2Samiɛl 1:2 - BII BILA

² O paale yàándɔlen, mí langbanɔɔ pum fula o dɔ́ɔ́ngɔ́ Saul-lo nin, mó hun. Volɔɔla sɛɛsiɛilan la va ndu lekɔɔ, loolio va ndu o suiyan o lebol kpow. Ndóò sɔɔnguuo David ikɛi, mó del lɛŋ, mó baŋ vulan.

2Samiɛl 1:2 Referans Kwoze

1Samiɛl 4:12

Paale len, mí vanndo pum, fulaa o polale Bɛnyamɛn-nden nin o hialun o yondo cɔwvo nin, mó tiiya háá Silo a kiltan paale pilɛle len. Volɔɔla sɛɛsiɛilan la va ndu lekɔɔ, loolio va ndu o lebol.

2Samiɛl 4:10

vana dimul-la yoongu piɔ́m Saul-lo-o ndóò nɔ o kɔl maa yoongu kɛndɔɔ ndóò dimul-la lende ni. Kɛ mí viam vannda má bii ndu, má dii ndu Siklak. Nuaa ya dɔw ndu vɔ̀ngɔ̀ le yoongu ndɔ kɛndɛ o dimul-la kon-ndo ni.

1Samiɛl 25:23

Abikail cɔu dɔ́ɔ́ David, mó toal o sofɛlɛ ndɔɔ coo, mó baŋ vulan David laci, mó tundun David o labɛngunin,

Yosue 7:6

O kon mí Yosue sɛɛsian volɔɔlan lekɔɔ, mó del o kuumbuan lɛŋ kesu kpemaa o hɔl, mó lo lende háá icɔllo, má vownun cundoo o lebol nda kaasoŋaa kɔlkalua Israɛlla kpow.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Matie 16:21

Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Yɔɛl 2:13

La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

Osee 6:2

O minginin naa yoomoo o n'dial o palɛi ndii ŋiin bɛngu. O paale yàándɔlen coo, o minginin naa a kiyɛi, mì n muungu yoomu ndu o hɔl.

Condii lisai 66:3

La dimul Hala aa: «Dɛnnda nɔmndan la co bɔɔ dɛnnda kaamaala bɛndu! Le kpaaya nɔm bɛndoo, yaamɔaa nɔmnda co nɔm lisaa

Ɛstɛr 5:1

O paale yàándɔlen coo, mí Ɛstɛr mingin volɔɔla ndɔla lemasalan lekɔɔ, mó kɔ sim o bɛ́ɛ̀ va o cɛi lemasaa tɛɛn-ndo, o cɛila masaa va nin-ndan sondoo. Masaa va icali o kpɛŋɛ ndɔ lemasaa nin o dio bɛndoo sanaa.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

2Samiɛl 15:32

Tuma David va tiiyaa o pembei tullo nɛɛ vannda ndáà dema paandu Hala piɛiyo-a-o, mó ca Husai Arkiinɔ hunɔɔ ndu laci. Domaa va ndu o sɛɛsiɛiyo lekɔɔ a loolio o suinanndo o lebol.

2Samiɛl 14:4

Mí cua fula kon Tekoa-o kɔa o masaa lo, mó del lɛŋ ndu o labɛngunin, mó dimi aa: «Éé masaa, baŋa ya fɔ́!»

1Samiɛl 20:41

Tuma poombɔɔ muungun-ndo, mí David koma fula nɛɛ o va o viannan o powvo kɔɔli a ba too-a, mó baŋ vulan Yonatan o labɛngunin háá bɛmbɔɔ leyáá. Má kɔɔmian a caŋndo taw nda ŋiɔn, kɛ David hiow caŋ.

1Samiɛl 4:16

Mí vana kon dimul ndu aa: «O cɔwvo ya co fulaa ho nuaa ni. Hau-hau ya hɛlun ni, mí sɔndan.» Mí Helii ɲuna ndu aa: «Ponndo, vɛ̀ɛ̀ lavàà lon?»

O Kandɔɔ 43:28

Má baŋ vulan ndu o labɛngunin, má muli aa: «Buɛi nɔmndo, o co fuɲa naa-o co vɔ yoomu. O connun kɛndɛ.»

O Kandɔɔ 37:34

O kon, mó sɛɛsiaa volɔɔla ndɔla cuɛinanndan, mó yiinun volɔɔla biisilan o caŋ, mó caŋ po ndɔɔ taw.

O Kandɔɔ 37:29

Tuma Rubɛn muungu o soon kon-ndo, o komal lɛ Yosɛf lon te. Mí mɔnɛi bii ndu, mó sɛɛsiaa volɔɔla ndɔla cuɛinanndan.

O Kandɔɔ 22:4

Paale yàándɔlen, mí Abraham heelu hɔlla, mó ca fonda Hala cɔm ndu kon-ndo lándán.

2Samiɛl 1:3

Mí David ɲuna ndu aa: «Kuɛɛ nɛ n co yɛ fulaa?» Mó muli aa: «O dɔ́ɔ́ngɔ́ Israɛlla nin ya cɛn ni mí sɔndan.»

Esekiɛl 27:30

A koŋulnin nɔm coo, má caŋ fúkpàà-fùkpàà mà caŋ coocoo kpélén a mɔnɛi. A vownunnin loolio o lebol, mà yuulian o pultan nin.

2Samiɛl 13:19

Mí Tamar vownun pultan o lebol, mó sɛɛsiaa doma ndɔɔ, mó handun balan o lebol, mó va kɔlan a yeelan.

2Samiɛl 24:20

Haarawna lo a maluaŋ, mó ca masaa David nda vanaa ndɔa baalaa hunɔɔ sanaa o ndu lo. Mó bii kɔlan nda demullo, mó kɔ del o kuumbuan lɛŋ masaa o labɛngunin.