2Samiɛl 1:17 - BII BILA

¹⁷ Mí David soli condii biisiei he Saul nda Yonatan po ndɔ coo.

2Samiɛl 1:17 Referans Kwoze

2Dɛnnda lemasalan 35:25

Mí Yeremi soli condii biisiei le Yosia. Háá hau, vanaa solia n'condua, vanpiaandua a vanlaandua kpow a co vɔ condii ken solio o biisilan coo le loonɔnndo a Yosia o kɔɔ. Mí sɔɛi ken siŋnun namoo o lɛŋnde Israɛl-ten nin. Condun mun n co n'sɛvaa o sɛbɛla condun labiision nin.

2Samiɛl 1:19

«Òó Israɛl! Yɛɛ yɔŋnun yɛ mí kuubaa cɔvaa nɔmnda sɔla piɔ́mndo? A co ihini o pembon coo lɛ́ɛ́siɛn.

O Kandɔɔ 50:11

Kanaŋaa va o tàndà kon nin-nda cɔu mɛɛ nda tosa dɛnɛ biisi kon o kpele lɔaa n'mallo Atad nin yɛ, má dimi aa: «Biisi bɛndu-bɛndu imɔnɔɔ komal hoo Esiptea ni.» Lelan nda ke fonda kon Yurdɛn leeloo diolan ni aa Abɛl-Misrayim (kon co dimio ni aa «Biisi Esiptea»).

2Samiɛl 3:33

O kon mí masaa soli condii biisiei Abnɛr coo aa: «Le yɛɛ Abnɛr sɔla yɛ piɔ́mndo maa diɔm?

Esekiɛl 32:16

Condii biisii bɛnda le solinndo-e co hee ni, cuavaa laandua vanaa-mangalaa-isɔɔa solinin ndi ni. A solinin ndi o lɛŋnde Esipte len a o sɛ́lɛ́ bɛndu co Esipte-o coo. Ya Maalii, ya co Mɛlɛka-o soo nuaa ni.»

Condii lisai 35:14

Mí va tosaa mɛɛ vana tosa le caan nɔm, te kon te le puapilɛ nɔmndo nuaa yɛ, mí saiyan volɔɔla imɔnɔlan, vanáà ce pɛ aa kala velu ya-o vi ni.