2Piɛr 1:5 - BII BILA

⁵ Le kon yɛ, la kindikindin mì la handu kela kɛndɔɔ o laalan niaa coo, mì la handu dɛnɛ sinaa o kela niaa kɛndɔɔ coo,

2Piɛr 1:5 Referans Kwoze

Filipea 4:8

Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

Talelan 4:23

Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.

2Piɛr 1:10

Lelan puapilɛa nia, la cɔɔlu yoomuan luei o veelu Hala veelu niaa-o a o hɛli o hɛli niaa-o nin, la va pɛ tosaa lende, la delnin lɔ́ɔ́-lɔ́ɔ̀ le.

Hebreea 6:11

Kɛ nduyɛ, o naa n yeema-o co ho ni, mì vana-vana o niaa tɛɛn lo lecoo háá o mɛɛlulan. O kon mí ɲɛ niaa kɛsi kɔllo coo-o tosan.

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

2Piɛr 3:14

Lelan caaŋaa nia, o cum kon nin, la kindikindin mo komal niaa o bɛndaa nin a ndu, o va a sɔŋ te, o va a isɔw le.

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Efɛsea 5:17

Lelan, la va n'diɔm te, la sínà ɲɛ co hɛnan Mɛlɛka-o o.

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Filipea 2:12

Lelan, caaŋaa nia ya kaola taw-va, maa mɛɛ niaa co lɔ́ɔ́-lɔ́ɔ̀ vanaa biyaa isɔɔ-a o dɛnɛ Hala-o nin yɛ, la hiow laci a tosaa lende telen ya co niaa ikɛi-yo, kɛ mì la hiow bɛɛ sɔɛi ndɔɛi biyɔɔ telen ya co niaa tɛɛn too.

Condii lisai 119:4

Nɔm Mɛlɛka, a cii nɛilan cɔm, la naa n bɛnda mì n kela coo lan.

Kolɔsea 2:3

O ndu nin kɔlkaloo a dɛnɛ sinaa kpow vennun ni.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Luke 24:21

Naa naa, n nɔ kɔlkɛsiaa maa ndu óò baŋanin Israɛlla ni. Handɔɔ o kon coo, kabi dɛnnda lan la hiow, paale yàándɔlen naa n co hau nuaa ni.

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

1Piɛr 3:7

Niaa piaandua bɛɛ, o calii niɛi nin niaa laandua niaa, la sínà maa vanaa yenge-yengea vanlaandua co ni. La ke nda bɛɛlen, kani niaa ndaa loonin kɛndɛi yoomoo ni, haliko ɲɛ-ɲɛ tosa mì piɛile niaalen le haw le.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Luke 16:26

Handɔɔ o kon coo, ból yingilɛi nɔ lamɛɛlu loo co naa tɛɛn naa niaa, vana yeema bɛɛ le cɔnɔnndo nanu le kɔlan nɛɛ niaa co-a, vana tiwba le, vana tiw vɛlɛ ba ndu taŋɔɔ le hunɔɔ nɛɛ naa n co nanu-a le.›

Sakari 6:15

Vanaa co levil-la hunnin mà sɔɔnguu le baalaa tosaa, le Cɛi-Hala-o mingio tangullo. O kon, la sinanin maa Mɛlɛka-Nɔ-Kpaayaa-Kpow-vo vem ya o niaa lo ni. Te la yaŋ pɛ nilan o diom Mɛlɛka Hala niaa, mì la kela lecoo, o tosannin lende.»

2Piɛr 1:11

O kon la sɔlanin dio le luɛyɔɔ o masale fɛɛn-fɛɛnnde Maalii naa a vana naa ciindiaa Yeesu Krista len nin.

Yosue 7:3

Ndáà muungoo Yosue o ibuŋ, má dimul ndu aa: «Vannda kpow héélù le Ai cɔlɔbaa le. N'van vàála tiɔn, te kon te vàála yaa bɛɛ a tìw. Kani vanaa co lon-nda co sɛ́lɛ́ le, hali mì vana saangiaa vanaa naa cɔwva le.»