan lekɔɔ, mí vanaa va ndu ikɛi-ya bɛɛ sɛɛsian volɔɔlan lekɔɔ.

2Samiɛl 1:2

O paale yàándɔlen, mí langbanɔɔ pum fula o dɔ́ɔ́ngɔ́ Saul-lo nin, mó hun. Volɔɔla sɛɛsiɛilan la va ndu lekɔɔ, loolio va ndu o suiyan o lebol kpow. Ndóò sɔɔnguuo David ikɛi, mó del lɛŋ, mó baŋ vulan.

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

SƐBƐ YƆB-O 2:12

A lo lándán má tofa ndu, kɛ a nɔla ndu sinaa le. Má caŋ fúkpàà-fùkpàà, má sɛɛsian domala ndala bɛndulan lekɔɔ, má dɔawnun loolio o lebol.

Ɛstɛr 4:1

Mardosee ndóò sinaa dɔ́ɔ́ dɛnnda va lan yɔŋnɔnndo lan kpow, mó sɛɛsian volɔɔlan lekɔɔ, mó vownun yalala yuululan, mó vownun pultan o lebol. Mó fula kobio balɔɔ, mó va yondaa kpélén a mɔnɛi.

1Samiɛl 4:12

Paale len, mí vanndo pum, fulaa o polale Bɛnyamɛn-nden nin o hialun o yondo cɔwvo nin, mó tiiya háá Silo a kiltan paale pilɛle len. Volɔɔla sɛɛsiɛilan la va ndu lekɔɔ, loolio va ndu o lebol.

O Kandɔɔ 37:29

Tuma Rubɛn muungu o soon kon-ndo, o komal lɛ Yosɛf lon te. Mí mɔnɛi bii ndu, mó sɛɛsiaa volɔɔla ndɔla cuɛinanndan.

2Samiɛl 13:20

Mí Absalɔm, yema ndɔ ɲuna ndu aa: «Mò va maa Amnɔn yema nɔm kpuva nɔm ni? Mɛɛ meenun, dimi ɲɛ-ɲɛ le, kani yema nɔm o co ni. Biinun ndi o kɔl te.» Mí Tamar kɔ va o malnanndo o Absalɔm yema ndɔ lo bɛɛ.