2Piɛr 1:10 - BII BILA

¹⁰ Lelan puapilɛa nia, la cɔɔlu yoomuan luei o veelu Hala veelu niaa-o a o hɛli o hɛli niaa-o nin, la va pɛ tosaa lende, la delnin lɔ́ɔ́-lɔ́ɔ̀ le.

2Piɛr 1:10 Referans Kwoze

2Piɛr 3:17

Kɛ niaa vanaa hɛnan ya-a, la sina nin sɔɔn mun, la va o lapɔɛɛnɔn nin te, yɔŋii niaa del vanaa sina Hala le-a kɔɔli, mì la sungun o foofo kɛndɛ niaa sim-ndo.

Hebreea 6:11

Kɛ nduyɛ, o naa n yeema-o co ho ni, mì vana-vana o niaa tɛɛn lo lecoo háá o mɛɛlulan. O kon mí ɲɛ niaa kɛsi kɔllo coo-o tosan.

Condii lisai 121:3

O cɛlnin mà siɛla le, vana co nɔm mandaa-o lɔlnin te.

Misee 7:8

Nɔm yaamɔɔ nuu sei, dɔawnun ɲaale a dɛnɛ nuu o kɔɔ le! Kani i del bɛɛ, i co cɔnɔn, i va bɛɛ icali o ɲumndan nin, Mɛlɛka co ɲɛ-tengaa nuu ni.

Condii lisai 112:6

Vana bii pɛ sɔɛi Hala-e, ndu delnin lɔ́ɔ́-lɔ́ɔ̀ le, vannda vanin loonɔnndo a ndu o kɔɔ lɔ́ɔ́-lɔ́ɔ̀.

2Piɛr 1:5

Le kon yɛ, la kindikindin mì la handu kela kɛndɔɔ o laalan niaa coo, mì la handu dɛnɛ sinaa o kela niaa kɛndɔɔ coo,

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Condii lisai 62:2

Hala ikɛi damaa ya calnùn nila ɲulu ni, ndu Hala o ba cinda nuu cɛn tum ni.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Esai 56:2

Duaa co le vana co tosa lende-o, duaa co le vana co kelaa o sɔɔn mun coo-o, o co paale pɛngiaalen bɛɛlen keo yɔŋii o del kasi a len-ndo, o mandan, yɔŋii o tosa dɛnɛ vɔɔndo-o.

Condii lisai 62:6

A toɲa, ó Hala lo kínɛí kɔl nuu sɔla pɛngio ni, kani o ndu nin tiindan nuu cɛn tum ni.

Condii lisai 37:24

Vana kon siɛla bɛɛ, o del te, kani Mɛlɛka bii ndu baa.

Hebreea 6:19

N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.

Condii lisai 15:5

O yɔngu vana kuee le tɔnɔ sɔla lecoo le, o cɛl luɛyɔɔninndo le vana tɛɛmbuu isɔɔ loo palaa le. Vana kela pɛ o nɛilan ndan coo, vana kon del lɔ́ɔ́-lɔ́ɔ̀ le.

Matie 22:14

Kani vanaa bɔɔ-bɔɔ a veelun, kɛ a hɛlin-nda co sɛ́lɛ́ le.»

Rɔmnda 11:29

Kani ke Hala-o a veelu ndɔɔ mangalan te.

Nsaki 2:10

Kani vanndo bii bɛɛ tɔŋndan kpow, kɛ o tɛɛmbuu pɛ silaa o pilɛ, mɛɛ tɔŋndan kpow o tɛɛmbuu lende ni.

2Piɛr 1:3

Kpaaya ndɔ ihalayaa yɔngu naa ɲɛ-ɲɛ naa n nɔ makoo le vaa a sandaa, mó cɔm naa vana veelu naa o biilu ndɔɔ a o dɛnnda ndɔla kaamaala o tosa lan nin-ndo.

2Piɛr 3:14

Lelan caaŋaa nia, o cum kon nin, la kindikindin mo komal niaa o bɛndaa nin a ndu, o va a sɔŋ te, o va a isɔw le.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

Yosue 7:3

Ndáà muungoo Yosue o ibuŋ, má dimul ndu aa: «Vannda kpow héélù le Ai cɔlɔbaa le. N'van vàála tiɔn, te kon te vàála yaa bɛɛ a tìw. Kani vanaa co lon-nda co sɛ́lɛ́ le, hali mì vana saangiaa vanaa naa cɔwva le.»