2Piɛr 1:21 - BII BILA

²¹ kani o co a yiyan ivanacieeya le vanaa-tɛɛngaa-diom Hala-a dimi sɔɔn nda dimi-on te, kɛ o kpaaya Kɔl-Diandaa bɛngu vanndacieea tɛɛnguu diomnda Hala lan ni.

2Piɛr 1:21 Referans Kwoze

1Piɛr 1:11

A va kindinndo le telen dɛnnda lan la tosan-ndo a ɲɛ yɔngu dɛnnda lan tosanndo-o sinaa, la Hala Kɔl-Diandaa Krista-o yɔngu lan pɛɛn. O dɛnnda lan nin nda va pɔɔ sangala Krista ndóò sɔlanin-ndan a biilu ndóò sɔlanin o kon kɔɔlio dimio ni.

Luke 1:70

Maa mɛɛ ndóò dimi sɔɛi ken a sondola vanaa-tɛɛngaa-diom Hala-a diandaa ndɔa kabi paandu yɛ maa:

2Samiɛl 23:2

Kɔl Mɛlɛka-o kei a ya mó va sɔɛi, o handu sɔɛi ndɔɛi ya o lediɛɛmu.

Dɛnnda kiilaa 1:16

«Puapilɛa nia, mɛɛ mì ɲɛ Hala Kɔl-Diandaa ndóò dimi o Sɛbɛ-Hala-o nin-ndo ndóò peelun. Ɲɛ ndóò dimi a sondo David-o le Yuda-o pɛɛn. Yuda sim kon vannda laci le Yeesu biyɔɔ-o.

Hebreea 10:15

Ken Hala Kɔl-Diandaa bɛɛ dimi ni aa:

Dɛnnda kiilaa 3:18

Kɛ ɲɛ Hala ndóò dimi paandu a sondola vanaa-tɛɛngaa-diom Mɛlɛka-a kpow-vo peelun lende ni, maa mɛɛ mì Krista ndóò sanga.

Marke 12:36

Kani David pila dimi o kpaaya Kɔl-Diandaa bɛngu aa: ‹Mɛlɛka dimul Maalii nuu aa: Cal-la o ba kɛndɔɔ coo, háá mì luei yaamɔaa nɔmnda nɔm o pelon bɛngu.›

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Hebreea 3:7

Lelan maa mɛɛ Kɔl-Diandaa dimi yɛ aa: «Te la tuei pɛ hau diom Hala-o,

Kundalan 16:28

Mí Moise dimi aa: «Mɛɛ niaa sinanin lekɛ́ndɛi maa Mɛlɛka vem ya le vali ya co tosaa-o tosaa ni yɛ, maa i co ɲɛ-ɲɛ tosa a ba ni le yɛ co hoo ni:

Dɛnnda kiilaa 28:25

Má sɛyan a sɛɛngianndan, mí Pol dimul nda aa: «Toɲaa mí Hala Kɔl-Diandaa soaa a sondo Esai, vana-tɛɛngaa-diom Hala-o,

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

Hebreea 9:8

Mí Hala Kɔl-Diandaa cɔm o kon maa te fonda tase cɛi-kola kon co vɔ pɛ, mɛɛ nɛi kɔɛ o fonda diandaa-diandaa-o co vɔ o kumbiaa le.

1Masaa 13:1

Mí Mɛlɛka viam vana-tɛɛngaa-diom Hala-o pum cɔnɔnndo Yuda, mó kɔa Betɛl. O komal kpafii Yeroboam va isisi o fonda-loamaa-lasálàá, o va ansan lomɔɔ.

Yosue 14:6

Paale pum, mí vanaa fula o polale Yuda len nin-nda kɔa o Yosue lo Kilkal, mí Kalɛb po Yefune Kenisiinɔ-o dimul ndu aa: «Vɛ̀ɛ̀ a loonun pá ɲɛ Mɛlɛka dimul Moise vana baala Hala-o le nɔm a ya o kɔɔ Kadɛs-Barnea-o?

