2Piɛr 1:6 - BII BILA

⁶ mì la tiw niaa pila ba handɔɔ o dɛnɛ niaa sina-o coo, mì la va vanaa biwnannda handɔɔ o tiw niaa tiw niaa pila ba-o coo, mì la handu ɲííye o biuvɔn niaa coo,

2Piɛr 1:6 Referans Kwoze

2Piɛr 1:3

Kpaaya ndɔ ihalayaa yɔngu naa ɲɛ-ɲɛ naa n nɔ makoo le vaa a sandaa, mó cɔm naa vana veelu naa o biilu ndɔɔ a o dɛnnda ndɔla kaamaala o tosa lan nin-ndo.

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

Luke 21:19

Lelan la ló biuvɔnndo, mì la sɔla cindaa.»

Hebreea 12:1

Seiya balu naa sɛ́lɔ́ɔ́, lelan n viòwnún ɲɛ co naa kuunaa kɔlan-ndo a haki simbulun naa-o, mì n ɲaanun háá o kilta naalan mɛɛlulan.

1Korɛntea 9:25

Vannda va pɛ pisultan pɛɛkoo, a hendulun tɔŋnda kalalan. Le bɛɛle viw le len sɔlaa nda tosa kon ni. Kɛ naa naa, n co kon tosaa le bɛɛle co le lɔ́ɔ́-lɔ́ɔ̀ len sɔlaa.

Tite 2:2

Pɛɛku bɛndua yuuvɛiya mà va vanaa tosa dɛnndan tùúlen-nda, vanaa lebɛɛa, vanaa bii kɔltan o dɛnndan nin-nda a vanaa nɔ laalan kpeekpeiyo o kaolaa a o biuvɔnndo nin-nda.

Kalatea 5:23

vili kɛndɔɔ a kɔllo biyɔɔ ni. Tɔŋndo co dɛnnda vaa lende cɔlɔbaa le.

Dɛnnda cɔɔmuanndan 14:12

Nuaa biuvɔn vanaa diandaa co le Hala-a cɔ̀mnun ni, a co tɔŋnda ndɔlan biyɔɔ mà laalan Yeesu-a pɛɛn!

Dɛnnda cɔɔmuanndan 2:2

‹I sínà dɛnnda nɔmndan, baala nɔmndo a biuvɔn nɔmndo. I sínà maa a cɛl vanaa vɔɔnda le. A soli vanaa co nda pila veelɔnndo aa kilaa kɛ nduyɛ a co n'kiila le kɔlɔ, mà ca maa vanaa lacòòvaa nda co ni.

Tite 1:8

Kɛ mò va vana caa mialla biyɔɔ-o, vana yeema dɛnɛ kɛndɔɔ tosaa-o. Mɛɛ mò va vɛlɛ vana kɔlkaloo, vana sandaa, vana dendu Hala o hɔl-lo a vana tiwba kɔl ndɔɔ biyɔɔ-o.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

Kolɔsea 1:11

N co ndu ɲunaa o nɛi oo nɛi coo le niaa yoomuan lueiyo a kpaaya ndɔ biilaa, o kon mì la va vanaa biuvannda o dɛnndan kpow nin.

2Korɛntea 6:4

Kɛ o dɛnndan nin kpow, n co vannda cɔmndo maa vanaa baalaa Hala-a lekɛ́ndɛi naa n co ni: n co sangalan biwnɔnndo taw, sɔɔn imɔnɔn a sɔɔn yɔngu vana buulannda bɛndulan-ndon.

Rɔmnda 8:25

Kɛ te n kɛsi pɛ kɔllo ɲɛ naa n co cɔ loo coo, n cum ndu a biuvɔnndo.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Dɛnnda kiilaa 24:25

Kɛ telen Pol va sɔɛi a sandei o kɔɔ-o, a mɛɛ vana nɔla kɔl nɔmndo yɛ, mó va vɛlɛ sɔɛi a yamɛi co hunɔɔ kiolɔn-nde o kɔɔ-o, mí siòònde bii Felisi, mó dimul ndu aa: «O va pɔɔ nuaa! A tiwba mà kɔɛnnun pɔɔ. I koma sɔla pɛ fondaa, i co nɔm vɛlɛ veelu.»

Luke 8:15

Yɛi del o lɛŋnde kɛndɛlen-ndo, ndu co vanaa tuɛi sɔɛi Hala-e, má bii ndi a kɔlkɛndɔɔ a á kɔlta ndalan kpow-va ni, má lo lecoo háá má koam komɔɔ kɛndɔɔ.»

Condii lisai 37:7

Biwnun ma cum Mɛlɛka o meiyo nin. Tambu kɔllo le vanaa dɛnndan la co bɛndaa o ba-a le, tuulu kɔllo a vanaa co dɛnndan tosaa a kɔlkalu vɔɔndo-a le.

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

2Piɛr 3:11

Le mɛɛ dɛnnda lan kpow la hun tosannin lende yɛ, mɛɛ la sina niko mɛɛ niaa bɛnda le tosaa yɛ! Mɛɛ mì kela niaa va o diandaa, mì la yiinun a Hala.

Hebreea 6:15

Mí Abraham biwnun, mó cum, o kon mó sɔla ɲɛ Hala ndóò dimul ndu le ndu yɔngoo-o.

Hebreea 6:12

La vá vanaa dialun vílɛ́i le, kɛ la vá velan vanaa laalaŋaa kindin má lo lecoo-a, a sɔlá ɲɛm Hala yii kpemaa-on kɛ́ɔ-va pɛɛn.

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

2Timote 3:5

A vanin Hala vow a lahɔl, kɛ mà kɛɛ kpaaya Mɛlɛka kpeekpeiyo. Faŋan vanaa vaa lende kɔɔli.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

1Timote 6:6

Nduyɛ i co toɲa maa Hala laalanndo, bolofaa bɛndoo co kon le vanacieo ni, te n hini pɛ kɔl a o naa n nɔ o ba-o.

1Timote 6:3

te vanndo pɛɛku pɛ vannda pɛɛku celen, mò co ɲɛ pilɛ a sɔɔn diandan Maalii naa Yeesu Krista-on te, mò ve vɛlɛ ɲɛ pilɛ a kpɛɛku naa n nɔ a laalanndo o kɔɔ-o le,

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

1Timote 2:10

kɛ a tosa dɛnnda kɛndɛlan mɛɛ o bɛnda le vanlaandua tuisìn tootoo-a yɛ.

1Timote 2:2

La piɛi Hala le masaa a le vanaa masalen le co o ba-a kpow, haliko mi n va nila ɲulu, mì n va vɛlɛ o kɔlɲuloo nin, mì n ke Hala bɛɛlen, mì n yiinun a ndu ɲɛkɛndɛi.

2Tesalonikea 3:5

Màá Mɛlɛka cɛl mì la handu kɔltan o kaola Hala-o a o biwnɔn Krista-o coo!

2Tesalonikea 1:4

Lelan naa n co lisanndo a niaa o lasondo o kundala vanaa laalannda tɛɛn ni, kani la co kindinndo o laalanndo nin, o yɛle tolaalen nin a o tɔɔndannda niaa co sɔlaa lan nin.

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

O Kandɔɔ 5:24

Mɛɛ o vili ceen ndɔɔ o diom pilɔɔ nin nda Hala yɛ, mó lo vannda o hɔl, kani mí Hala heelun ndu ikɛi.