2Samiɛl 11:27 - BII BILA

²⁷ Biisio cuvɔɔ, mí David viam vannda ndu kɔɔli. Mó cua ndu o nɔ̀u nin, mó vilul ndu hɔ́ɔ́ piaandoo. Mí Mɛlɛka tambu kɔl a David le dɛnɛ o tosa kon-ndo.

2Samiɛl 11:27 Referans Kwoze

2Samiɛl 12:9

Kɛ le yɛɛ n pɛɛsa yɛ sɔɛi nii, ya Mɛlɛka, má tosa ɲɛ hɛnan ya loo? Nɔm vɔngul Uri Hitiinɔ o mɔɛi cɔwve bɛngu ni, má cua laa ndɔ, má siinguu ndu laa nɔm. Nɔm tosa ni mí Amɔnnda dii ndu o cɔwvo.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

1Dɛnnda lemasalan 21:7

Mí dɛnɛ kon nɛinun Hala. O kon, mó saangiaa Israɛlla.

Tɔŋ miingua 22:29

vanapɔnɔ suunda kon a cua pilaa-o bɛnda mò luɛi bɔnɔ, mò yɔngu fuɲaa cuaa volin latámán beleŋuɛɛnu, mò cua vɛlɛ cuaambɔ kon o nɔ̀u nin. Kani kpuvaa o kpuva ndu ni, handɔɔ o kon coo, háá mo vi o bɛnda lɛ mo kɛɛ ndu le few.

O Kandɔɔ 38:10

Mí dɛnɛ ndɔ kon nɛinun Mɛlɛka. Ndu bɛɛ mí Mɛlɛka cii yoomu ndɔɔ.

Condii lisai 5:6

Vanaa sondo bɛndua sim nɔm o hɔl te, vanaa pala caanda-a nɛinun nɔm bɔɔ!

Matie 1:6

mí Yisai vialu masaa David. Mí masaa David vialu Salomɔn, lanɔɔ Uri yɔŋnun kalaa Salomɔn ni.

2Samiɛl 15:26

Kɛ, te o ci lɛ ya ɲia le, mɛɛ o tosal-la mɛɛ o yiyannin yɛ.»

1Masaa 21:16

Akab tueyɔɔ maa Nabɔt Yisrɛeliinɔ vi, mó can, mó kɔa o nakɔ n'rɛsɛn Nabɔt kalaa nin, mó siinguu ndu ɲɛ ndɔ ndu pila.

1Masaa 21:20

O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.

Talelan 6:29

Lende koni i co vɛlɛ a vanapɔnɔ co a lanɔ pilaa-o ni. Vana-vana yɛɛnun pɛ ndu ba, ndu tuisin sangaa coo.

Esai 29:15

Dɛnɛ palaa co le vanaa co tulaa ndalan vionɔɔ-a, vanaa co lan Mɛlɛka vinndo-a pɛɛn. A co dɛnnda ndalan tosaa o ɲumndan nin, a co dimio aa: «Nɛ̀ɛ́-nɛ̀ co yɛ naa cɔu? Nɛ̀ɛ́-nɛ̀ sina yɛ naa nɛ?»

Cɛɛŋɔnnda Yeremi lan 3:36

te vana tosal pɛ vanndo kafalan o yamɛi kiolɔɔ, vɛ̀ɛ̀ Mɛlɛka ci sɔɛi ken te?