2Piɛr 1:16 - BII BILA

¹⁶ Nduyɛ, o co bundɔn nda caa toosiaa-on te naa n co niaa dimul a hunɔɔ kpaaya Maalii Yeesu Krista-o o kɔɔ le, kɛ naa pila n ce biilu ndɔɔ a lehɔl ciŋ.

2Piɛr 1:16 Referans Kwoze

1Nsaŋ 4:14

Naa yɛ, cɔu naa n ce ni, mí n va seilen timbio maa Pua vem Poo ni, mò va vana ciindiaa le ceendo kpede.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

1Timote 1:4

Dimul nda maa a mal talelan a diola fuɲaa-mamaa nɔ lamɛɛlule lan dimio o polalen. Kon hun a sɛɛngianndan ni, o hivi baala Hala-o laci o laalanndo nin te.

1Timote 4:7

Kɛ mal talela fondolan, la vanlaandua yuuvɛiya dimi lan ndan, mà kindin ma vo Hala.

1Korɛntea 2:4

Sɔɛi nii a pɛɛku nuu ve fula o kɔlkalu ivanacieeya nin a o sɔɔn bii vana kɔllo-on nin te. Kɛ kpaaya Hala Kɔl-Diandaa tosa ni mí kon yɔŋnun,

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

1Korɛntea 1:17

Kani Krista vim ya le vana yinɔɔ le, kɛ le vannda Yoongu kɛndɔɔ tiiyallo. O co le sɔɛi caa le, yɔŋii piɔ́m Krista sɔla o yɔm singafilaa coo-o siŋnun fúú.

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Tite 1:14

o kon mà faŋal talela lacòòvala Yuifia hɔlla, silala vanaa mulul kan toɲaa kɔɔ-a pɛɛn.

Yude 1:14

A nda o kɔɔ Enɔk, fuɲa-mama ŋɔmmɛwndɔɔ o Adam kɔɔli tɛɛnguu diom Hala-o ni aa: «La tofa vɔ, Maalii co hunɔ̀ɔ́ a mɛlɛkaa ndɔa diandaa vaalan a vaalan

2Tesalonikea 2:9

Vana kɔlvesɛiyo hunnin a kpaaya Setana-o, mò tosa dɛnnda kpaayala súú-súù ka, kaamaalan a kɔndɔfilta lacòòvalan.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Malasi 3:2

Nɛ̀ɛ́-nɛ̀ yulu yɛnin paale o hunnin-nden? Nɛ̀ɛ́-nɛ̀ lo yɛnin isisi lɔ́ɔ́ o fulanin ceen-ndo? Kani maa yinnde teengiaa cilinnde len o vanin ni. Maa sɛmma vana tɔaa volɔɔlan-ndan o co ni.

1Tesalonikea 2:19

Kani niaa naa n tiindan ni, o niaa nin naa n dɔawnun ɲaale ni. Telen Maalii Yeesu hunnin-ndo, niaa vanin tɔɔmasele cɔ̀m maa n nɔla-o ni.

Filipea 3:21

Ndu mangalanin kɔɔle naale dɛnɛ palaalen ni, mò mingi len maa kɔɔle ndɔle biilaa len, a kpaaya bɛndu o nɔ le ɲɛ-ɲɛ fee lueinɔnndo ndu o ba bɛngu-o.

1Korɛntea 5:4

Nduyɛ, lɔ́ɔ́ niaa cuungiaanin o diola Maalii naa Yeesu lan-ndo, i vanin niaa tɛɛn o kɔllo nin, kpaaya Maalii Yeesu-o cɔmnunnin niaa tɛɛn.

1Korɛntea 2:1

Puapilɛa nia, lɔ́ɔ́ ya kɔɛ o niaa lo le niaa Yoongu kɛndɔɔ tiiyallo-o, i dimul niaa isɔɔ oo isɔɔ o sɔɔn bɛndu nin te, te kon te a kɔlkalu bɛndu le.

1Korɛntea 1:23

Naa naa, sɔɛi Krista nda baŋ o yɔm singafilaa coo-e naa n co vannda tiiyallo ni, sɔɛi co tosaa mì Yuifia va luɛyɔɔ o pɔwlan nin, mì i va diɔmnde le vanaa sínà Hala le-a-e pɛɛn.

1Korɛntea 1:7

Lelan, la fola ké kɛ́-kɛ̀ le, niaa co Maalii naa Yeesu Krista cumndo telen o fulanin-ndo-a.

Rɔmnda 1:4

Mó cɔmnun vanndacieea a kpaaya bɛndoo o Kɔl-Diandaa nin maa Po Hala-o o co ni, le tùú o tendul fulaa vanvílɛ́iya tɛɛn-ndo.

Nsaŋ 17:2

maa mɛɛ n ke ndu kpaayaa ɲɔɔn kpow coo yɛ, haliko mo ke vanaa n ke ndu-a kpow yoomu fɛɛn-fɛɛndo.

Matie 24:27

Kani mɛɛ piɔɔ-volia kandun a ba paalen le can-ndo, mò kɔɛ háá a ba paalen le del-lo nuaa yɛ, lende hunɔɔ Po vanacieo vanin ni.

Matie 24:3

Mɛɛ Yeesu va icali o Pembii oliviei coo, mí kaandennda hun ɲuna ndu nda pilɛ kínɛí aa: «Dimul naa, telen kuɛɛ dɛnnda lan la yɔŋnun yɛnin? Ɔ́ɔ̀ tɔɔmasele hunɔɔ nɔmndo a tɔɔmasele mɛɛlula ceendo?»

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 17:1

Palɛi ŋɔmpum o kon kɔɔli, mí Yeesu cua Piɛr, Nsaki a Nsaŋ puapilɛ ndɔ, mó kɔa a nda o pembii vilɛiye pum coo.

Marke 13:26

O kon vannda canin Po vanacieo hunɔɔ o yumbuyumboo nin a kpaaya bɛndoo a á biiloo.

Marke 14:62

Mí Yeesu muli aa: «Oi! Ndu ya co ni. La canin Po vanacieo icali Hala, vana kpaayaa kpow o ba kɛndɔɔ coo, mì la ce ndu vɛlɛ hunɔɔ o yumbuyumbu halataala-o nin.»

Luke 1:2

má tiiyal vannda lan mɛɛ seyaa ce sɔɔn mun a lehɔl kabi o tasendɔ-a a dimul naa yɛ, aa sɔla kan dio le sɔɛi Hala-e dimio-a pɛɛn.

Luke 9:43

O kon mí kɔndɔfillo bii vannda kpow a bɔɔbɔɔyɛi Hala-e. Le tùú kɔndɔfillo va vannda kpow a dɛnnda Yeesu va tosaa lan-ndo, mó dimul kaandeŋaa ndɔa aa:

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.