Misee 3:7

Vanaa dimi sɔɔn vaa siɔdii-a kpow a viannin hɔlla, mì siɛmbulan la bii vanaa viamaa yavaa. Kani Hala mulul lɛnin nda le.

2Dɛnnda lemasalan 8:14

Mí Salomɔn yɔngu kundala vannda ha baalala ndalan, mɛɛ David fuɲa ndɔ ndóò dimi yɛ: vanaa-solia-lasálàá, leviaa va le Mɛlɛka biiloo lepalaa-lepala-a, te kon te le nda malaa o baalalan nin-nda, a kunda kpalilaa cumulaa ladioa, a ndáà kɛsi cumullo o diola pilɛn-pilɛnndan-nda. Lende David vana baala Hala-o ndóò dimi ni.

2Masaa 6:15

Idiiyo púŋ, mí buɛi Elise vana-tɛɛngaa-diom Hala-o can le fulaa o kobio kɔɔli, kɛ o komal vanaa cɔwva hin kunda bɛndoo ma balu kobio sɔ́ a soa a á ɲɛla ɲaanannda soa nan-ndan. Mó kɔ dimul Elise vana-tɛɛngaa-diom Hala-o aa: «Éé vana ni bɛndoo! Vɛ̀ɛ̀ naa n tosa yɛnin kpeekpei?»

2Masaa 6:10

O kon, mí masa Israɛlla viam vannda le kɔlan fɛfɛlaa o fonda vana-tɛɛngaa-diom Hala-o ndóò dimul ndu kon-ndo. Dɛnɛ kon va tosanndo cuɛi-cuɛi, Elise va kɔlan masa Israɛlla dimullo, mí ndu masaa bɛɛ va kelaa a taasi.

1Masaa 17:24

Mí cua kon dimul Elii aa: «I laalan nihau lekɛ́ndɛi maa vana-tɛɛngaa-diom Hala-o n co ni, toɲaa kpeekpei sɔɛi Mɛlɛka-i co nɔm fulaa o sondo-e co ni.»

1Dɛnnda lemasalan 23:14

Kɛ má handu poaa Moise, vana baala Hala-o-a, o polale Levii len coo.

2Masaa 4:22

Mó veelu pɔnɔ ndɔ, mó dimul ndu aa: «A yandi, cuu vɔ ya buɛiyo pilɛ a sofɛlɛ laandoo, mí keleŋa lakɔ cɔ́-cɔ́ o vana Hala-o ho lo. I co hunɔɔ.»

2Masaa 4:9

Mí cua kon dimul pɔnɔ ndɔ aa: «I laalan maa langbanɔ kei hoo lɔ́ɔ́-lɔ́ò o naa lo-o, vana diandaa Hala-o o co ni.

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

2Masaa 4:7

Mí cuaa kɔ downun Elise kona. Mí Elise dimul ndu aa: «Kɔ pisi cuɛima man, mà sala kuee pilaa. Ɲɛ co lo-o, la dɔwnun balo niaa poaa nɔmnda a kon.»

Yeremi 23:26

Yɛɛ nɛ vanaa-tɛɛngaa-diom Hala-a ha nɔ yɛ o kɔl, ma co vannda còòlan dimullo? Sɔɔn nda pila co toosiaa-on. Háá lɔ́ɔ́ kuɛɛ ɲɔɔ lo yɛnin tosanndo lende?

Esekiɛl 1:3

mí sɔɛi Mɛlɛka-e dimulun ya Esekiɛl, po Busi va vana-solia-lasálàá o lɛŋnde Babilɔnnda nin, o peo Kebar kɔngɔ-o, lon ba Mɛlɛka-o tol-la coo ni.

Misee 1:1

Sɔɔn Mɛlɛka dimul Misee fula Moresɛt-o-on co mun ni. O palɛi Yotam, Ahas a Esekia a va masalen tosaa Yuda-o o dimul ndu mun ni. A Samari a á Yerusalɛm o kɔɔ o ce vundule len ni.