2Piɛr 3:4 - BII BILA

⁴ a dimulnin niaa aa: «Vɛ̀ɛ̀ ndu le dimi aa o co hunɔɔ le? Mɛɛ ɔ́ɔ̀ niko ndu? Fuɲaa naa vi lɔ́ɔ́ kon, kɛ mɛɛ dɛnndan la co kabi o ceendo cɔwnɔnndo yɛ, lende koni la co vɔ ni.»

2Piɛr 3:4 Referans Kwoze

Yeremi 17:15

Vannda co ya dimullo aa: «Ɔ́ɔ̀ niko kɔngɔliannda Mɛlɛka va lan? Mɛɛ sɔɔn o dimi mun-ndon peelun-ndɔ niko!»

Malasi 2:17

«La co Mɛlɛka saangiaa a sɔɔn niaan, mì la va dimio aa: ‹Vɛ̀ɛ̀ naa n co yɛ ndu saangiaa?› Yéé la co pɛ dimio aa: ‹Vana-vana tosa pɛ dɛnɛ vɔɔndo, a vana vaa lende Mɛlɛka naŋ kɔl ni! Vanaa vaa lende kpeekpei o yeema ni›. La co vɛlɛ dimio aa: ‹Kuɛɛ Hala co kon yaman sandan kiolɔɔ-o co yɛ?›»

Luke 12:45

Kɛ te vana baala kon dimi pɛ aa: ‹Vana ni bɛndoo co yala hunɔɔ le›, o kon mò saan vanaa baalaa tɔ̀a lɔɔ, a piaandua a à laandua, mò luɛi dioo a kolɔɔ,

Vana Kɔlkaloo 8:11

A ve vanaa yɔŋ vɔɔnda keleŋa sanga tuisi coo le, lelan tuula vɔɔnndan la va nda piɔw o kɔltan nin ni.

Matie 24:48

Kɛ te o va pɛ vana baala vɔɔndo, o co dimi aa: ‹Vana ni bɛndoo yalanin hunɔɔ le›.

1Tesalonikea 2:19

Kani niaa naa n tiindan ni, o niaa nin naa n dɔawnun ɲaale ni. Telen Maalii Yeesu hunnin-ndo, niaa vanin tɔɔmasele cɔ̀m maa n nɔla-o ni.

O Kandɔɔ 19:14

Le hee, mí Lɔt fula, mó kɔa o piaandaa cuavaa ndɔa lo, mó dimul nda aa: «La cɔn mì n faŋan nanu, kani Mɛlɛka kɔngɔlan le kobio ho tɛɛmbuuo.» Kɛ mí lefua ndɔa kan ca sɔɛi ken maa sɔɛi lamamɔɔ.

Marke 13:19

Kani palɛi ken vanin bɔɔ palɛi sanga bɛndu. Kabi ceen Hala cɔw-vo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Vana Kɔlkaloo 1:9

Ɲɛ va paandu-o vanin vɛlɛ, dɛnɛ tosan nin paandu-o tosannin vɛlɛ. Ɲɛ-ɲɛ co ó sɛnɛi o paalen bɛngu le.

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Esekiɛl 11:3

Nuaa nda co dimio ni aa: ‹N co keleŋa lacɛi tangul te. Kobio ho, kpɛɛnɛi o co ni, naa n co lenin nda vision naa n co ni.›

Marke 10:6

Kɛ o ceendo cɔwnɔn-ndo, vanapɔnɔɔ nda vanalanɔɔ Hala toosiaa ni.

Matie 24:28

Nɛɛ ɲɛ vílɛ́iyo co-a, lon duàá cuungian ni.»

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Dɛnnda kiilaa 7:60

O kon kɔɔli, mó del vula baŋaa, mó yonda coocoo aa: «Maalii, mal nda haki le haki ndaa ho!» Mɛɛ o cii kon dimi, mó malnun kɔl.

2Piɛr 3:12

La va o cumndo nin, mì la tosa mì paale Hala le len le keleŋa tiiya, paale halataalaa tambunin o yinnden nin, mì ɲɛm co lon-ndon tenga o yinnde biyaalen nin-nden.