2Piɛr 1:3 - BII BILA

³ Kpaaya ndɔ ihalayaa yɔngu naa ɲɛ-ɲɛ naa n nɔ makoo le vaa a sandaa, mó cɔm naa vana veelu naa o biilu ndɔɔ a o dɛnnda ndɔla kaamaala o tosa lan nin-ndo.

2Piɛr 1:3 Referans Kwoze

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

Rɔmnda 8:32

Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?

2Korɛntea 12:9

Kɛ mó dimul-la aa: «Kɛndɛi nii tiw nɔm. Kani o yoomuma lepɛŋndan nin kpaaya nuu cɔmnùn ni.» Lelan, o co fisa mì kuundian o yoomuma nima lepɛŋndan nin, haliko mi kpaaya Krista-o va ya coo.

1Piɛr 2:21

Le ken kpeekpei niaa sɔla veeloo ni, kani Krista bɛɛ sanga le niaa mó mel niaa tɔɔmaseloo haliko mi la dem foofola ndɔlan.

2Tesalonikea 2:14

Lelan o tosa ni mò veelu niaa o Yoongu kɛndɛ naa dimul niaa-o nin, haliko mi la sɔla biilu Maalii naa Yeesu Krista-o.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

1Tesalonikea 4:7

Kani Hala veelu naa le kela o dɛnɛ nɔɔlɛi nin te, kɛ le kelaa o dindinndo nin.

1Piɛr 1:15

Kɛ mɛɛ vana veelu niaa-o co o diandaa yɛ, niaa bɛɛ la va a diandaa lende o kela niaa nin kpede.

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

1Korɛntea 1:9

Vana lo o lediom coo-o Hala co ni, o veelu niaa, haliko mi la va diom pilɛ a Po ndɔɔ Yeesu Krista Maalii naa-o.

2Piɛr 1:2

Màá kɛndɛi a kɔlɲuloo kui niaa o lakɔl le sínà niaa síná Hala a Maalii naa Yeesu-o!

2Piɛr 1:5

Le kon yɛ, la kindikindin mì la handu kela kɛndɔɔ o laalan niaa coo, mì la handu dɛnɛ sinaa o kela niaa kɛndɔɔ coo,

1Piɛr 3:9

La mingì maa dɛnɛ vɔɔndo le, la mingì yeiyo le. Kɛ o niaa bɛnda le tosaa-o co duaa dɔvɔɔ ni, kani le ken niaa sɔla veeloo ni, haliko mi la loo duaa.

Kolɔsea 1:16

kani o ndu nin ɲɔɔn kpow n cɔwnun ni, mun o halataala a mun o lɛŋnden coo, ɲaa yoomaa vana ca-a ɲaa vana ci le-a, masɛi a vanaa lebolla, kpaayala maɲumndan a simlacia. Ndu o ba ɲɛm mun kpow n cɔwnun ni, le ndu n co ni.

1Timote 4:8

Kani diallon kindio naŋ, kɛ kon nɔ tɔnɔ bɔɔ le. Siòòŋii Hala-e nɔu o dɛnndan kpow nin hiow naŋɔɔ polon, kani kon yɔngu naa tiindanndo sɔlaa le ceendo ho sunsun a le ceen hunnin-ndo ni.

Efɛsea 4:4

Kɔɔlen len pilɛ le co ni, Kɔl-Diandaa vɛlɛ ndu pilɛ co ni. Lende koni, kɔlkɛsiaa ndu pilɛ co ni, maa mɛɛ niaa bɛɛ sɔla veeloo o kɔlkɛsiaa ndu pilɛ nin yɛ.

Filipea 4:8

Le sɔɔn tɔ̀un yɛ puapilɛa nia, la va kɔllo keelaa o dɛnndan ndan coo: dɛnnda toɲa lan kpow, dɛnnda lebɛɛlan kpow, dɛnnda sandaalan kpow, dɛnnda diandaa lan kpow, dɛnnda vannda hini kɔltan-ndan kpow a dɛnnda vanà sɔlà lisaa lan kpow.

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Condii lisai 110:3

Paale n cuungiaanin vanaa nɔmaa cɔwva o pembii diandɛi coo le cɔwvo len, langbaa felengia dialun fulaa liilanin nɔm. A hunnin nɔm o hɔl o pembun diandan coo mɛɛ kɛmndan ma fula idii nuaa yɛ.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Rɔmnda 9:24

Naa n co yɛ kpɛɛnɛn mun ni, o tasoo, naa o veelu fulaa Yuifia tɛɛn-nda, kɛ kɔ bii niko a vanaa fula vanaa-mangalaa-isɔɔa celen tɛɛn-nda.

Talelan 12:4

Vanalanɔ sɔvɛɔ co maa mɔsil lemasa le pɔnɔ ndɔ. Kɛ vanalanɔ tuisi vana siɛmbulan-ndo ndu, maa nàá siɔŋi vana paalan-ndo o co ni.

Ruti 3:11

Lelan, cuanndo, buulan ndɛ le. Ɲɛ-ɲɛ n yeema pɛ, i tosalnin nɔm ndu, kani cieo ho kpow sina nin maa vanalanɔ sɔvɛɔ n co ni.

Talelan 31:29

‹Vanlaandua bɔɔ-bɔɔ a fula diallon. Kɛ nɔm, a hiow nda kpede.›

Talelan 31:10

«Nɛ̀ɛ́ saalun yɛnin vanalanɔ sɔvɛɔ? Ndu co fisa a yɔɔva báà kalaa.

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

2Piɛr 1:6

mì la tiw niaa pila ba handɔɔ o dɛnɛ niaa sina-o coo, mì la va vanaa biwnannda handɔɔ o tiw niaa tiw niaa pila ba-o coo, mì la handu ɲííye o biuvɔn niaa coo,

2Piɛr 1:8

Kani te la nɔ pɛ káàlan ndan, mì la kui niaa niŋ, la melnin niaa mì la kɛɛ ɲɛ tosa, te kon te mì la kɛɛ komɔɔ le Maalii naa Yeesu Krista sinaa le.

2Piɛr 1:10

Lelan puapilɛa nia, la cɔɔlu yoomuan luei o veelu Hala veelu niaa-o a o hɛli o hɛli niaa-o nin, la va pɛ tosaa lende, la delnin lɔ́ɔ́-lɔ́ɔ̀ le.

2Piɛr 2:20

Kani vanaa pum hɛlun dɛnnda vɔɔnnda ceenndan o Maalii naa a vana naa ciindiaa Yeesu Krista sinaa kɔɔli, kɛ taa muungu pɛ mà malnun dɛnnda lan o ba, mì la nɔla nda, ceen ndaa vɔwnin bɛɛ hiovɔɔ o tasoo coo.

2Piɛr 3:18

Kɛ la hiow laci o kɛndɛi Hala-e nin a o Maalii naa a Vana naa ciindiaa Yeesu Krista sinaa nin. Le ndu biiloo co kandɔɔ sunsun háá le fɛɛn a fɛɛn ni! Amiina.