2Samiɛl 12:25 - BII BILA

²⁵ Mí David mingul Natan vana-tɛɛngaa-diom Hala-o po kon haliko mò va o ba Mɛlɛka-o bɛngu. Le kaola kon Natan ke poombɔɔ diolan ni aa Yedidia (kon co dimio ni aa «O Mɛlɛka kaola-o»)

2Samiɛl 12:25 Referans Kwoze

Nehemi 13:26

Mí ɲuna nda aa: ‹Vɛ̀ɛ̀ o co lende le Salomɔn masa Israɛlla kei mó luɛi o hakio nin te? O vanaa-mangalaa-isɔaa co o ceendo coo-a kpow tɛɛn, masa kɛ́-kɛ̀ óò sulan a ndu le, Hala ndɔɔ ndóò yeema ndu taw. Mí Hala siinguu ndu masaa Israɛlla kpow coo. A kon kpede, mí vanlaandua mangalaa isɔɔa luei ndu o hakio nin.

2Samiɛl 7:4

Kɛ icɔl kon, mí Mɛlɛka soaa o Natan ndo, mó dimul ndu aa:

1Masaa 1:11

Mí Natan kɔ dimul Bat-Seba, kalaa Salomɔn aa: «A tuei pá maa Adoniya, po Hakit-o cua masalen? Nduyɛ hali vana naa bɛndoo David sina vɔ a ndi o kɔɔ le.

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

1Masaa 1:23

Má kɔ dimul masaa aa: «Natan vana-tɛɛngaa-diom Hala-o hin.» O kon, mí Natan luɛi, mó tiiya o masaa lo. Mó baŋ vulan masaa o labɛngunin, mó tundu hɔlla lɛŋ.

2Samiɛl 12:24

Mí David ɲɔɔlu Bat-Seba laa ndɔ. Má mɔɔsa kpeloo, mí Bat-Seba cua folio mó vialu poo, mó ke ndu diolan aa Salomɔn, mí Mɛlɛka kaola po kon taw.

2Samiɛl 12:26

Tuma kon Yoab ndóò del Raba kobi lebol Amɔnnda coo a cɔwvo ni, mó bii kobi lebol masaa va kon icali nin-ndo.

1Dɛnnda lemasalan 3:5

Poaa o velu Yerusalɛm-nda va Simea, Sobab, Natan a Salomɔn ni. Nda Bat-Sua, cua Amiɛl-lo velu poaa hiɔɔlua kan ni.

1Dɛnnda lemasalan 22:9

Kɛ aa ya vialunin poo, vana kɔlɲuloo o vanin ni. Ndu Mɛlɛka kenin po kon pɛngio, mò baŋa ndu yaamɔaa o vanin tɛɛn-nda kpow o ba. Salomɔn o nɔnin diolan ni. O masale ndɔlen bɛngu ndu Mɛlɛka kenin Israɛlla kɔlɲuloo a pɛngio ni.

Tɔŋ miingua 33:12

Mó dɔaw polale Bɛnyamɛn-nden duaa aa: «Vanaa Hala kaola taw-va co kan ni. A calnunnin nila ɲulu ndu ikɛi. Hala co nda mandaa le lɔ́ɔ́-lɔ́ɔ̀. O co icali nda tɛɛn.»

1Masaa 1:8

Kɛ nduyɛ, Sadɔk vana-solia-lasálàá, Benaya po Yehoyada-o, Natan vana-tɛɛngaa-diom Hala-o, Simei nda Rei a kuubaa cɔvaa David-a kpede, vana-vana sim Adoniya kɔɔli o tuu ndɔ kon coo le.

1Masaa 4:5

Asaria, po Natan-ndo va bolle masaa n'bungaa ni, Sabud po Natan-ndo va vana-solia-lasálàá pilɛ, o va vɛlɛ caaŋoo masaa.