2Piɛr 2:10 - BII BILA

¹⁰ taama-taama, vanaa co yeemɛi dɛnɛ nɔɔlɛiye kiltan kɔɔli, a nɔ lebɛɛ a Mɛlɛka le-a. A hiwba nda pila laalanndo, a kendu sondolan, a nɔ isiòòn le mɛlɛkaa co o halataala-a yeowlan te.

2Piɛr 2:10 Referans Kwoze

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

Yude 1:10

Kɛ nda co lende le, a ɲɛ nda sínà loo o kɔɔ nda soaa diomnda vɔɔnndan ni, sɔɔn nda sínà yɛ pɛɛngu-on, mɛɛ visia yondoa sínà sɔɛi pɛɛngu yɛ koni nda sínà mun ni. Nduyɛ sɔɔn nda sínà mun-ndon n co nda tɛɛmbuuo ni.

Yude 1:18

A va dimio aa: «O telenndo ho mɛɛlulan, vanaa mam vannda-a cannin balɔɔ a yeemɛi ndɛi vɔɔnde.»

Fulaa 22:28

La tamala le ya Hala ɲɛm tasen niaa kow o ciɛɔn niaan nin-ndon a mɔima niaama tasean yɔngoo le. La bɛnda mì la yɔngu ya poaa niaa tasea.

2Piɛr 3:3

Ɲɛ tasoo, la sínà maa o palɛi mɛɛlɛi, vanaa mam vannda-a kuinin taw, mà mam niaa. A vanin kelaa o yeemɛi ndɛi nda pila-e coo,

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

Efɛsea 5:5

Kani mɛɛ mì la sínà hee ɲɛkɛndɛi: vana-vana co vana suundaa, vana nɔɔla Mɛlɛka o hɔl-lo, te kon te vana nɔ yeemɛi vɔɔnde-o (kani yeemɛi vɔɔnde nɔu, piɔmnda sooloo co kon ni), nda sɔlanin Masale Krista len a Masale Hala len maa kɛ́ le.

Luke 19:14

Kɛ vanaa va o lɛŋnde ndɔlen nin-nda ndáà yeema ndu le. Má soli vannda, má kɔa ndu kɔɔli, má kɔ dimi aa: ‹N yeema mì langbanɔɔ ho tosa masalen naa coo le.›

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

Tite 1:7

Nduyɛ, le mɛɛ simlacinɔ vanaa laalannda bɛnda mò nɔ hɔlten baala Hala-o coo yɛ, o bɛnda mò va vana yaalan too: o va vana yonga le, o va vana nɛi kɔl itambu loo le. O va vana yɔngun mɔiyan-ndo le, o va vana lasɔngɔ le, o va vana hɔlte ɲɛ-sɔlaa le.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

1Korɛntea 6:9

Niaa pila sínà maa vanaa sendu le-a lueinin o Masale Hala len nin te. La huinun te: vanaa-vanaa co keiyo suundaa, vanaa soolaa n'piɔmnda, vanaa kei suundaa a langbaa felengia-a, vanpiaandua tosa kpelemɔsaa a caaŋaa ndaa vanpiaandua-a,

Dɛnnda kiilaa 23:5

Mí Pol muli aa: «Puapilɛa nia, i ve sina le maa bolle vanaa-solia-lasálàá o co ni. Kani fúú le, Sɛbɛ Hala-o dimi aa: ‹Dimi sɔɛi vɔɔnde a simlacinɔ vanaa nɔmnda o kɔɔ le.›»

Vana Kɔlkaloo 10:20

Hali nɔm o kɔl, congu masaa le, dɔaw vana ɲɛ-sɔlaa danga o nɔm ndo cɛinin te, yɔŋii yow co kelaa coocoo-o kɔ hivul ndu sɔɔn mun, mí ɲɛ nɔ kumbanndan-ndo kɔ tɛɛngul ndu sɔɔn n dimi-on.»

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

2Korɛntea 10:3

I co toɲa maa vanndacieea naa n co ni, kɛ n co cɔlɔba o ivanaciea nin te.

Rɔmnda 8:1

Yaala co lɛ le vanaa co o Yeesu Krista nin-nda le.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

Condii lisai 12:4

Màá Mɛlɛka kili cɔcɔn sondo yeelɛin mun, a diɛɛmui soaa ken yongaa-e!

1Masaa 12:16

Mɛɛ Israɛlla kpow a ce maa masaa ve nda lani yaŋɔɔ le, má mulul ndu aa: «Yɛɛ co yɛ naa tɛɛn naa David-aa? N nɔ kɛ́ latulu naa po Yisai-yo-aa le! Sei! Naa Israɛlla, n muungun o la naa lo cɛinin. Nɔm po David-o ho, a ce cɛi nɔmndo, koma tosa mɛɛ n yeema yɛ.» O kon, mí Israɛlla muungun o la nda lo.

2Samiɛl 20:1

Vana poopoo pum va lon diolan Seba, po Bikri fula o polale Bɛnyamɛn-nden nin-ndo o va ni. Mó hɔŋ buloo, mó yonda aa: «Israɛlla, n nɔ tɔnɔ a David le, n sɔlanin kɛ́ po Yisai-yo ho o ba le. Lelan n faŋan ndu kɔɔli, mì vana-vana muungun o ndu lo.»

1Samiɛl 10:27

Kɛ diɔmnda pum va Saul pɛɛsaa, má va dimio aa: «Bɔ! Vɛɛ nɛ hoo nɔla yɛnin naa baŋa?» A ke ndu ɲɛ-ɲɛ le. Kɛ Saul ve nda sondo vowlul te.

Kundalan 15:30

Kɛ te vanndo tosa pɛ dɛnɛ vɔɔndo a kɔlvesɛiyo, o va cua pilaciee o va mial, mɛɛ ya Mɛlɛka o tɛɛndan ni. Lelan, a bɛnda mà faŋa ndu Israɛlla tɛɛn few.

O Kandɔɔ 49:6

Màá i sɔɔnguu nda bɛɛ ikɛi o dúmbú nda yii-o coo le! Màá i yiyan bɛɛ a cuungian ndaa o kɔɔ le! Kani a diw vanndacieea a kɔl nda tuwvo, má kili navaa tovaa tɔndikɔɔlion a kɔl nda fulaa.

Efɛsea 4:19

A nɔ lasiɛmbu le, a luɛi yeeman vɔɔŋun co nda o lakɔl-lon tosaa, a co pɛngi dɛnnda nɔɔlɛila súú-súù ka tosaa le, yeemɛi co nda le hiovɔɔ laci o dɛnnda lan nin tuŋ.

2Timote 3:2

Kani vanndacieea kaolannin nda pila, mà kaola volion. A vanin vanaa heelannda, a vanaa yongaa. A vanin sɔɔn tanan dimio a Hala o kɔɔ. A venin sɔɔn vanaa velu nda-a biyɔɔ le, a venin vanaa sinaa ikɛndɛ le, a kenin ɲɛm diandan Hala-on lebɛɛ le.

Luke 11:25

Te o muungu pɛ mò kɔ komal cɛi kalaa o basaa, mò va o toosiaa ɲɛkɛndɛi,