2Samiɛl 1:10 - BII BILA

¹⁰ Yáà cɔu maa ndóò nɔla lɛ lou yoomu le, mí sɔɔnguu ndu ikɛi, mí siow ndu tɛ̀i. O kon mí cua mɔsil lemasa va ndu o lebol-lo a kelɛi va ndu o ba-e. Nua vɔ í cuu nɔm ɲɛla kalalan.»

2Samiɛl 1:10 Referans Kwoze

Matie 7:2

Kani yamɛi niaa co caanda kilullo-e kilulunnin niaa ni. A ɲɛ niaa co tuuvo nda tuunin niaa ni.

Masaa kialaa n'yamaa 9:54

Fɔ́ɔ́fɔ̀, mí Abimelɛk veelu langbanɔ va volɔɔla ndɔla cɔwlan cuaa-o, mó dimul ndu aa: «Cua mɔɛi nɔmii cɔwve ma siow ya tɛ̀i, haliko vannda dimi aa vanalanɔɔ le dii ya le.» Mí langbanɔ kon cua mɔɛi cɔwve, mó cuku ndu, mí Abimelɛk malnun kɔl.

2Masaa 11:12

O kon mí Yehoyada vana-solia-lasálàá veelu Yoas po masaa, mó vow ndu tɔɔmasele lemasaa, mó yɔngu ndu sɛbɛ kpemaa. Má pɔla ndu, má siinguu ndu masaa, má tiam balan, má va dimio aa: «Màá masaa viow yoomu!»

Cɛɛŋɔnnda Yeremi lan 5:16

Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!

2Samiɛl 12:30

Má sungu mɔsil lemasa va piɔmndo Milkɔm o lebol-lo, má vow David ndu. Lusul mɔsil kon ndóò hiow kilolan beleyaa. A powta báà kàlàlan ndáà toosiaa ndu ni. Má cɔwviaa vɛlɛ ɲɛm celen taw o kobi kon nin, má kɔannun a mun.

1Samiɛl 22:18

Le hee, mí masaa dimul Doɛk Edɔmnɔ aa: «Poo sei, cɔn mà diw vanaa-solia-lasálàá ha!» Doɛk cɛn nin ni, mó diw nda. N'van belaŋɔmaa a vanaa ŋuɛɛnu o dii ɲinkon ni, domala ifalennda solia lasálàlan la va nda kpow lekɔɔ.

Masaa kialaa n'yamaa 1:7

Mí Adoni-Besɛk yonda coocoo aa: «Masaa belaŋɔmmɛw, a nda kili suon bɛndun laban a suon bɛndun labɛngon-nda va kúúon cɔwviaa nɛɛ yáà dia ɲɛdiaa-a ni. O ya tosa-o, ndu kpafii Hala mingul-la nuaa ni.» Má kɔa a ndu Yerusalɛm, lon o kɔ vu ni.

2Samiɛl 1:9

Mó dimul-la aa: ‹Mɛɛ sɔɔnguu nanu mà dii ya, kani hali yoomoo co bɛɛ ya o milin nuaa, kɛ hɔlla co ya bɔɔ hiŋndo.›

2Samiɛl 1:16

Mí David dimi aa: «Nɔm pila cii yaalan, kani a dimi maa nɔm dii masa Mɛlɛka pɔla-o ni. Lelan nɔm pila nuwviaa piɔ́m nɔmndo ni.»