2Piɛr 2:8 - BII BILA

⁸ Kani vana sandaa va nda kon tɛɛn-ndo va cɔu mó va ɲɛ-ɲɛ nda va tosaa lepalaa-lepala-o tueyɔɔ, mí mɔnɛi va ndu biyɔɔ o kɔl le dɛnnda vɔɔnnda nda va lan coo lan.

2Piɛr 2:8 Referans Kwoze

Condii lisai 119:158

I co vanaa bii isɔɔ le-a tofaa a nɛyɔnndo, kani a co ɲɛ n dimio biyɔɔ le.

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Condii lisai 119:136

Mɛmɛan ma co ya fulaa o lahɔl taw, kani vannda co tɔŋ nɔmndo biyɔɔ le.

Talelan 25:26

Vana sandaa vana kɔlvesɛiyo hiŋ hɔlla-o co ko maa soon mandaa mamɛn, te kon te soon kólaa linda mɛmma ndɔan ma co malindɛiyan-ndo.

Nsaki 5:16

Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw.

1Timote 1:9

N sínà vɛlɛ maa o co le vanaa co dɛnɛ sandaa tosaa-a le tɔŋndo co le, kɛ le vanaa yɔŋ vɔɔnda a vanaa nila kalua, le vanaa sínà Hala le-a a le vanaa lahakia, le vanaa ke Hala a ɲɛm dendu Hala o hɔl-lon lebɛɛ le-a, le vanaa diw fuɲaa ndaa, te kon te kalaa nda-a, le vanaa diuvaa n'vannda,

Talelan 28:12

Vanaa sandaa nɔla pɛ dɛnɛ, dɛnɛ lebɛɛ bɛndoo pila co kon ni. Kɛ masalen le del pɛ vanaa kɔlvesɛiya o ba, vana-vana sɔndan.

Condii lisai 119:139

Ɲɔɔ co ya palaa o kɔl taw, kani yaamɔaa nia co tɔŋnda nɔmndan pɔɛɛnɔnndo.

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

Hebreea 11:4

Mí Abɛl solul Hala sálà hiow naŋɔɔ a laalanndo, mó hiaw sálà Kaɛn-ndo naŋɔɔ. Le laalan ndɔɔ, mí Hala ca ndu vana sandaa, mó hini kɔl a ɲɛm o solul ndu sálàá-on. Abɛl co bɛɛ o vílɛ́iyo, kɛ nduyɛ le laalan ndɔɔ, o co vɔ sɔɛi.