2Piɛr 2:4 - BII BILA

⁴ Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

2Piɛr 2:4 Referans Kwoze

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Rɔmnda 8:32

Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?

Esai 14:12

Nɔm ɲɛ diandaa bɛndoo, nɔm ɲɛ-tengaa idiiyo, vɛɛ nɛ n looku yɛ fula o halataala ma del? Nɔm va vanaa-mangalaa-isɔɔa nɔlaa-o, a del má toal lɛŋ dí!

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Esekiɛl 7:4

I tofanin niaa mì ɲíí bii ya le, i keinin niaa baa coo le few! Kani i siilunin niaa dɛnnda niaa co kelaa coo lan. Nduyɛ, dɛnnda niaala nɔɔlɛilan la fulanin ceen niaa pila o hɔl kpendekele. O kon niaa sinanin ni maa ya co Mɛlɛka ni.»

Luke 10:18

Mí Yeesu dimul nda aa: «I ce Setana delɔɔ fulaa o halataala maa piɔɔ-volia.

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.

SƐBƐ YƆB-O 4:18

Te Hala laalan a vanaa ndɔa baalaa le, te o co pɛ dɛnnda tambɛilan saalɔnndo o mɛlɛkaa ndɔa tɛɛn,

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

2Piɛr 2:11

Nduyɛ mɛlɛkaa kan a hiow nda yoomuan a kpaayaa, kɛ a co diomnde vɔɔn dimi a nda Maalii o hɔl te.

2Piɛr 2:5

O mɛi ceen paandoo lon lende le, kɛ mó cuu mɛmma bɛnduan o ceen vanaa ndáà síná Hala le-a coo, fɔ Noe va diom Hala-o yondaa-o kínɛí o kanda ni a vanaa celen nda ŋɔmmɛw.

Luke 8:31

Mí ɲinaa kan a tɛɛlun Yeesu yɔŋii ndóò yɔɔ nda o soon nɔ lamɛɛlu loo nin.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Marke 5:7

mó deŋi kpélén aa: «Le yɛɛ n co yɛ ya kɔɔli, nɔm Yeesu po Hala-Hiow-Ɲɔɔn-Kpow-vo? I co nɔm ɲɔɔlu, tosa le Hala, luei ya imɔnɔ le.»

Matie 8:29

Má can yoondiaa aa: «Yɛɛ n yeema yɛ le naa yɔŋndo, nɔm po Hala-o? Vɛ̀ɛ̀ le naa saangiaa n hin ni lɔ́ɔ́ pá mì telenndo tiiya?»

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Esekiɛl 7:9

I tofanin niaa mì ɲíí bii ya le. I keinin niaa baa coo le few! I siiluunin niaa volɔɔlan mɛɛ dɛnnda niaalan la co yɛ, dɛnnda niaala nɔɔlɛilan kpede la fulanin ceen niaa o hɔl kpendekele. O kon niaa sinanin ni maa ya co Mɛlɛka soaŋ vana-o ni.

SƐBƐ YƆB-O 21:30

O paale dɛnɛ palaalen, vana dɛnɛ vɔɔndo sɔla dɛnɛ palaa le. O paale kɔltuwlen coo, ɲɛ-ɲɛ yɔŋnun ndu le.

Tɔŋ miingua 29:20

Mɛlɛka faŋanin ndu polama Israɛlla kpow tɛɛn le dɛnɛ palaa toalnin ndu coo-o, maa mɛɛ dangala co o kpema sɛvan o sɛbɛ tɔŋndo ho nin-ndo la co yɛ.»

Rɔmnda 11:21

kani te Hala mɛi lɛvun fula o yɔmndo kpeekpei-yon ndon te, mɛɛ nɔm bɛɛ o mɛinin nɔm lon te.

Condii lisai 78:50

Mó tuisi kɔl ndɔ tuwvo nda coo mɛɛ o hɛnan yɛ. O kpakpala Esiptea kan a piɔ́mndo le, kɛ mó tuisi nàà halimaa nda coo.