2Piɛr 3:10 - BII BILA

¹⁰ Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

2Piɛr 3:10 Referans Kwoze

Dɛnnda cɔɔmuanndan 21:1

Mí ca halataala sɛnɛiyo a lɛŋnde sɛnɛilen, kani halataala tasoo a lɛŋnde taselen le ve lɛ le, mɛmma ihɛllan bɛɛ ma ve lɛ le.

Matie 24:35

Halataalaa a lɛŋnden le hiawnin, kɛ sɔɔn nun hiwnin te.»

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Dɛnnda cɔɔmuanndan 16:15

… Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

1Tesalonikea 5:2

kani niaa pila sìna ɲɛkɛndɛi maa paale Maalii hunin-nden le vanin ko maa paale vuiyo hinul vana icɔl-ten.

Marke 13:31

Halataalaa a lɛŋnden le hiawnin, kɛ sɔɔn nun hiwnin te.»

2Piɛr 3:12

La va o cumndo nin, mì la tosa mì paale Hala le len le keleŋa tiiya, paale halataalaa tambunin o yinnden nin, mì ɲɛm co lon-ndon tenga o yinnde biyaalen nin-nden.

Esai 34:4

Ɲɛm cɔvun co o halataala-on kpow n puusiannin, halataalaa simbulunnin maa vala, ɲɛm cɔvun co lenin-ndon n delinin mɛɛ pei n'rɛsɛnnde deli nuaa yɛ, mɛɛ pei voosoei deli nuaa yɛ.

Dɛnnda cɔɔmuanndan 3:3

Lelan loonun a pɛɛkula n sɔla lan a mɛɛ n tuei lan yɛ, bii lan mà mangalan. Taa mɛɛndian yɛ le, i hinulnin nɔm maa vui, mì voolu nɔm a telen n venin kɔl too.

Luke 12:39

La sina hee pɛɛngu: te vana cɛiyo ndóò sina pɛ telen vuiyo co hunɔɔ ndu ciimbuu-o, ndóò melnin vui kon cɛi ndɔɔ piɔlɔɔ le.

Condii lisai 102:26

Nɔm cɔw lɔ́ɔ́ kon lɛŋnden ni, mí bala nɔmndan la cɔaw vɛlɛ halataala.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Nahum 1:5

Mɛlɛka tosa ni mì pembun bɛndon ɲiiya, mì pembun pɔmbɔn piɔsi. Ɲiiyaa lɛŋnden le ɲiiya ndu o hɔl ni, lɛŋnden a vanaa co le coo-a kpow.

Amɔs 9:5

Maalii, Mɛlɛka-Nɔ-Kpaayaa-Kpow-vo co lɛŋnden pilanndo mi le va tengaa mɛɛyɛɛ. Vanaa co icali o lɛŋnde kalalen nin-nda kpow, a co o dɛnɛ palaa nin. Lɛŋnden kpow le co helɔɔ cɔfuu maa mɛnndan Nil o peelo. Le co vɛlɛ tolɔɔ maa peo Nil, o co Esipte-o.

1Korɛntea 5:5

O bɛnda mì la mal vana vaa lende Setana o ba, haliko mi dialun ndɔn tambu, mì kɔl ndɔɔ sɔla cindaa o paale Maalii Yeesu len.

Misee 1:4

Pembon co kɔlan a puusianndo ndu o labɛngunin, bóltan la co kɔlan a tɛɛndiaa ndu laci mɛɛ dukpaa tenga o yinndekɔɔ nuaa yɛ a mɛɛ mɛnndan ma toal nɛɛ feke-fekea nuaa yɛ.

Esai 24:19

Lɛŋnden le sɛɛsiaa, le tɛɛndiaa, lɛŋnden le hiilun yongban-yongban.

Condii lisai 97:5

Pembon co tengaa Mɛlɛka o hɔl maa dukpa, Mɛlɛka nɔ lɛŋnden kpow o ba-o laci.

Amɔs 9:13

Mɛlɛka dimi aa: «La tuei-yɔ, palɛi pum co hunɔɔ tiiya, vana váà vanin vana koavaa kɔɔli kpɛɛlun. Vana kiandaa n'rɛsɛnndo vanin vana vanin saŋɔɔ-o ikɛi kpɛɛlun. Mɔiyan ma vanin fulaa o pembun bɛndon coo taw, mì buubuuon kpow n va man solio.

Yɔɛl 2:1

La hɔŋ buloo o kobio Siɔn nin. La hɔŋ ndu mì ɲɔɔ vɔnga o pembii nii diandɛi coo. Niaa co icali o lɛŋnden nin-nda kpow, la ɲiiya a siòònde. Kani paale Mɛlɛka len le co le tiiyaa, o lo cobe mì le tiiya.

Yɔɛl 1:15

«Kpòkóó dɛnɛ! Má cè paale bɛndu dɛ! Paale Mɛlɛka len le co le tiiyaa. Maa mɛɛ Vana-Kpaayaa-Kpow tuisi kpundɛ tɛɛmbua bɛndoo vannda coo nuaa yɛ, lende paale len le hunnin ni.

Esai 2:12

Kani Mɛlɛka-Nɔ-Kpaayaa-Kpow-vo nɔ paalen le vanaa kuundiannda, vanaa heelannda a le vanaa co cuannɔnndo-a cɔlɔbaa haliko ma tuisin tootoo,

Rɔmnda 8:20

Kani ɲɛm Hala cɔw-von luɛi ɲɛ fondoo o ba bɛngu. O co hɛnan ɲɛm mun pila le luei mun te, kɛ Hala cɛl le ken tosanndo ni. Kɛ a kon kpow, tiindanndo co le ɲɛm mun.

Condii lisai 46:6

Hala co o kobi kon kɔllo, o delnin te, idii púŋ, o pena ndu mala.

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

1Korɛntea 1:8

Mɛlɛka hiawnin laci a niaa kpaayaa keo háá o mɛɛlulan, haliko mi la va vanaa yaalan te-a paale Maalii naa Yeesu hunnin-nden te.

1Tesalonikea 5:4

Kɛ puapilɛa naa, niaa niaa, la co o maɲum nin te, paale len le voolunin niaa maa mɛɛ vuiyo voolu vana nuaa yɛ le.

2Piɛr 3:11

Le mɛɛ dɛnnda lan kpow la hun tosannin lende yɛ, mɛɛ la sina niko mɛɛ niaa bɛnda le tosaa yɛ! Mɛɛ mì kela niaa va o diandaa, mì la yiinun a Hala.

Dɛnnda cɔɔmuanndan 6:14

Mí halataalaa hiaw a simbulɔnndo maa mɛɛ vana simbul sɛbɔɔ nuaa yɛ, mí pembon kpow a tiŋndan la faŋan o fondala ndalan.