2Samiɛl 1:20 - BII BILA

²⁰ La yóndà sɔɛi he o kobio Kat nin te, la sɛ́ŋì ndi o nɛila bɛndulan Askelɔn coo le, yɔŋii cuavaa laandaa Filistia dɔwnun ɲaale, mì cuavaa laandua vanaa dii kan tooma le-a viow kponyoo.

2Samiɛl 1:20 Referans Kwoze

Misee 1:10

La yóndà sɔɛi ken Kat le, la kóŋùl Ako le dɛ! Niaa vannda Bɛt-Leafra, la yuulian o cundoo nin.

1Samiɛl 18:6

Tuma David cii Koliat diyɔɔ mí vanaa cɔwva va muungoo o la nda lo-o, mí vanlaandua fula o kobila yɛ́-yɛ́la Israɛl-tan nin kpow le kɔlan masaa Saul bɔŋaa. Má va condon solio a yolan o dundulan a o ɲɛm-caan celen bɛngu. A va yoondiaalan a ɲaaloo taw.

Masaa kialaa n'yamaa 11:34

Lɔ́ɔ́ Yɛfte va muungoo o ndu lo Mispa-o, mí cua ndɔ laandoo hun ndu bɔŋaa a yolan o dundulan bɛngu. Cua ndɔ kon ndu pilɛ kpé va ndu o ba ni. Ndóò nɔ hɔ́ɔ́ celen te.

Esekiɛl 16:57

kɔlvesɛi nɔmndo ndóò fula vɔ ceen te. Lelan, nɔm bɛɛ telen nɔmndo tiiya, Aram a cieon balu ndu-on n co nɔm yeowlan, Filistii a cieon ndɔn bɛɛ n co nɔm bɛ̀ɛ̀lan tɛɛmbuuo.

Esekiɛl 16:27

Le hee, mí tuisi ba nuu le nɔm soŋɔ̀ɔ́, mí poonda ɲɛdiaa nɔm o ba, mí mal nɔm yaamɔaa nɔmnda o ba, kobila Filistia pɛɛn, kobila siɛmbulan láà bii le suunda nɔm bɛndu-bɛndoo-a.

1Samiɛl 31:4

mó dimul vana ndɔ cuaa ɲɛm cɔwvo aa: «Cua mɔɛi nɔmii cɔwve mà dii ya, kani i yeema mi Filistia dii haa tooma le-a dii ya le.» Kɛ mí vana ndɔ cuaa ɲɛm cɔwvo kɛɛ, kani siòònde va ndu taw. O kon mí Saul pila cua mɔɛi ndɔɛi cɔwve, mó del lecoo.

1Samiɛl 17:36

Nuaa buɛi nɔmndo ndóò diw yàlàá a kɔ́lɔ́vúlua ni. Lende koni ya tosanin a Filistinɔ dii hoo toma loo ni, le yei o yei vanaa cɔvaa Hala yoomaa-o.»

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

Masaa kialaa n'yamaa 14:19

O kon mí kɔl Mɛlɛka-o toal Samsɔn coo, mó kɔa Askelɔn. Mó diw vanpiaandua beleyaa lon, mó cua domala ndalan, mó yɔngu vanaa cɔm kɔlɔ tale kon-nda lan le kafoo. O kon kɔɔli, mó can a kɔltuwvo, mó muungu o fuɲa ndɔ lo.

1Samiɛl 14:6

Mí Yonatan dimul langbanɔ va ndu kon ɲɛm cɔwvon cuello-o aa: «Hun mì n sɔɔnguu vanaa dii haa tooma le-a macɛlu kpɛɛlun, bɔɔle mì Mɛlɛka mala naa mì n nɔla nda. Kani n va sɛ́lɛ́, n va sɛ́lɛ́ le, Mɛlɛka dimi pɛ le naa baŋaa, o baŋa naa.»

1Samiɛl 6:17

Tuuliaala n'sianila va tɔɔmasele hindɔɔla ipawla Filistia solul Mɛlɛka sálà bɛɛndiaa isɔɔ lan la va lan ni: o pilɛ va le kobio Asdɔd, o pilɛ le Kaasa, o pilɛ le Askelɔn, o pilɛ le Kat, o pilɔɔ le Ekrɔn.