2Samiɛl 12:20 - BII BILA

²⁰ Mí David can ihini lɛŋ, mó pulun few, mó suunun cuɛima cun kɛndɛan, mó mangalan volɔɔlan lekɔɔ. O kon kɔɔli, mó kɔa o Cɛi-Mɛlɛka-o nin le Hala piɛiyo. Mɛɛ o muungu o ndu lo, mó ɲuna ɲɛdiaa, má ke ndu, mó dia.

2Samiɛl 12:20 Referans Kwoze

SƐBƐ YƆB-O 1:20

Yɔb ciiyo sɔɔn mun tueyɔɔ kpede, mó can tangban, mó sɛɛsiaa doma ndɔ bɛndoo ndu lekɔɔ, mó sendi tembello. O kon kɔɔli, mó del lɛŋ, mó baŋ vulan,

Ruti 3:3

Lelan pulun, mà suinun cuɛiyan, mà vownun volɔɔla nɔmnda hiow naŋɔɔ lan, mà kɔɛ o kpele lɔaa n'mal kon coo. Kɛ nduyɛ, keleŋa ndu fula o hɔl te. Mɛɛ mò cii fɔlɔn dioo a kolɔɔ.

Matie 6:17

Kɛ nɔm, taa va pɛ sumndo biyɔɔ, pulu hɔlla, mà suinun cuɛima cun kɛndɛan o lebol,

Vana Kɔlkaloo 9:8

Vá ɲɛ cuɛiyan kɛndɔɔ vownɔnndo lɔ́ɔ́-lɔ́ɔ̀, pɔɛɛnun le cuɛima cun kɛndɛan suunɔnndo o lebol te.

SƐBƐ YƆB-O 2:10

Kɛ mí Yɔb mulul ndu aa: «A soaa ko maa diɔm! O co ka dɛnɛ kɛndɔɔ kínɛí le naa n sɔ̀là Hala o ba le. Te n cɛl pɛ dɛnɛ kɛndɔɔ maa ɲɛ-kéa fula Hala o ba-o, vɛ n cɛl niko vɛlɛ dɛnɛ palaa lende le?» O kon nin kpow, Yɔb dimi diomnde tana le.

2Samiɛl 7:18

Mí masaa David kɔa, mó cal Mɛlɛka o hɔl, mó dimi aa: «Yɛɛ nɛ ya co yɛ Maalii, Mɛlɛka? Yɛɛ nɛ yungu nuu co yɛ, mì nɔm Mɛlɛka siinguu ya vana vaa lende?

Condii lisai 39:9

Baŋa ya a dɛnnda nila vɔɔnnda kpow. Cɛl mì diɔmnda mam ya le.

2Samiɛl 6:17

Mɛɛ nda hin a kesu kpema Mɛlɛka-o, má kɛsi ndu o fonda ndɔɔ o cɛi-kola-toandaa David ndóò tondu le ndu kɛsio lenin-ndo nin, mí David solul Mɛlɛka sálàla loamaalan a sálàla kɔlɲululan.

Luke 7:46

A dow cuɛima cun kɛndɛ a o lebol te. Kɛ ndu ndu, mó dɔaw ya cuɛima cun kɛndɛan o lebol.

2Samiɛl 12:19

Mɛɛ David tuei nda iɲiimu-ɲiimuei nda pila tɛɛn, mó dɔaw taasi maa poombɔɔ vi. O kon, mó ɲuna nda aa: «Vɛ̀ɛ̀ poombɔɔ vi ni?» Má mulul ndu aa: «Oi, o vi.»

2Samiɛl 12:21

Mí buɛyaa ndɔa ɲuna ndu aa: «Dɛnɛ súú yɛɛ nɛ n tosa yɛ hoo? Tuma poombɔɔ va vɔ yoomu-o, a va sumndo biyɔɔ má va caŋndo. Sisa yɛ poombɔɔ vi, kɛ a cɛn mà muungu ɲɛdiaa nɔm dio.»

2Samiɛl 14:2

Mí Yoab viam vanndo vanalanɔ kɔlkaloo pum kɔɔli Tekoa, mó dimul ndu aa: «Vownun volɔɔla biisilan, suínùn cuɛima cun kɛndɛ le, ma tosa maa vana biisi komal, maa vanalanɔɔ cii palɛi taw o vana ndɔ vi-o caŋndo nin-ndo n co ni.

2Samiɛl 19:24

Mí masaa dimul Simei aa: «Vana diinin nɔm te.» Mí masaa mɛnalan ndu.

Condii lisai 95:6

La luɛi mì n tundun, mì n piɛinun, mì n baŋnun vulan Mɛlɛka cɔw naa-o o labɛngunin.

Condii lisai 103:1

Condii fula o condun David-on nin-nde. Éé kɔl nuu, mel Mɛlɛka balika! I yeema mì mel Hala diandaa balika a kɔl nuu kpow.

Condii lisai 103:8

Mɛlɛka nɔ ɲííye a kɛndɛi taw, o yala kɔl fula le, kaola ndɔɔ co o bɔɔ.

Talelan 3:7

Nɔm pila cánnùn vana kɔlkalu le, kɛ nɔ siòòŋii Mɛlɛka-e mà kpakpala dɛnɛ vɔɔndo.

1Samiɛl 15:25

Lelan, a yandi mal-la haki, ma cɛl mi n muungu, mi kɔ baŋ vulan Mɛlɛka o labɛngunin.»

1Samiɛl 15:31

Mí Samiɛl liila ndu, mí Saul kɔ baŋ vulan Mɛlɛka o labɛngunin.