2Samiɛl 12:31 - BII BILA

³¹ Mí David bii vanaa va lon-nda, mó kɔa a nda o cɛlen nin. Mó kɔ tundu nda baalala kálà-kálàlan tosaa: yɔmnde a powtan siɔlɔɔ, yɔmnde kombiaa a kpilikion lɔu. Mó tosa ɲɛ pilɛ kon o kobila Amɔnnda nin kpow. O kon kɔɔli, mó muungu Yerusalɛm nda vanaa ndɔa cɔwva kpow.

2Samiɛl 12:31 Referans Kwoze

1Dɛnnda lemasalan 20:3

Mó biw vanaa va icali o kobi kon nin-nda, mó siinguu nda vanaa tɛɛndiaa iyɔmnda, vanaa sialaa lapowva a vanaa kilia iyɔmnda, mó tosa ɲɛ pilɛ kon o kobila Amɔnnda nin kpow. O kon kɔɔli, mí David a vanaa ndɔa cɔwva kpow a muungun Yerusalɛm.

Amɔs 1:3

Nuaa Mɛlɛka soo ni aa: «Le yɔŋnda vɔɔnnda yàála vannda Damas tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a pimbulu vannda Kalaad o ciliŋun siɛɛmbian coo, má pesipesi nda.

2Samiɛl 8:2

Mó nɔla vɛlɛ Moabua, mó yɛɛmbuu nda lɛŋ, mó tuu nda a yoolen le nda diwvo. Mó tuu yoolen lediin le kan diwvo, mó tuu vɛlɛ yoolen lepilɛ le kan mɛiyo yoomu. O kon, mí Moabua siŋnun cɛa le David, má va muloo malɔɔ ndu o ba.

Hebreea 11:37

Má lo a pum viiyo a powtan háá má diw nda. A pum yɛ, má kialu nda tɛɛn a siiyo te kon te, má dii nda a mɔɛi cɔwve. A pum yɛ, a cɛn pɛ baa, a kɔɛ baa pilɔɔ a yáwla saa, te kon te yáwla cuinnda lekɔɔ. Mí pɛŋnde ɲɛ-ɲɛ fee le bii nda. A va nda sɔɔlɛmaa suiyo a nda saangiaa taw.

1Dɛnnda lemasalan 20:2

Mí David sungu mɔsil lemasaa va Milkɔm, piɔm Amɔnnda o lebol-lo, lusul mɔsil kon ndóò hiow le kilolan beleyaa. Powta báà kalalan ndáà holi ndu ni. Má vow David ndu o lebol. Mí David poonda vɛlɛ bolofaa taw o kobi kon nin.

Yeremi 43:9

«Cua powta bɛndulan, mà kumbu lan o fonda yesa co le luɛyɔɔ o cɛi masaa Esipte-o nin-ndo Yudaa o hɔl Tapanɛs.

Yosue 10:15

Dɛnɛ kon cuvɔɔ, mí Yosue nda Israɛlla kpow a muungu o dɔ́ɔ́ngɔ́ɔ̀ nin Kilkal.

Amɔs 1:13

Nuaa Mɛlɛka soo ni aa: «Le yɔŋnda vɔɔnnda yàála Amɔnnda tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a tɛɛndiaa vanlaandua lafolia Kalaad dembelan le lɛŋnde ndalen cɔɔloo.

Amɔs 1:14

Lelan, i co yinnden malɔɔ o kpakila kobio Raba, mì le lom cɛila lemasala co lon-ndan o vóólun-vóólunn cɔwvo bɛngu, o paale cɔwlen len pilɛ nin. La cuunin ŋɔ o felenfelen leyinndo nin o paale hoeyii fùkù-fùkùlen nin.