2Piɛr 1:7 - BII BILA

⁷ mì la handu hɛɛnianndo o ipuapilɛyɛi nin o ɲííye coo, mì la handu kaolaa o hɛɛnianndo o ipuapilɛyɛi nin coo.

2Piɛr 1:7 Referans Kwoze

Hebreea 13:1

La hiow laci a kaolianndo vellaa-velle maa n'puapilɛ.

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

1Tesalonikea 3:12

Màá Mɛlɛka cɔɔlu niaa kaolaa tɛɛn vellaa-velle, mò cɔɔlu vɛlɛ ndu niaa a vanaa celen tɛɛn, mò va maa o naa n nɔ le niaa-o!

Kalatea 6:10

Lelan, telen naa n nɔ vɔ fondaa-o, n tosalan vannda kpow dɛnɛ kɛndɔɔ, kɛ taama-taama puapilɛa naa vanaa laalannda.

1Nsaŋ 4:21

Ndu dimul lɛ naa sɔɛi he ni aa: vana kaola pɛ Hala, ndu kaola vɛlɛ puapilɛ ndɔɔ.

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

1Nsaŋ 3:14

N sínà maa n fula o piɔ́mndo nin, mì n co yoomu, kani n kaola puapilɛa naa. Vana nɔ kaolaa le, mɛɛ o piɔ́mndo nin ndu co ni.

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

Kolɔsea 3:14

Kɛ hiovɔɔ o kon kpow coo, la vownun kaolaa maa volɔɔla cuɛinan, ndu nɔla niaa yiiyo latulu le vaa ɲɔɔ ndu pilɛ kpé ni.

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.

1Tesalonikea 5:15

La kindín, vana-vana mìngì dɛnɛ vɔɔndo a dɛnɛ vɔɔndo le, kɛ la vá dɛnɛ kɛndɔɔ tosaa niaa pilaa tɛɛn lɔ́ɔ́-lɔ́ɔ̀, mì la vá ndu vɛlɛ tosaa a vanaa celen.