2Piɛr 3:8 - BII BILA

⁸ Kɛ dɛnɛ pilɛ co, o niaa bɛnda le pɔɛɛnɔn too, caaŋaa nia: Mɛlɛka o hɔl, paalen ten pilɛ le co macoaa maa vɔsilan vàá pilɛ, mì vɔsilan vàá pilɛ la va maa paalen ten pilɛ.

2Piɛr 3:8 Referans Kwoze

Condii lisai 90:4

Kani vɔsilan vàá pilɛ la co macoaa nɔm o hɔl maa paale pilɛ, le hiownun nin-nden, te kon te maa ɲumma paale pilɛ.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

1Korɛntea 12:1

Puapilɛa nia, i yeema mì la va o sínà lepɛŋndo nin a valta kɔltan o kɔɔ le.

1Korɛntea 10:1

Puapilɛa nia, i yeema mì la pɔɛɛnun te maa fuɲaa naa mamaa kei o tindilen bɛngu, mí nda kpow taŋ mɛmma ihɛllan.

2Piɛr 3:1

Caaŋaa nia hɛnan ya-a, sɛbɛ ni diinndɔɔ ya co niaa sɛvallo ho ni. O sɛbɛla tiɔnndan ndan nin kpow, i co niaa yiyalanndo haliko mi la nɔ kɔltan o sɔɔn ya co niaa dimullo-on coo.