2Piɛr 3:2 - BII BILA

² La loonun-ndɔ sɔɔn vanaa-tɛɛngaa-diom Hala-a diandaa dimi sindɛ-on a tɔŋ kiilaa niaa, tɔŋ Mɛlɛka-o a tɔŋ Vana Ciindiaa.

2Piɛr 3:2 Referans Kwoze

Yude 1:17

Kɛ niaa caaŋaa nia hɛnan ya-a, la loonun a sɔɔn kiilaa Yeesu Krista-a dimi-on.

2Piɛr 2:21

Ɲɛ ndóò va fisa le nda-o co ni, hali mì ndáà sina nɛi dɛnɛ sandaa le, a ndu sinaa tɛ́ɛ́ ma muungu ma mulul tɔŋ diandaa ndóò tiiyalan nda-o kɔɔ.

Luke 1:70

Maa mɛɛ ndóò dimi sɔɛi ken a sondola vanaa-tɛɛngaa-diom Hala-a diandaa ndɔa kabi paandu yɛ maa:

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Efɛsea 2:20

La siŋnun maa ɲɛm tangulaa cɛi. Cɛi kon yɛ, kiilaa a vanaa-tɛɛngaa-diom Hala-a o kilan coo ni, Yeesu Krista pila co pow lebollo ni.

Dɛnnda kiilaa 28:23

O kon mí simlacia Yuifia hɛli paale celen le bɔɔŋian-ndo. Paale len tiiyaa, mí nda kpow a muungu Pol tofa nɛɛ o va o yiya-a. Cɔn idiiyo háá icɔllo, Pol va nda sɔɔn tɛɛsiallo a Masale Hala len o kɔɔ. O va nda kɔltan pilanndo a tɔŋ Moise-o a á sɔɔn vanaa-tɛɛngaa-diom Hala-a le nda sɔɛi Yeesu-e tiiyallo.

Dɛnnda kiilaa 10:43

Vanaa-tɛɛngaa-diom Hala-a kpow a tɛnda seilen a ndu o kɔɔ maa vana-vana laalan ndu pɛ, hakila vana kon la malnun haki o diola ndɔlan.»

Dɛnnda kiilaa 3:21

Sunsun, mɛɛ mò lo vɔ o halataala háá mì paale Hala minginin dɛnndan kpow o polalen nden le tiiya, maa mɛɛ o dimi lɔ́ɔ́ kon sɔɛi ken a sondola vanaa-tɛɛngaa-diom Hala-a diandaa yɛ.

Dɛnnda kiilaa 3:18

Kɛ ɲɛ Hala ndóò dimi paandu a sondola vanaa-tɛɛngaa-diom Mɛlɛka-a kpow-vo peelun lende ni, maa mɛɛ mì Krista ndóò sanga.

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.

1Nsaŋ 4:6

Kɛ naa, Hala nɔ naa ni. Nilan vana sínà Hala-o yaŋ naa ni. Vana co le Hala loo, ndu yeŋ naa lani le. O kon naa n sínà hiyan co Kɔl toɲaa a kɔl luei vana o pɔwlan nin-ndo ni.

2Piɛr 3:15

La sìna maa biuvɔn bɛndu Mɛlɛka-o tosa ni mí la sɔla cindaa. Sɔɛi pilɛi ken koni Pol puapilɛ naa bɛɛ sɛval niaa maa mɛɛ kɔlkalu kennun ndu-o yɔŋnun yɛ ni.

Kalatea 6:2

La maalian o sangalan nin vellaa-velle, tɔŋ Krista-o peeloo co kon ni.

Efɛsea 3:5

Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

1Timote 6:14

mà mandan a sila n sɔla hoo-o, o va a isɔw le, te kon te mì vana dimi káà nɔm vɔɔndo le, háá paale Maalii naa Yeesu Krista cɔmnunnin-nden.

2Piɛr 3:16

Lende o soo o sɛbɛla o sɛva le sɔɛi he cɔmndo nin-ndan kpow ni. Sɔɔn celen kendu bila biyɔɔ taw-von co lenin, n vanaa sina, mí laalan ndaa simul te-a co kɔlɔlan tundɔɔ, maa mɛɛ nda co tosaa a fondala celen o Sɛbɛ Hala-o nin yɛ. Nda pila co tɛɛmbɔnndo lende ni.