2Samiɛl 12:24 - BII BILA

²⁴ Mí David ɲɔɔlu Bat-Seba laa ndɔ. Má mɔɔsa kpeloo, mí Bat-Seba cua folio mó vialu poo, mó ke ndu diolan aa Salomɔn, mí Mɛlɛka kaola po kon taw.

2Samiɛl 12:24 Referans Kwoze

Matie 1:6

mí Yisai vialu masaa David. Mí masaa David vialu Salomɔn, lanɔɔ Uri yɔŋnun kalaa Salomɔn ni.

1Dɛnnda lemasalan 29:1

Mí masaa David dimul vannda kpow aa: «Langbanɔ felengi nɔ vɔ taasi bɔɔ loo Salomɔn po ni co ni, o Mɛlɛka hɛli-o. Nduyɛ, baalaa co o bɔɔ, kani o co cɛi lemasa vanaciee le co tangulɔn te, kɛ Cɛi-Mɛlɛka-o ni, Hala pɛɛn.

1Dɛnnda lemasalan 3:5

Poaa o velu Yerusalɛm-nda va Simea, Sobab, Natan a Salomɔn ni. Nda Bat-Sua, cua Amiɛl-lo velu poaa hiɔɔlua kan ni.

2Samiɛl 7:12

Nduyɛ, lɔ́ɔ́ palɛi nɔmnde peelunnin fɛɛn, mà dem fuɲaa nɔmaa mamaa ciee-piɔ́m-ndo, i hɛlinin hɔ́ɔ́ fula nɔm ipulu-o pum, mì ndu koma tosa masalen o fonda nɔmndo. I siminin masale ndɔlen yili.

2Samiɛl 12:25

Mí David mingul Natan vana-tɛɛngaa-diom Hala-o po kon haliko mò va o ba Mɛlɛka-o bɛngu. Le kaola kon Natan ke poombɔɔ diolan ni aa Yedidia (kon co dimio ni aa «O Mɛlɛka kaola-o»)

1Masaa 1:10

Kɛ o veelu Natan vana-tɛɛngaa-diom Hala-o, Benaya a kuubaa cɔwva le. Salomɔn puapilɛ ndɔ bɛɛ sɔla veelu o kafo kon te.

1Masaa 1:11

Mí Natan kɔ dimul Bat-Seba, kalaa Salomɔn aa: «A tuei pá maa Adoniya, po Hakit-o cua masalen? Nduyɛ hali vana naa bɛndoo David sina vɔ a ndi o kɔɔ le.

Nehemi 13:26

Mí ɲuna nda aa: ‹Vɛ̀ɛ̀ o co lende le Salomɔn masa Israɛlla kei mó luɛi o hakio nin te? O vanaa-mangalaa-isɔaa co o ceendo coo-a kpow tɛɛn, masa kɛ́-kɛ̀ óò sulan a ndu le, Hala ndɔɔ ndóò yeema ndu taw. Mí Hala siinguu ndu masaa Israɛlla kpow coo. A kon kpede, mí vanlaandua mangalaa isɔɔa luei ndu o hakio nin.

Tɔŋ miingua 33:12

Mó dɔaw polale Bɛnyamɛn-nden duaa aa: «Vanaa Hala kaola taw-va co kan ni. A calnunnin nila ɲulu ndu ikɛi. Hala co nda mandaa le lɔ́ɔ́-lɔ́ɔ̀. O co icali nda tɛɛn.»

2Samiɛl 5:14

Diola poaa o velu kan Yerusalɛm-nda la co lan ni: Samua, Sobab, Natan, Salomɔn,

Talelan 4:3

Ya bɛɛ, poo ya yɔŋnun le fuɲa nuu ni. Po kaolaa a pole pilɛlen ya va kala nuu ikɛi ni.