2Samiɛl 1:14 - BII BILA

¹⁴ Mí David ɲuna ndu aa: «Vɛ̀ɛ̀ siòòŋii bii nɔm le masa Mɛlɛka pɔla-o diyɔɔ le?»

2Samiɛl 1:14 Referans Kwoze

1Samiɛl 26:9

Kɛ mí David mulul Abisai aa: «Dii ndu le! A sina pá maa vana-vana hol pɛ masa Mɛlɛka pɔla-o baa, vana kon sɔla sangaa?»

2Piɛr 2:10

taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.

Condii lisai 105:15

«La pilan vanaa nia ya pɔla-a le, la tósal vanaa-tɛɛngaa-diom Hala-a nia dɛnɛ vɔɔndo le.»

1Samiɛl 31:4

mó dimul vana ndɔ cuaa ɲɛm cɔwvo aa: «Cua mɔɛi nɔmii cɔwve mà dii ya, kani i yeema mi Filistia dii haa tooma le-a dii ya le.» Kɛ mí vana ndɔ cuaa ɲɛm cɔwvo kɛɛ, kani siòònde va ndu taw. O kon mí Saul pila cua mɔɛi ndɔɛi cɔwve, mó del lecoo.

1Samiɛl 24:6

Kɛ mí kɔllo kandu ndu fulaa taw le bɔ̀ɔ̀le doma bɛndu Saul-te o kelu len-nden.

Kundalan 12:8

Kpendekele ya soaa o ndu lo ni, vakpa o ca ya ni. I suu o ndu lo o levundu nin te. Le yɛɛ nɛ mí la vesa hɔlla mí la soaa sɔɔn pɔmbɔn a vana ni baalaa Moise?»

1Samiɛl 10:1

Mí Samiɛl cua lee macuɛi va ndu o ba-o, mó tala cuɛima va lenin-ndan Saul o lebol, mó kɔman ndu, mó dimul ndu aa: «Mɛlɛka pila hɛli nɔm ma va simlacinɔɔ vanaa co kɛ́ ndɔ-a coo.

1Samiɛl 12:3

Lelan, la ce ya isisi niaa, Mɛlɛka a masa o pɔla-o o hɔl. Te i tosal pɛ vana dɛnɛ vɔɔn, vana kon bìí sei nuu. Vɛ̀ɛ̀ i ciimbuu pá naw vana, te kon te sofɛlɛ pila? Nɛ̀ɛ́-nɛ̀ ya saangiaa yɛ le tɔnɔ soli ndu o n'dial? Nɛ̀ɛ́-nɛ̀ ya luei-yɛ mɔnɛi? Nɛ̀ɛ́-nɛ̀ luɛi-yɛ ya nin a ɲɛ pum le hɔltan kindaa o dɛnɛ ndɔɔ coo? Te i tosal pɛ vana dɛnɛ vaa lende, mɛɛ vana kon dimi mì mingul ndu ɲɛ ndɔ ya de-o.»

1Samiɛl 26:11

Lelan màá Mɛlɛka cɛl lɔ́ɔ́-lɔ́ɔ̀ mì hol masa ndu Mɛlɛka pila pɔla-o baa le! N cua bál co ndu o bollen coo-o, a bɔlɔ ndɔ mamɛnndo, mì n kɔɛnnun.»

Cɛɛŋɔnnda Yeremi lan 4:20

Vana yoomu naa co o ba-o, ndu del o soon yaamɔaa ndɔa nin. Vana Mɛlɛka hɛli kon-ndo pɛɛn, ò naa n co dimio-o aa: ‹N calnin mì n va yoomu vanaa-mangalaa-isɔɔa tɛɛn o vundule ndɔlen bɛngu›.

1Samiɛl 24:7

Mó dimul langbaa ndɔa aa: «Màá Mɛlɛka kanda ya le vana ni bɛndoo dɛnɛ vaa lende tosallo, le masa Mɛlɛka pɔla-o baa holɔɔ! Kani masa Mɛlɛka pila pɔla-o o co ni.»

1Samiɛl 24:11

Nɔm pila tofa vɔ, Mɛlɛka ndóò cii nɔm hau malɔɔ ya o ba o buululan ndan nin. Vannda va ya dimullo le nɔm diyɔɔ, kɛ i cɛl te, mí dimi aa i cɛlnin mì hol vana ni bɛndoo baa le, kani masa Mɛlɛka pɔla-o o co ni.